Agriculture news in marathi; Rabari will have double benefit option in Amravati district: Chawla | Agrowon

अमरावती जिल्ह्यात ज्वारी ठरेल रब्बीत दुहेरी फायद्याचा पर्याय ः चवाळे

टीम अॅग्रोवन
शुक्रवार, 15 नोव्हेंबर 2019

अमरावती  ः मध्यम जमीन व सिंचनाच्या सोयी मर्यादित असलेल्या शेतकऱ्यांसाठी रब्बी ज्वारी हा उपयुक्‍त पर्याय ठरू शकतो. त्यामुळे शेतकऱ्यांनी जमिनीच्या वर्गवारीनुसार पिकाच्या निवडीवर रब्बी हंगामात भर देण्याचे आवाहन जिल्हा अधीक्षक कृषी अधिकारी विजय चवाळे यांनी केले आहे. 

अमरावती  ः मध्यम जमीन व सिंचनाच्या सोयी मर्यादित असलेल्या शेतकऱ्यांसाठी रब्बी ज्वारी हा उपयुक्‍त पर्याय ठरू शकतो. त्यामुळे शेतकऱ्यांनी जमिनीच्या वर्गवारीनुसार पिकाच्या निवडीवर रब्बी हंगामात भर देण्याचे आवाहन जिल्हा अधीक्षक कृषी अधिकारी विजय चवाळे यांनी केले आहे. 

मॉन्सूनोत्तर पाऊस ऑक्टोबर व त्यानंतर आता नोव्हेंबरमध्ये देखील काही भागांत झाला. त्यामुळे जमिनीत अतिरिक्‍त ओलावा निर्माण झाला आहे. शेतकऱ्यांनी या ओलाव्याचा वापर करीत कमी पाण्यात येणारे रब्बी ज्वारीचे पीक घेतल्यास व एखादे संरक्षित सिंचन दिल्यास धान्य आणि कडबा अशा दुहेरी आणि हमखास उत्पन्नाची हमी शेतकऱ्यांना राहणार आहे. ज्या ठिकाणी संरक्षित सिंचन उपलब्ध नसेल, त्याच ठिकाणी धान्याचे उत्पादन कमी मिळाले तरी कडब्याच्या माध्यमातून जनावरांच्या वैरणाचा प्रश्‍न निश्चितपणे सोडविता येऊ शकतो.

जिल्ह्यात पौष्टिक तृणधान्य योजनेअंतर्गत महाबीजमार्फत फुले सुचित्रा या रब्बी ज्वारी वाणाचे बियाणे अनुदानावर वितरणासाठी अधिकृत वितरकांमार्फत उपलब्ध होऊ शकेल. त्या अनुषंगाने रब्बी ज्वारी लागवड करण्यास इच्छुक शेतकऱ्यांनी गावातील कृषी सहायकाकडे आपली नावे नोंदवावी. नावे नोंदविल्यास त्या तालुक्‍यातील विक्री केंद्रावर बियाणे उपलब्ध करून देण्याबाबत महाबीजला सुध्दा सोईचे होईल, असेही विजय चवाळे यांनी सांगितले. 

सामूहिक क्षेत्रात धोके कमी
वन्यप्राण्यांपासून होणाऱ्या त्रासाच्या पार्श्‍वभूमीवर शेतकरी ज्वारी लागवडीस इच्छुक नसतात. मात्र, एखाद्या गावात क्‍लस्टरबेस हे पीक घेतल्यास वन्यप्राण्यापासून पीक संरक्षणाच्या एकत्रित उपाययोजना करणे शक्‍य होते. त्यामुळे एकट्या शेतकऱ्याने ज्वारीची पेरणी करण्यापेक्षा एकत्रितपणे पेरणीसाठी आपसात चर्चा करावी, असेही विजय चवाळे यांनी सांगितले.


इतर बातम्या
कृषी विधेयकांस विरोधासाठी इंडिया...नवी दिल्ली : बहुचर्चित कृषी विधेयकांवर राष्ट्रपती...
मॉन्सूनने मुक्काम हलविला; राजस्थानातून...पुणे : पश्चिम राजस्थानात २५ जूनच्या दरम्यान दाखल...
कृषी विधेयकांवर राष्ट्रपतींची स्वाक्षरीनवी दिल्ली : संसदेने मंजूर केलेल्या तिन्ही कृषी...
कृषी विधेयकांत शेतकऱ्यांचाच फायदा : मन...नवी दिल्लीः ‘मन की बात’ या मासिक रेडिओ...
नगरमधील ३५ हजार शेतकरी विमा भरपाईपासून...नगर  ः जिल्ह्यात गेल्यावर्षी परतीच्या...
कोकण कृषी विद्यापीठ कारळा पिकाच्या...दापोली, जि.रत्नागिरी  : कमी मेहनत, कमी...
रत्नागिरी जिल्ह्यात हळव्या भात कापणीत...रत्नागिरी  : हळवे भात पीक कापणी योग्य झाले...
औरंगाबादमध्ये थेट शेतीमाल विक्रीची ...औरंगाबाद  : औरंगाबाद शहरासह ग्रामीण भागात...
नांदेडमधील पीक नुकसानीची...नांदेड : नांदेड जिल्ह्यात मागील काही दिवसांपासून...
हिंगोली, परभणीतील पीक नुकसानीचे तत्काळ...हिंगोली  ः अतिवृष्टीमुळे नुकसान झालेल्या...
खावटी अनुदान योजनेच्या नावाखाली...मुंबई: राज्य सरकारने जाहीर केलेली खावटी अनुदान...
पूरस्थितीचा गडचिरोली जिल्ह्यातील २०...गडचिरोली : जिल्ह्यात गोसेखुर्द धरणातून पाणी...
मुंबईतील व्यापारी, कामगारांमध्ये कृषी...मुंबई: केंद्र शासनाच्या तीन कृषी विधेयकांचे पडसाद...
कृषी पर्यटनामध्ये रानभाज्यांना महत्त्वसिंधुदुर्ग: राना-वनात, जंगलामध्ये असलेल्या...
इथेनॉलकडे साखर वळविणारकोल्हापूर: येत्या हंगामात जादा ऊस गाळपाच्या...
निर्यातीसाठी दर्जेदार हळद उत्पादन घ्याहिंगोली: हिंगोली जिल्ह्यात हळदीच्या क्षेत्रात...
मॉन्सूनचा परतीचा प्रवास आजपासून पुणे ः उत्तर भारतात लवकरच दाखल झालेल्या मॉन्सूनचा...
मराठवाडा, विदर्भात उद्या पावसाचा अंदाज पुणे ः परतीच्या पावसासाठी काही कालावधी बाकी आहे....
अभूतपूर्व साखर साठ्याचे संकट पुणे: राज्यात ७२ लाख टन साखर शिल्लक असताना येत्या...
लातूर, नांदेडमध्ये दमदार पाऊसपुणे ः राज्यातील अनेक भागांत पावसाचे वातावरण...