agriculture news in marathi, rabbi crops area may increase in akola, washim, maharashtra | Agrowon

अकोला, वाशीममध्ये रब्बी पिकांचे क्षेत्र वाढण्याची शक्यता
टीम अॅग्रोवन
गुरुवार, 27 सप्टेंबर 2018

पाऊस चांगला झालेला असून परतीच्या पावसाचीसुद्धा शक्यता अाहे. त्यामुळे अकोला जिल्ह्यात रब्बीत हरभऱ्याचे क्षेत्र वाढविण्याचे कृषी विभागाचे नियोजन अाहे. तशा सूचना देण्यात अाल्या अाहेत.

- राजेंद्र निकम, जिल्हा अधीक्षक कृषी अधिकारी, अकोला .

अकोला  ः यंदा अकोला, वाशीम जिल्ह्यांत चांगला पाऊस झाला असून धरण प्रकल्पांमध्येही पुरेसा पाणीसाठा अाहे. परिणामी या दोन्ही जिल्ह्यांत रब्बीचे लागवड क्षेत्र वाढविण्याचे नियोजन कृषी विभागाकडून केले जात अाहे. दुसरीकडे लगतच्या बुलडाणा जिल्ह्यात यंदा कमी पाऊस झाला असून परतीच्या पावसानेही आतापर्यंत पुरेसा दिलासा दिलेला नाही. यामुळे तेथे रब्बीबाबत साशंकता निर्माण होऊ लागली अाहे. नियोजनाच्या दृष्टीने प्रशासकीय यंत्रणासुद्धा सध्या चाचपडत अाहेत.

अकोला, वाशीम या दोन्ही जिल्ह्यांमध्ये रब्बीच्या दृष्टीने पोषक स्थिती अाहे. शिवाय गेल्या अाठवड्यात दोन दिवस काही भागात दिलासादायी पाऊस झाला. यामुळे रब्बीला मोठ्या प्रमाणात चालना मिळण्याची शक्यता अाहे. अकोला, वाशीम या दोन्ही जिल्ह्यांमध्ये सरासरी क्षेत्राच्या तुलनेत अधिक क्षेत्रावर पेरणीचे नियोजन केले जात अाहे. प्रामुख्याने हरभरा पिकाचे क्षेत्र वाढविण्यावर भर दिला जात अाहे. दोन्ही जिल्हे मिळून हरभऱ्याची सुमारे दीड लाख हेक्टरपेक्षा अधिक क्षेत्रावर पेरणी होणार अाहे. यानंतर गव्हाचे क्षेत्र लागवडीखाली येईल.

हरभऱ्याच्या क्षेत्रातील वाढ लक्षात घेता बाजारपेठेत बियाणे, खतांची उपलब्धता करून दिली जात अाहे. सध्या उडीद हंगाम सुरू असून सोयाबीनची काढणीसुद्धा लवकर सुरू होईल. सोयाबीन काढणीनंतर अाॅक्टोबरमध्ये सरसकट रब्बी पेरणीला सुरवात होणार अाहे. रब्बीसाठी अकोला व वाशीम या दोन्ही जिल्ह्यांमधील काही प्रकल्पांमधून पाणी देण्याचे नियोजनसुद्धा अंतिम टप्प्यात अाहे.
 
बुलडाण्यात परतीच्या पावसावरच रब्बी अवलंबून
बुलडाणा जिल्ह्यात सरासरीच्या ३१ टक्के कमी पाऊस झाला अाहे. जिल्ह्यात अातापर्यंत केवळ ४६५ मिमी पाऊस पडलेला अाहे. परिणामी खरिपातील पिकांचे मोठे नुकसान झाले अाहे. अाता परतीचा पाऊस जोरदार झाला तर रब्बीच्या दृष्टीने फायदेशीर होऊ शकेल. परतीच्या पावसावरच या जिल्ह्यातील रब्बी हंगाम अवलंबून अाहे.  
 

इतर ताज्या घडामोडी
पुण्यात हिरवी मिरची, गाजराच्या दरात वाढपुणे ः गुलटेकडी येथील पुणे कृषी उत्पन्न बाजार...
रब्बी हंगामासाठी ‘काटेपूर्णा’चे पाणी...अकोला ः यंदा तुडुंब भरलेल्या काटेपूर्णा...
शेतीमाल वाहतूकदारांची वाहने अडवीत पोलिस...अमरावती ः मॉन्सूनोत्तर पावसाच्या नुकसानीमुळे आधीच...
रब्बी हंगामासाठी कुळीथ, हरभरा बियाणे...रत्नागिरी ः अतिवृष्टी आणि अवकाळी पावसामुळे...
कर्जमाफीच्या याद्या करण्यासाठी...कोल्हापूर : पूरग्रस्त पंचनाम्यांची माहिती तातडीने...
आपत्तीचा सामना सकारात्मकतेने करा ः...नाशिक : ‘‘मुश्किलो से भाग जाना आसाँ होता है, हर...
पंचनाम्याच्या तुलनेत तीस टक्क्यांपेक्षा...रत्नागिरी ः अतिवृष्टीत रत्नागिरी जिल्ह्यातील भात...
सातारा : पावणेदोन लाख शेतकऱ्यांना...सातारा  : जिल्ह्यात अतिवृष्टीमुळे पिकांचे...
गडचिरोली : दुर्गंधीमुळे पोल्ट्री बंदचा...गडचिरोली ः मोठ्या प्रमाणात वातावरणात पसरणाऱ्या...
लष्करी अळीच्या भीतीने मका लागवडी...जळगाव ः खानदेशात हरभऱ्यानंतर महत्त्वाचे मानल्या...
खानदेशात कांदा लागवडी वाढण्याचे संकेतजळगाव ः रब्बी हंगामातील कांद्याची खानदेशात यंदा...
पुणे बाजार समितीतील बेकायदा हमाली,...पुणे  ः पुणे बाजार समितीमधील डाळिंब...
नगर जिल्ह्यात ‘जलयुक्त’मधून सहा...नगर  ः जलयुक्त शिवार अभियानातून करण्यात...
तीन जिल्ह्यांत दीड हजार क्विंटल मूग...नांदेड  ः किंमत समर्थन मूल्य योजनेअंतर्गत...
किसान सभेच्या दणक्यानंतर; परळीतील...पुणे ः परळी (जि. बीड) तालुक्यातील खरीप २०१८ मध्ये...
परभणी जिल्ह्यात रब्बीत चार; तर उन्हाळी...परभणी : यंदा परभणी जिल्ह्यातील दोन मध्यम आणि...
परभणी जिल्ह्यात रब्बीसाठी ४० हजार ९१७...परभणी ः जिल्ह्यात यंदाच्या रब्बी हंगामातील...
नगर जिल्ह्यात पावसाने ९४ टक्के कापसाचे...नगर ः आक्टोबर महिन्यात पावसाने झालेल्या नुकसानीची...
कोल्हापुरात ऊस दराबाबतची बैठक फिस्कटलीकोल्हापूर  : यंदाच्या हंगामात कोणत्याही...
शिवसेनाप्रमुखांच्या स्मृतिदिनानिमित्त ...मुंबई  ः शिवसेनाप्रमुख बाळासाहेब ठाकरे...