agriculture news in marathi, rabbi sowing area may increase, pune, maharashtra | Page 2 ||| Agrowon

पुणे विभागात रब्बीचे क्षेत्र दीड लाख हेक्टरने वाढण्याचा अंदाज

टीम अॅग्रोवन
शनिवार, 16 नोव्हेंबर 2019

यंदा उशिरा पाऊस झाल्याने जमिनीत वेळेत वाफसा झाला नाही. त्यामुळे पेरण्यांना उशीर झाला असला तरी विभागात जवळपास दीड लाख हेक्टरने रब्बीचे क्षेत्र वाढणार आहे. त्यानुसार खते आणि बियाण्यांचा पुरवठा केला जात असून शेतकऱ्यांना कोणतीही अडचण भासणार नाही. काही अडचणी आल्यास शेतकऱ्यांनी तालुका कृषी कार्यालयाशी संपर्क साधावा.  
- दिलीप झेंडे, विभागीय कृषी सहसंचालक, पुणे विभाग.

पुणे  ः ऑक्टोबर आणि नोव्हेंबर महिन्यात झालेल्या पावसामुळे रब्बी हंगामातील पिकांच्या लागवड क्षेत्रात वाढ होण्याची शक्यता आहे. विभागात पेरण्यांना उशिराने सुरुवात झाली असली तरी चालू वर्षी सरासरी क्षेत्राच्या तुलनेत दीड लाख हेक्टरने क्षेत्र वाढ होण्याची शक्यता आहे. चालू वर्षी जवळपास १९ लाख २९ हजार ११३ हेक्टरवर पेरणी होण्याचा अंदाज कृषी विभागाच्या सूत्रांनी वर्तविला आहे.

पुणे विभागात रब्बी हंगामातील सरासरी क्षेत्र १७ लाख ८१ हजार ३५ हेक्टर आहे. त्यामध्ये आणखी वाढ होणार असल्याचा अंदाज असून त्यानुसार खते व बियाणांचे वाटप करण्यात आले आहे. विशेष म्हणजे चालू वर्षी हरभरा, गहू, ज्वारी या पिकांच्या क्षेत्रात प्रामुख्याने वाढ होण्याची शक्यता आहे. आत्तापर्यंत पाच लाख ५६ हजार २८३ हेक्टर म्हणजेच सरासरी ३१ टक्के क्षेत्रावर पेरण्या झाल्या आहेत.

यंदा उशिराने दाखल झालेल्या पावसाने खरीप पेरण्याही उशिराने दाखल झाल्या होत्या. त्यातच ऑक्टोबर महिन्यात झालेल्या पावसामुळे रब्बी हंगामातील पेरण्यांची सुरुवातही उशिराने झाली. विभागातील नगर, पुणे, सोलापूर जिल्ह्यांत ज्वारी, हरभरा या पिकांच्या पेरण्या काही प्रमाणात झाल्या असल्या तरी त्याचे प्रमाण कमी आहे. आता पावसानेही काही प्रमाणात उघडीप दिल्याने रब्बी पेरण्यांना वेग येण्याची शक्यता आहे. पुणे विभागातील नगर जिल्ह्यात रब्बी ज्वारीच्या पेरण्या अंतिम टप्प्यात आल्या आहे. काही ठिकाणी पेरणी झालेल्या पिकावर अमेरिकन लष्करी अळीचा प्रादुर्भाव दिसून आला आहे. हरभरा पेरणीस अल्प प्रमाणात सुरुवात झाली आहे.

पुणे जिल्ह्यातही खरिपातील सोयाबीन, मूग, उडीद या पिकांची काढणी झाली आहे. बाजरीची काढणी अंतिम टप्प्यात आली आहे. रब्बी हंगामातील ज्वारी, हरभरा, मका पिकांच्या पेरण्या सुरू झाल्या आहेत. मॉन्सूनोत्तर पावसामुळे काही प्रमाणात फटका बसला असून पिकांच्या उगवणीचे प्रमाण कमी आहे. सोलापूरमध्येही रब्बी हंगामातील ज्वारी पिकाची पेरणी सुरू झाली आहे. चालू महिन्यात झालेल्या पावसामुळे अक्कलकोट, दक्षिण सोलापूर व बार्शी तालुक्यांत पेरणीस विलंब होत आहे. मोहोळ, माढा, करमाळा, सांगोला, माळशिरस व पंढरपूर तालुक्यांत पेरणी अंतिम टप्यात आहे. गहू व हरभरा पिकांच्या पेरणी क्षेत्रात वाढ होण्याची शक्यता आहे.
 


इतर ताज्या घडामोडी
बोंडारवाडी धरणप्रश्नी मेढा येथे आंदोलनमेढा, जि. सातारा : बोंडारवाडी धरण झालेच पाहिजे,...
ज्वारी उत्पादन यंदाही आतबट्ट्यातचनगर ः दोन वर्षं दुष्काळाच्या झळा सोसल्यानंतर यंदा...
जांभुळणी तलावाच्या कालव्याला गळतीखरसुंडी, जि. सांगली : जांभुळणी (ता. आटपाडी) येथील...
महिला शक्‍तीतूनच नवसमाजाची जडणघडण  ः...अमरावती  ः ‘जिच्या हाती पाळण्याची दोरी ती...
सोलापूर जिल्ह्यातील पाच नळपाणी योजना...सोलापूर : प्रादेशिक पाणीपुरवठा योजनेचे पाणी...
परभणी जिल्ह्यात फळबागेची ६३९ हेक्टरवर...परभणी : यंदा सिंचन स्त्रोतांना पाणी उपलब्ध आहे....
आंबेगाव तालुक्यात प्रतिकूल हवामानामुळे...निरगुडसर, जि. पुणे ः यंदा हवामानातील बदल व...
नगर जिल्ह्यात ४८ हजार हेक्टरवर चारा...नगर : जिल्ह्यात यंदा पाण्याची बऱ्यापैकी...
जळगाव जिल्ह्यात तूर विक्रीबाबत ८००...जळगाव  ः जिल्ह्यात यंदा झालेल्या अतिवृष्टीने...
पपई १४.५५ रुपये प्रतिकिलो शहादा, जि. नंदुरबार  : पपई उत्पादक शेतकरी व...
शेतीपंपांचा वीज वापर १६ टक्के; दाखविला...अकोला  ः शेतीपंपांचा वीज वापर १६ टक्केच होत...
कोल्हापुरात गवार, घेवड्याच्या दरात...कोल्हापूर : येथील कृषी उत्पन्न बाजार समितीत या...
सोलापुरात द्राक्ष, डाळिंबाला उठाव, दर...सोलापूर : सोलापूर कृषी उत्पन्न बाजार समितीच्या...
नगर जिल्ह्यात ज्वारीची आवक वाढली, दरात...नगर : नगर कृषी उत्पन्न बाजार समितीत गेल्या...
पुणे विभागात गव्हाचा १ लाख ६८ हजार...पुणे  ः पुणे विभागात गव्हाच्या पेरण्या...
खासदार औद्योगिक महोत्सवाच्या माध्यमातून...नागपूर  ः खासदार औद्योगिक महोत्सवाच्या...
अकोला कृषी विद्यापीठात विद्यार्थ्यांचे...अकोला  : ‘कृषी’चे पदव्युत्तर शिक्षण हे...
तीन जिल्ह्यांत तूर विक्रीसाठी २९...नांदेड  ः मराठवाड्यातील नांदेड, परभणी,...
आळसंद येथील पशुवैद्यकीय दवाखाना उद्‌...आळसंद, जि. सांगली : आळसंद (ता. खानापूर) येथे...
तीन जिल्ह्यांत सतरा लाख ४१ हजार क्विंटल...नांदेड  ः नांदेड, परभणी, हिंगोली जिल्ह्यांत...