Agriculture News in Marathi, rabi gram Crop Sowing Area seen rising, Parbhani, Naded, Hingoli district | Agrowon

हरभरा क्षेत्रात ९७ हजार हेक्टरने वाढ

टीम अॅग्रोवन
मंगळवार, 12 डिसेंबर 2017

परभणी : खरिपातील सोयाबीन, कापूस या प्रमुख नगदी पिकांचे विविध कारणांनी मोठे नुकसान झाल्यामुळे यंदाच्या रब्बी हंगामामध्ये नांदेड, परभणी, हिंगोली जिल्ह्यांतील शेतकऱ्यांनी रब्बीतील प्रमुख नगदी पीक असलेल्या हरभरा पिकावर भर दिला आहे.

या तीन जिल्ह्यांत हरभऱ्याचे सर्वसाधारण क्षेत्र १ लाख ४४ हजार ९० हेक्टर अाहे. तर प्रत्यक्षात २ लाख ४१ हजार ७७१ हेक्टरवर पेरणी झाली आहे. त्यामुळे यंदा हरभऱ्याच्या क्षेत्रात ९७ हजार ६८१ हेक्टरची वाढ झाली आहे. बोंड अळीग्रस्त कपाशीचे पीक मोडल्यानंतर शेतकरी हरभऱ्याची पेरणी करत असल्यामुळे क्षेत्रात आणखी वाढ होण्याची शक्यता आहे.

परभणी : खरिपातील सोयाबीन, कापूस या प्रमुख नगदी पिकांचे विविध कारणांनी मोठे नुकसान झाल्यामुळे यंदाच्या रब्बी हंगामामध्ये नांदेड, परभणी, हिंगोली जिल्ह्यांतील शेतकऱ्यांनी रब्बीतील प्रमुख नगदी पीक असलेल्या हरभरा पिकावर भर दिला आहे.

या तीन जिल्ह्यांत हरभऱ्याचे सर्वसाधारण क्षेत्र १ लाख ४४ हजार ९० हेक्टर अाहे. तर प्रत्यक्षात २ लाख ४१ हजार ७७१ हेक्टरवर पेरणी झाली आहे. त्यामुळे यंदा हरभऱ्याच्या क्षेत्रात ९७ हजार ६८१ हेक्टरची वाढ झाली आहे. बोंड अळीग्रस्त कपाशीचे पीक मोडल्यानंतर शेतकरी हरभऱ्याची पेरणी करत असल्यामुळे क्षेत्रात आणखी वाढ होण्याची शक्यता आहे.

दरम्यान, शनिवार (ता. ९)पर्यंत नांदेड, परभणी, हिंगोली जिल्ह्यात रब्बीची एकूण ४ लाख ३५ हजार ३६० हेक्टरवर पेरणी झाली आहे. नांदेड जिल्ह्यात यंदा रब्बीच्या वाढ झाली असून, सर्वसाधारण क्षेत्र १ लाख ३३ हजार ४१५ हेक्टर असताना १ लाख ३८ हजार १८६ हेक्टर (१०३ टक्के) क्षेत्रावर पेरणी झाली आहे.

परभणी जिल्ह्यात पेरणी अजूनही रखडत चाललेली असून, सर्वसाधारण क्षेत्र २ लाख ७७ हजार ३६७ हेक्टर असताना, १ लाख ९३ हजार ७९२ हेक्टरवर (६९.८६ टक्के) पेरणी झाली आहे. हिंगोली जिल्ह्यात सर्वसाधारण क्षेत्र १ लाख २६ हजार २९० हेक्टर असताना, १ लाख ३ हजार ३८२ हेक्टरवर (८१.९० टक्के) पेरणी झाली अाहे.

खरिपातील सोयाबीन, कापूस या प्रमुख नगदी पिकांच्या उत्पादनात पावसाचा दीर्घ खंड, कीड रोग आदी कारणांनी मोठी घट अाली अाहे. या तीनही जिल्ह्यांंतील शेतकऱ्यांचा कल रब्बीतील प्रमुख नगदी पीक असलेल्या हरभऱ्याकडे वाढला आहे.

नांदेड जिल्ह्यात हरभऱ्याचे सर्वसाधारण क्षेत्र ५५ हजार ६७० हेक्टर असताना, ९७ हजार १०७ हेक्टरवर पेरणी झाली आहे. परभणी जिल्ह्यात ५३ हजार ६० हेक्टर क्षेत्र असताना, ७८ हजार १८० हेक्टरवर पेरणी झाली आहे. हिंगोली जिल्ह्यात ३५ हजार ३६० हेक्टर क्षेत्र असताना, ६६ हजार ४८४ हेक्टरवर पेरणी झाली आहे. तीनही जिल्ह्यांत एकूण २ लाख ४१ हजार ७७१ हेक्टरवर हरभऱ्याची पेरणी झाली असून, क्षेत्रात ९७ हजार ६८१ हेक्टरने वाढ झाली आहे.

ज्वारी क्षेत्रात ८७,६४२ हेक्टरची घट
प्रमुख अन्नधान्य तसेच चारापीक असलेल्या ज्वारीच्या क्षेत्रात ८७ हजार ६४२ हेक्टरची घट झाली आहे. नांदेड जिल्ह्यात ज्वारीचे सर्वसाधारण क्षेत्र २९ हजार ७०० असताना, २२ हजार ६८ हेक्टवर, परभणी जिल्ह्यात १ लाख ५९ हजार ८० हेक्टर क्षेत्र असताना, ९१ हजार हेक्टरवर आणि हिंगोली जिल्ह्यात २२ हजार ८१० हेक्टर क्षेत्र असताना, १० हजार ८७९ हेक्टवर ज्वारीची पेरणी झाली अाहे. तीनही जिल्ह्यांत २ लाख ११ हजार ५९० हेक्टर क्षेत्र असताना, १ लाख २३ हजार ९४८ हेक्टवर पेरणी झाली आहे.

गव्हाची पेरणी ५९,८९१ हेक्टरवर
नांदेड जिल्ह्यात गव्हाचे सर्वसाधारण क्षेत्र ३७ हजार ५१० हेक्टर असताना, १४ हजार ८३० हेक्टरवर, परभणी जिल्ह्यात ३० हजार ४८० हेक्टर क्षेत्र असताना, २१ हजार १६६ हेक्टरवर आणि हिंगोली जिल्ह्यात ३२ हजार ५४० हेक्टर क्षेत्र असताना, २३ हजार ८९५ हेक्टरवर पेरणी झाली आहे. तीन जिल्ह्यांत मिळून गव्हाचे एकूण सर्वसाधारण क्षेत्र १ लाख ५३० हेक्टर असताना, ५९ हजार ८९१ हेक्टवर पेरणी झाली आहे.

तेलबियांच्या क्षेत्रात मोठी घट
तीन जिल्ह्यांत रब्बीत करडई, सूर्यफूल, जवस, तीळ ही पीके घेतली जातात. करडईचे सर्वसाधारण क्षेत्र ५८ हजार २६० हेक्टर असताना, यंदा केवळ ५ हजार ७२२ हेक्टरवर पेरणी झाली आहे. यामध्ये नांदेड जिल्ह्यात २ हजार ९४ हेक्टर, परभणी जिल्ह्यात २ हजार १८८ हेक्टर आणि हिंगोली जिल्ह्यातील १ हजार ४४० हेक्टर करडईचा समावेश आहे. नांदेड जिल्ह्यात सूर्यफूल, तिळाची तर परभणी जवसाची काही क्षेत्रावर पेरणी झाली आहे.


इतर ताज्या घडामोडी
माणसाचे प्राचीन पूर्वज खात झाडांचे कठीण...माणसांच्या प्राचीन पूर्वजांच्या आहारामध्ये...
प्लॅस्टिकच्या सूक्ष्मकणांचे खेकड्यांवर...सागरी किनाऱ्यावरील वाळूतील प्रौढ खेकड्यांच्या...
वस्तू खरेदीची बिले पंचायत समित्यांना...पुणे  : जिल्हा परिषदेकडून वैयक्तिक लाभ...
जैवविविधता नोंदणीसाठी धावपळपुणे: राज्यातील खेडोपाड्यांसह शहरांमध्ये असलेल्या...
नगर जिल्ह्यात कांदा दरात चढउतार; शेतकरी...नगर  ः जिल्ह्यात मागील महिन्यात कांद्याला...
नांदेड, परभणी, हिंगोलीत साडेबारा लाख...नांदेड : नांदेड, परभणी, हिंगोली जिल्ह्यांत...
सातारा जिल्ह्यातील शेतकरी सौर...सातारा  : महावितरण कंपनीकडून कृषी पंपाच्या...
मूर्तिजापूरमध्ये कृषी अधिकारी पोचले...अकोला  ः शेतकरी विविध प्रकारची पिके घेऊन...
औरंगाबाद जिल्ह्यात शेती आधारित उद्योग,...औरंगाबाद  : जिल्ह्याचा पालकमंत्री व...
नाशिक जिल्ह्यात रब्बीची एक लाख १५ हजार...नाशिक  : जिल्ह्यात रब्बी हंगामात एकूण १ लाख...
यवतमाळमध्ये ‘आधार’अभावी थकले कापूस...यवतमाळ  ः कापूस चुकाऱ्यासाठी बॅंक खाते आधार...
जळगाव जिल्ह्यात युरियाचा साठा संपला !जळगाव  ः खतांच्या वापरात आघाडीवर असलेल्या...
राजापुरात पावणेदोनशे क्विंटल भात खरेदीराजापूर, जि. रत्नागिरी  ः राजापूर तालुका...
पोल्ट्री सुरू करायचीय, नक्की वाचा......विमलताई या गावातील समाजकार्यास वाहून घेतलेल्या...
या आठवड्यात ढगाळ, थंड, कोरडे हवामान...महाराष्ट्राच्या मध्य भागावर पूर्व व पश्‍चिम...
सकस चाऱ्या‍साठी बीएचएन - १० संकरित...महाग खुराकातील काही भाग स्वस्त चाऱ्या‍मधून देणे...
माथाडी कामगारांच्या प्रश्‍नांसाठी लवकरच...पुणे  ः माथाडी आणि कामगार कायदा गुंतागुंतीचा...
नगर, नाशिकला पुढील वर्षी ऊसदरात फटका ?नगर ः नगर, नाशिकसह राज्याच्या अनेक भागांत उशिरा...
धरण कालवा सल्लागार समितीची आज नगरला बैठकनगर  : मुळा, भंडारदरा व निळवंडे धरणांच्या...
परभणीत मूग, उडदाचा पीकविमा परतावा मंजूरपरभणी  ः पंतप्रधान पीकविमा योजनेअंतर्गत खरीप...