Agriculture news in marathi; The rabi season of Akola is likely to reach 1.5 lakh ha | Agrowon

अकोल्याचा रब्बी हंगाम दीड लाख हेक्टरवर जाण्याची शक्यता

टीम अॅग्रोवन
शुक्रवार, 15 नोव्हेंबर 2019

अकोला  ः खरिपात पिकांचे नुकसान झाल्याने काही वाढीव क्षेत्र रब्बीमध्ये परावर्तित होण्याची शक्यता असून, यंदा दीड लाख हेक्टरवर पेरणी होऊ शकते, असा अंदाज आहे. कृषी विभागाने सुरुवातीला सव्वा लाख हेक्टरचे नियोजन केले होते. त्यात २५ हजार हेक्टरची वाढ अपेक्षित आहे. यात हरभऱ्याचे क्षेत्र सर्वाधिक राहणार आहे. सध्या रब्बी लागवडीला सुरुवातही झाली आहे.

अकोला  ः खरिपात पिकांचे नुकसान झाल्याने काही वाढीव क्षेत्र रब्बीमध्ये परावर्तित होण्याची शक्यता असून, यंदा दीड लाख हेक्टरवर पेरणी होऊ शकते, असा अंदाज आहे. कृषी विभागाने सुरुवातीला सव्वा लाख हेक्टरचे नियोजन केले होते. त्यात २५ हजार हेक्टरची वाढ अपेक्षित आहे. यात हरभऱ्याचे क्षेत्र सर्वाधिक राहणार आहे. सध्या रब्बी लागवडीला सुरुवातही झाली आहे.

या वर्षी परतीचा पाऊस दमदार झालेला आहे. सर्वच प्रकल्प भरलेले आहेत. या वर्षी खरिपात अतिपावसाने नुकसानही झाले. ही मरगळ झटकून आता शेतकरी रब्बीकडे वळू लागला आहे. यात जमिनीत सध्या ओल अधिक असल्याने अद्यापही मशागतीचे काम जोमाने सुरू झालेले नाही. परंतु, पाऊस ओसरल्याने येत्या आठवड्यात मशागतीसह इतर लागवडीची कामे जोमाने सुरू होणार आहेत. कृषी विभागाने रब्बीचे सव्वा लाख हेक्टरचे नियोजन केले होते. त्यादृष्टीने बियाणे, खतांची मागणी शासनाकडे नोंदविण्यात आली होती. आता क्षेत्रवाढीमुळे बियाणे, खते वाढीव लागणार आहेत. त्यामुळे जिल्हा प्रशासनाकडून शासनाकडे योजनांसाठी अतिरिक्त मागणी केली जाणार आहे.

अकोला जिल्ह्यात सातही तालुक्यांत या वर्षी हरभऱ्याची लागवड अधिक राहणार आहे. पहिल्या नियोजनानुसार अकोला तालुक्यात एकूण नियोजनाच्या २६ हजार ५०० हेक्टरवर हरभरा असेल. याशिवाय अकोट तालुक्यात २० हजार हेक्टरचे नियोजन करण्यात आले. सोबतच बार्शीटाकळी तालुक्यात ११ हजार, मूर्तिजापूर १३९००, तेल्हारा १३ हजार, बाळापूर ८ हजार आणि पातूरमध्ये ९६०० हेक्टरवर हरभरा लागवड अपेक्षित आहे. जिल्ह्यात गव्हाचे १८ हजार ७११ हेक्टर क्षेत्र नियोजित आहे. अकोला तालुक्यातच सर्वाधिक ४३२९ हेक्टरवर लागवड होणार आहे. रब्बीत लागवड होणाऱ्या पिकांची वाणनिहाय बियाण्यांची मागणीसुद्धा नोंदविण्यात आली आहे.

जिल्ह्यात या वेळी मसालावर्गीय ओवा पिकाचे क्षेत्र वाढत आहे. खारपाण पट्ट्यात ओव्याची फायदेशीर शेती होऊ लागली आहे. या वर्षी रब्बीत किमान ७०० हेक्टरवर ओव्याची पेरणी नियोजित करण्यात आली. रब्बीत कांदा तसेच कांदा बीजोत्पादन याचेही नियोजन करण्यात आले. कांद्याची सुमारे साडेतीन हजार हेक्टरवर वाढ होऊ शकते, तर कांदा बीजोत्पादनाचे तीन हजार हेक्टरचे नियोजन करण्यात आले आहे. दरम्यान, रब्बीत १५ नोव्हेंबरपासून हरभऱ्याची लागवड वाढणार आहे.

वाफसा झालेल्या भागात हरभरा लागवड सुरू
रब्बी रासायनिक खतांचेही नियोजन करण्यात आले आहे. यात युरिया १२ हजार मेट्रिक टन, डीएपी ८०००, एमओपी २१००, कॉम्प्लेक्स २०३००, एसएसपी ८०००, इतर ७०० असे मिळून ५१ हजार १०० मेट्रिक टन खतांची मागणी नोंदविण्यात आली. शासनाने ४७ हजार ७१० मेट्रिक टन खतांना मंजुरी दिली आहे.    

रब्बीचे पीकनिहाय नियोजित क्षेत्र

हरभरा १०२०००
गहू  १८७११
ओवा  ७००
कांदा  ३४४४
कांदा बीजोत्पादन  ३०००
एकूण  १२७८१५    
वाढीव क्षेत्र  १५०००० हेक्टर

इतर ताज्या घडामोडी
खानदेशात पाऊस थांबला, वाफशाची प्रतीक्षाजळगाव : खानदेशात गुरुवारी (ता.२५) पाऊस थांबला....
सांगलीत नियोजनाअभावी थेट शेतमाल विक्री...सांगली : लॉकडाउनच्या काळात संपूर्ण बाजारपेठा बंद...
सोलापुरातील उपबाजार समित्यांचा प्रस्ताव...सोलापूर ः सोलापूर कृषि उत्पन्न बाजार समितीच्या...
कोल्हापुरात शेतकरी संघटनांकडून कृषी...कोल्हापूर : राज्यसभेत मंजूर झालेल्या कृषी...
नुकसानग्रस्त पिकांचे तातडीने पंचनामे...सोलापूर ः अतिवृष्टीमुळे नुकसान झालेल्या...
शेतकऱ्यांचे प्रश्‍न शासनाकडे पोचवणार :...नाशिक : ‘‘मी देखील शेतकऱ्याचाच मुलगा आहे. कांदा...
मराठवाड्यात कृषी विधेयकांची होळीऔरंगाबाद / परभणी /  नांदेड :...
वऱ्हाडात विधेयकांविरोधात ‘स्वाभिमानी’...अकोला : केंद्र शासनाने संसदेत नुकतीच...
`अमरावती जिल्ह्यात पीक नुकसानीचे...अमरावती :  जिल्ह्यात संततधार पावसामुळे...
जालना, औरंगाबादमधील दोन मंडळात अतिवृष्टीऔरंगाबाद : काही दिवसांपासून मराठवाड्याच्या...
नगरला निदर्शने, अकोलेत विधेयकांची होळीनगर : केंद्र सरकारने मंजूर केलेल्या तीन शेतकरी...
ऊसतोड मजुरांचा विमा सरकारने उतरवावा नगर ः राज्यात सध्या कोरोना व्हायरस संसर्ग वाढत...
परभणीत हिरव्या मिरचीला २५०० ते ४०००...परभणी : येथील पाथरी रस्त्यावरील फळे भाजीपाला...
दूध, अंडी ः मानवी आहारासाठी उपयुक्तआपल्या शरीराला लागणारी ऊर्जा आहारातून मिळते...
दहा हजाराची लाच स्वीकारणारा हुलजंतीचा...सोलापूर ः खरेदी केलेल्या जमीन दस्तावर दाखल...
`जतमध्ये मूग, उडीद खरेदी केंद्र सुरू...सांगली :जिल्ह्यात मूग व उडीद हमीभावाने खरेदी...
सांगलीत २८ टक्क्यांवरच ऊस लागवडसांगली :  जिल्ह्यात गेल्या आठवड्यापूर्वी...
खानदेशातील बाजारात उडदाच्या आवकेत घटजळगाव : खानदेशातील प्रमुख बाजार समित्यांमध्ये...
नाशिकमध्ये खासदारांच्या घरासमोर  'राख...नाशिक : केंद्र सरकारच्या वाणिज्य मंत्रालयाने...
नगर जिल्ह्यात कांदा बियाणे गरज,...नगर ः जिल्ह्यात दरवर्षी सुमारे एक लाख...