खानदेशात रब्बीची पेरणी २०० टक्के होणे शक्य

जळगाव ः खानदेशात रब्बी पेरणीची तयारी सुरू झाली आहे. यंदा २०० टक्के पेरणी होईल, असे चित्र आहे. मागील दोन वर्षे खानदेशात रब्बीची पेरणी २०० टक्के झाली आहे. हरभऱ्याची पेरणी किमान सव्वा लाख हेक्टरवर होईल, असा अंदाज आहे.
Rabbi sowing in Khandesh 200 percent possible
Rabbi sowing in Khandesh 200 percent possible

जळगाव ः खानदेशात रब्बी पेरणीची तयारी सुरू झाली आहे. यंदा २०० टक्के पेरणी होईल, असे चित्र आहे. मागील दोन वर्षे खानदेशात रब्बीची पेरणी २०० टक्के झाली आहे. हरभऱ्याची पेरणी किमान सव्वा लाख हेक्टरवर होईल, असा अंदाज आहे. 

जळगाव जिल्ह्यात रब्बीचे सर्वसाधारण क्षेत्र सुमारे ९२ हजार हेक्टर आहे. पण, मागील दोन वर्षे जोरदार पावसाने पेरणी सव्वादोन लाख हेक्टरपर्यंत झाली आहे. धुळ्यातही १८० टक्क्यांवर रब्बीची पेरणी झाली आहे. तर, नंदुरबारातही रब्बीची पेरणी बऱ्यापैकी होते. यंदा नंदुरबारातील पेरणीदेखील किमान ११० टक्के होईल. नंदुरबारच्या उमर्दे व लगत किंवा दक्षिण भागात कमी पाऊस होता. नवापुरातही कमी पाऊस होता. यामुळे या भागात पेरणी कमी होईल. पण जळगाव जिल्ह्यातील पेरणी २०० टक्क्यांवर जाईल. 

खानदेशात सर्वाधिक सव्वा ते दीड लाख हेक्टरवर हरभऱ्याची पेरणी होईल. कोरडवाहू रब्बी ज्वारी, हरभऱ्याची पेरणी तापी, गिरणा, अनेर, पांझरा नदीकाठच्या काळ्या कसदार जमिनीत अधिक होईल. याची तयारी सुरू आहे. हरभऱ्यापाठोपाठ ज्वारी, मका, गहू यांची पेरणी होईल. मका लागवडदेखील स्थिर राहील. काही भागात मका लागवड वाढू शकते. कारण, मक्याचे दर काही महिने स्थिर आहेत. बाजरीची पेरणीदेखील वाढेल. तसेच कांदा लागवडीचे नियोजनदेखील सुरू झाले आहे. जलसाठे मुबलक असल्याने गव्हाची पेरणीदेखील १०० टक्क्यांवर होईल, असे सांगितले जात आहे. 

हरभरा बियाणे वाटपाची विशेष कार्यवाही 

कृषी विज्ञान केंद्र, कृषी विभागाने हरभरा बियाणे वितरणाबाबत विशेष कार्यवाही सुरू केली आहे. यंदा दिवाळीपूर्वीच पेरणी बऱ्यापैकी होईल, असे दिसत आहे. कारण यंदा थंडीचे आगमन लवकर होईल, असे संकेत आहेत. कोरडे वातावरण राहिल्यास पेरणीला वेग येईल.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com