agriculture news in Marathi, Rahul Gandhi says, Narendra modi destroyed country, Maharashtra | Agrowon

मोदींनी देशाला बरबाद केलेः राहुल गांधी
टीम अॅग्रोवन
सोमवार, 14 ऑक्टोबर 2019

औसा, जि. लातूर: मोदी सरकारने काही मोजक्या उद्योगपतींचे साडे पाच लाख कोटींचे कर्ज माफ केले आहे. पण शेतकऱ्यांचे कर्ज माफ केले नाही. कर्ज थकीत राहिले तर शेतकऱ्यांना जेलमध्ये टाकले जात आहे. यातून कर्जबाजारी शेतकरी आत्महत्या करीत आहे. या सरकारने शेतकऱ्यांना वाऱ्यावर सोडले. बेरोजगारी वाढली आहे. चंद्रावर यान पाठवून तरुणांचे पोट भरत नाही. मोदींनी देशाला बरबाद केले, अशी टीका काँग्रेसचे नेते खासदार राहुल गांधी यांनी केली. 

औसा, जि. लातूर: मोदी सरकारने काही मोजक्या उद्योगपतींचे साडे पाच लाख कोटींचे कर्ज माफ केले आहे. पण शेतकऱ्यांचे कर्ज माफ केले नाही. कर्ज थकीत राहिले तर शेतकऱ्यांना जेलमध्ये टाकले जात आहे. यातून कर्जबाजारी शेतकरी आत्महत्या करीत आहे. या सरकारने शेतकऱ्यांना वाऱ्यावर सोडले. बेरोजगारी वाढली आहे. चंद्रावर यान पाठवून तरुणांचे पोट भरत नाही. मोदींनी देशाला बरबाद केले, अशी टीका काँग्रेसचे नेते खासदार राहुल गांधी यांनी केली. 

राहुल गांधी यांनी विधानसभा निवडणुकीच्या निमित्ताने महाराष्ट्रातील पहिली सभा लातूर जिल्ह्यातील औसा मतदारसंघात  रविवारी (ता. १३) घेतली. या वेळी माजी केंद्रिय गृहमंत्री शिवराज पाटील-चाकूरकर, प्रदेश काँग्रेसचे प्रभारी मल्लिकार्जून खर्गे, प्रदेशाध्यक्ष बाळासाहेब थोरात, माजी मुख्यमंत्री अशोक चव्हाण, राजीव सातव, काँग्रेसचे उमेदवार बसवराज पाटील (औसा), अमित देशमुख (लातूर शहर), मधुकरराव चव्हाण (तुळजापूर) आदी मान्यवर उपस्थित होते.

कसे आहात... तुमचा मुड कसा आहे... बेरोजगारी आहे का... युवकांना रोजगार मिळाला का... शेतकऱ्यांना कर्जमाफी मिळाली का... मग अच्छे दिन आले का... असे प्रश्न विचारत गांधी यांनी भाषणाला सुरवात केली. महाराष्ट्रातील रक्तात, हृदयात काँग्रेस भिनली आहे. ती कोणाला बाजूला करता येणार नाही. त्यामुळे या निवडणुकीत काँग्रेस पक्षच जिंकणार, असा विश्वास गांधी यांनी व्यक्त केला. 

मोदी सरकारने उद्योगपतींचे साडे पाच लाख कोटींचे कर्ज माफ केले आहे. पण शेतकऱ्यांचे कर्ज माफ केले नाही. कर्ज थकीत राहिले तर शेतकऱ्यांना जेलमध्ये टाकले जात आहे. नोटाबंदी, गब्बरसिंग टॅक्सने (जीएसटी) तर देशाचा सत्यानाश केला. काश्मीरपासून ते कन्याकुमारीपर्यंतच्या जनतेला यातून मारण्यात आले. अर्थव्यवस्था उदध्वस्त करून टाकली आहे. आता नुकसान सुरू झाले आहे. येत्या सहा महिन्यांत काय हाल होतील. मोदींनी देशाला बरबाद केले, असे शेतकरी, सर्वसामान्य लोक, युवक म्हणत आहेत. पण मीडियात याबाबत एक शब्दही बोलला जात नाही. बेरोजगारी वाढली, कर्जमाफी केली नाही. हेही मीडियातून सांगितले जात नाही. जनतेचे मुद्दे उचलले जात नाहीत, असा आरोप गांधी यांनी केला.  

एकामागून एक कारखाने बंद होत आहेत. ॲटोमोबाईल क्षेत्राचे मोठे नुकसान झाले. कपडा उद्योग-हिऱ्यांचा उद्योग बंद पडला. हे काय चालले आहे, समजून घ्या. सत्ताधारी कधी काश्मीरच्या मुद्यावर तर कधी ३७० च्या मुद्यावर बोलतात. पण जनतेच्या मुद्यावर बोलत नाहीत. मोदीजी, शहा हे खऱ्या मुद्यावरून आपले लक्ष विचलीत करून ते दुसरीकडे नेवू पाहत आहेत. हे आताच ओळखले पाहिजे. भारताचा मेक इन इंडिया नाही तर मेक इन चायना झाला आहे, अशी टीकाही गांधी यांनी केली.

आमचे सरकार आले तर शेतकऱ्यांना सरसकट कर्जमाफी देऊ. फडणवीस सरकारने शेतकऱ्यांना फसवले. आम्ही फसवणार नाही, असे अशोक चव्हाण यांनी सांगितले. फडणवीस सरकार फसवणूक सरकार आहे. विमा मिळाला नाही. शेतकऱ्यांना कर्जमुक्त केले नाही. बेरोजगारी वाढवली. कारखाने बंद. त्यामुळे कुठलाच घटक समाधानी नाही. या सरकारला जनता नाकारेल. असे श्री. थोरात म्हणाले. या वेळी श्री. खर्गे, श्री. चाकूरकर, श्री. बसवराज पाटील, श्री. अमित देशमुख यांचे भाषण झाले.

इतर ताज्या घडामोडी
राजकीय अस्थिरतेमुळे पूरग्रस्तांना मदतीस...कोल्हापूर: महापुरात नुकसानग्रस्त शेतकऱ्यांना...
नवनवीन प्रपत्र, जिओ टॅगिंगच्या...बुलडाणा  ः अवकाळी पावसामुळे झालेल्या...
दुष्काळग्रस्त शेतकऱ्यांच्या प्रश्नी ‘...अकोला ः राज्यातील दुष्काळग्रस्त शेतकऱ्यांना एकरी...
शरद पवार करणार विदर्भातील पीक नुकसानीची...नागपूर ः राज्यात सत्तास्थापनेचे गुऱ्हाळ सुरू...
महाशिवआघाडीत सत्तास्थापनेसाठी वाटाघाटी...मुंबई ः राज्यात भाजपला वगळून शिवसेना, राष्ट्रवादी...
शेतकऱ्यांवर रब्बी ज्वारीचे पीक...औरंगाबाद : मकानंतर आता रब्बी ज्वारीवर लष्करी...
दौंड बाजार समितीत ज्वारीला ४३०० रुपये दरदौंड, जि. पुणे : दौंड बाजार समितीमध्ये ज्वारीची...
खानदेशात रब्बीसाठी प्रकल्पांमध्ये...जळगाव  ः खानदेशात रब्बी हंगामाची शेतकरी...
पुणे : हरभरा उत्पादनवाढीसाठी ४००...पुणे ः हरभरा उत्पादनवाढीसाठी रब्बी हंगामात अकरा...
मांजरपाडा प्रकल्पग्रस्तांची पूल...नाशिक  : दिंडोरी तालुक्यातील मांजरपाडा वळण...
खारपाण पट्ट्यातील कापूस हंगामही अडचणीतअकोला ः सततच्या पावसाने खरिपातील सर्वच...
पुणे : पंचनाम्यापासून अद्यापही १५ हजार...पुणे ः पुणे जिल्ह्यात नुकसान झालेल्या पिकांचे...
कोल्हापूर जिल्ह्यात केवळ पाच टक्के...कोल्हापूर : पावसाचा फटका खरीप हंगामात बसल्याने...
जालना जिल्ह्यात खरेदी केंद्रांना मिळेना...जालना : जिल्ह्यातील सोयाबीन, मूग, उडीद, मक्याची...
हिंगोली : पावणेदोन कोटीचे कृषी...हिंगोली : जिल्ह्याचा २०२०-२१ या वर्षीचा संभाव्य...
सांगलीत ९९ हजार हेक्टरवर पिकांचे पंचनामेसांगली : ऑक्टोबरमधील पावसामुळे जिल्ह्यात शेतीचे...
सोलापूर जिल्ह्यात नुकसानीचे पंचनामे...सोलापूर : ऑक्‍टोबर महिन्यात मॉन्सुनोत्तर पावसाने...
गहू पिकावरील किडींचे वेळीच करा नियंत्रणगहू पिकांच्या उत्पादनात घट येण्यामध्ये किडींचा...
हळद पिकातील प्रमुख रोगांचे नियंत्रणसध्या हळद लागवड होऊन तीन ते चार महिन्यांचा...
नाशिकमध्ये ढोबळी मिरची ३२५० ते ६२५०...नाशिक : येथील कृषी उत्पन्न बाजार समितीमध्ये ढोबळी...