रब्बीत गहू, हरभरा क्षेत्र वाढण्याची शक्यता

रब्बीत गहू, हरभरा क्षेत्र वाढण्याची शक्यता
रब्बीत गहू, हरभरा क्षेत्र वाढण्याची शक्यता

अकोला : या मोसमात विदर्भ, मराठवाडा, खानदेश तसेच पश्चिम महाराष्ट्रात अातापर्यंत चांगला पाऊस झाल्याने रब्बीचे क्षेत्र वाढीची शक्यता अाहे. ही बाब लक्षात घेऊन महाबीज या प्रमुख बियाणे पुरवठा महामंडळाने बियाण्याचे ३ लाख ८२ हजार २३० क्विंटलचे नियोजन केले अाहे. प्रामुख्याने गहू व हरभरा लागवडीतील वाढ पाहून बियाणे पुरवठ्याचे नियोजन केल्याची माहिती महाबीजच्या सूत्रांनी दिली.

खरिपाप्रमाणेच महाराष्ट्रात रब्बी हंगामसुद्धा अत्यंत महत्त्वाचा आहे. यात प्रामुख्याने हरभरा हा सर्वाधिक क्षेत्रावर पेरला जातो. रब्बी ज्वारी, गहू, हरभरा, करडई ही चार मुख्ये पिके घेतली जातात. गोकूळ अष्टमीपासून अनेकजण रब्बी ज्वारी लागवडीचा हंगाम साधतात. यामुळे महाबीजकडून नियोजित २४ हजार ३०९ क्विंटलपैकी रब्बी ज्वारीचे ५० ते ६० टक्के बियाणे यापूर्वीच बाजारात पुरविण्यात अाले अाहे.

रब्बीत हरभरा १५ ते १६ लाख हेक्टरवर लावला जातो. यावर्षी धरणात साठासुद्धा उपलब्ध झालेला अाहे. राज्यात हरभऱ्याचे चार लाख २० हजार क्विंटल बियाणे हवे अाहे. यात महाबीज दोन लाख ३१ हजार क्विंटल, राष्ट्रीय बीज निगम ३७ हजार ५०० क्विटंल अाणि खासगी कंपन्या १ लाख ५२ हजार ५०० क्विंटलचा पुरवठा करतील. महाबीजकडून गव्हाचे ८१ हजार, करडईचे ७०३ क्विंटल बियाणे पुरविले जाणार अाहे.

राष्‍ट्रीय अन्न सुरक्षा योजना या हंगामासाठी राज्यातील २६ जिल्ह्यात राबवली जात अाहे. या जिल्ह्यांतील हरभरा उत्पादक शेतकऱ्यांना १० वर्षातील बियाण्यांसाठी अनुदानाचा लाभ मिळणार अाहे. महाबीज जॅकी ९२१८, दिग्विजय, विजय, अाकाश, विराट, विशाल यासह नवीन वाण असलेला रामविजय वाण पुरवित अाहे. गव्हासाठी योजनेत नागपूर, बीड, सोलापूर हेच तीन जिल्हे असल्याने तेथील शेतकऱ्यांना अनुदान मिळू शकेल.     

   हरभऱ्याचे उच्चांकी नियोजन हरभरा बियाण्याचे यंदा ३० हजार क्विंटलचे वाढीव नियोजन करून महाबीजने हा पुरवठा दोन लाख ३१ हजार क्विंटलपर्यंत नेला अाहे. अाजवरचा हा उच्चांक ठरला असल्याची माहिती विपणन महाव्यवस्थापक रामचंद्र नाके यांनी दिली. गव्हाचा पेरासुद्धा वाढण्याची शक्यता आहे. त्यासाठी ८१ हजार क्विंटलचे नियोजन असले तरी वाढीव मागणी अाल्यास अाणखी ३० ते ४० हजार क्विंटल बियाणे महाबीज उपलब्ध करून देण्यास सक्षम असल्याचे नाके यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com