agriculture news in Marathi rabi crop damage by rain Maharashtra | Agrowon

पूर्वमोसमी, गारपिटीमुळे रब्बी पिकांच्या सुगीवर संकट

टीम अॅग्रोवन
शुक्रवार, 20 मार्च 2020

वादळी वाऱ्यासह झालेल्या पावसात गहू भिजला. फुलांची नासाडी झाली. मोसंबीची फळगळ झाली.
— बालाजी सावंत, मालेगाव, जि. नांदेड

नांदेड: नांदेड, परभणी, हिंगोली जिल्ह्यांतील अनेक मंडळांमध्ये बुधवारी (ता. १८) रात्री ते गुरुवारी (ता. १९) पहाटेच्या दरम्यान वादळी वाऱ्यासह अवकाळी पाऊस झाला. अनेक भागांत गारपीट झाली. त्यामुळे रब्बी पिके, फळे, भाजीपाला पिकांचे अतोनात नुकसान झाले. यंदाचा रब्बी हंगामात नैसर्गिक संकटामुळे हाती आलेली पिके मातीमोल होत असल्याने शेतकरी अडचणीत सापडले आहेत.

नांदेड जिल्ह्यातील अर्धापूर, नांदेड, हदगाव, किनवट, माहूर, हिमायतनगर, भोकर, नायगाव, मुखेड, लोहा आदी तालुक्यातील मंडळांमध्ये वाऱ्यासह गारपीट झाला. अर्धापूर, हदगाव आदी तालुक्यांतील रब्बी पिकांसह फळपीकांना गारपिटीचा तडाखा बसला.

परभणी जिल्ह्यातील परभणी, जिंतूर, सेलू, मानवत, सोनपेठ,  गंगाखेड, पालम, पूर्णा तालुक्यांतील २९ मंडळांमध्ये वादळी वाऱ्यासह पाऊस झाला. गंगाखेड तालुक्यातील महातपुरी मंडळातील खळी व परिसर परभणी तालुक्यातील ब्रम्हपुरी, ब्राम्हणागाव, तरोडा आदी गावे पूर्णा तालुक्यातील पिंपळा लोखंडे, चुडावा आदी गावांतील संत्रा पिकांचे नुकसान झाले.  

हिंगोली जिल्ह्यातील हिंगोली, कळमनुरी, वसमत, औंढा नागनाथ, सेनगाव तालुक्यांतील अनेक मंडळांमध्ये वादळी वाऱ्यासह पाऊस झाला.

शेतात कापून ठेवलेली ज्वारी, गहू, हरभरा आदी पिकांचे भिजून नुकसान झाले. वाऱ्यामुळे उभी पिके आडवी झाली. हरभऱ्याचे घाटे, गव्हाच्या ओंब्या गळून पडल्या. संत्रा, मोसंबी, पपई आदी पिकांमध्ये फळगळ झाली. टरबूज, खरबूज या वेलवर्गीय फळपिकांसह वांगी, टोमॅटो, कांदे आदी भाजीपाला पिकांचे गारपिटीने मोठे नुकसान झाले. गारपिटीत झोडपल्यामुळे गायी, बैल, म्हैस आदी जनावरे जखमी झाले.

मंडळनिहाय पाऊस (मिलिमीटरमध्ये) ः नांदेड जिल्हा  ः किनवट ७, बोधडी ४, जलधारा १८,  हिमायतनगर १४, सरसम ४, जवळगाव १०, किनी ३, अर्धापूर ८, दाभड १४, मालेगाव ६, माहूर २, नांदेड शहर २, वजीराबाद ३, नरसी ३, हदगाव ८, तामा ४, मनाठा २५, पिंपरखेड ७, आष्टी ७.
परभणी जिल्हा ः  परभणी शहर ३.५, परभणी ग्रामीण ३, पेडगाव ३, पिंगळी ६.५०, जांब ८.५०, पालम ५, चाटोरी ३, पूर्णा ७, ताडकळस ९, चुडावा ४, लिमला ४, कात्नेश्वर ३,महातपुरी १९, आवलगाव ७, देऊळगाव ४, चिकलठाणा ५, जिंतूर ३, सावंगी म्हाळसा ४, बोरी ५, आडगाव ३, कोल्हा ३.

प्रतिक्रिया
जोराच्या वाऱ्यामुळे ज्वारीचे पीक आडवे झाले. गहू भिजल्याने दाण्याची प्रत खराब झाली आहे.
— काशिनाथ सांगळे, केळी, जि. हिंगोली.


इतर अॅग्रो विशेष
ऊस गाळप यंदा वाढणार कोल्हापूर: गेल्या वर्षी महापूर व अवर्षणामुळे...
चिकन, अंड्यांची मागणी वाढली, दरात...नगर ः कोरोना व्हायरस संसर्गाच्या पार्श्वभूमीवर...
ऊस तोडणी कामगारांच्या मागण्यांबाबत साखर...पुणे: राज्यातील ऊस तोडणी व वाहतूक कामगारांच्या...
शेतकऱ्यांच्या बांधापर्यंत जाणार लालपरी सोलापूर : एक लाखांहून अधिक कर्मचारी, साडेसतरा...
राज्यात सर्वदूर हलक्या पावासाची शक्यतापुणे ः राज्यातील अनेक भागांत कमी अधिक स्वरूपात...
मध्य महाराष्ट्र, मराठवाड्यात पाऊस पुणे ः उत्तर भारतात परतीच्या पावसासाठी पोषक...
सरकार शेतकऱ्यांच्या पाठीशी : कृषिमंत्री...कन्नड, जि. औरंगाबाद: अतिवृष्टीमुळे झालेल्या पीक...
तीनशे टन हळद बांगलादेशाला निर्यात नांदेड : शेतीमालास अधिकचा दर मिळावा, यासाठी...
मुहूर्ताचा कापूसच कवडीयुक्त अकोला: यंदा दसऱ्याआधीच कापूस वेचणीचा मुहूर्त अनेक...
कृषी उपसंचालकानेच घातली कृषी उपक्रमांना...यवतमाळ: आत्महत्याग्रस्त अशी जागतिक स्तरावर ओळख...
महिला गट बनवितो ३० प्रकारचे मसालेइटकरे (ता.वाळवा,जि.सांगली) येथील उपक्रमशील महिला...
मराठवाड्यात काही ठिकाणी मुसळधारपुणे : राज्यातील बहुतांशी भागातील पावसाचे...
राज्यात हलक्या पावसाची शक्यतापुणे : काही दिवस राज्यात मुसळधार पाऊस...
एक हजार प्राध्यापकांनी वयाची साठी...पुणे: राज्यातील कृषी विद्यापीठांमधील...
सूक्ष्म अन्न उद्योगांना मिळणार आता दहा...पुणे: राज्यात लवकरच पंतप्रधान सूक्ष्म अन्न उद्योग...
कृषी, कामगार विधेयकांची राज्यात...पुणे : केंद्र सरकारने घाईघाईत मंजूर करुन घेतलेली...
शेतकरी आंदोलनाचे सात राज्यांत पडसादचंडीगड ः केंद्र सरकारच्या कृषी विधेयकांना विरोध...
सोयाबीन बियाणे प्लॉटना फटकाऔरंगाबाद: सध्याचे पावसाचे प्रमाण व त्यामुळे...
केळी विमा निकषांबाबत उत्सुकताजळगाव ः राज्य सरकारच्या चुकांमुळे हवामानावर...
अडीच हजार हेक्टर भातशेती सततच्या...सिंधुदुर्ग ः हळवी आणि भिजवणीची लागवड केलेली...