नांदेड, परभणी, हिंगोली जिल्ह्यात १४२ मंडळांत पाऊस

नांदेड : नांदेड, परभणी, हिंगोली जिल्ह्यातील १४२ मंडळांमध्ये मंगळवारी (ता.११) सकाळी आठ वाजेपर्यंतच्या २४ तासांमध्ये हलका ते जोरदार पाऊस झाला.

नांदेड जिल्ह्यातील ७६ मंडळांत हलका ते जोरदार पाऊस झाला. अर्धापूर, हादगाव, माहूर, किनवट, हिमायतगनर तालुक्यातील अनेक मंडळांत पावसाचा जोर होता. जिल्ह्यात चालू महिन्यात आजवर सरासरी ७२ मिमी म्हणजेच अपेक्षित पावसाच्या ८२ टक्के पाऊस झाला. परभणी जिल्ह्यातील ३६ मंडळांत हलका ते मध्यम पाऊस झाला. जिंतूर, सेलू , पूर्णा तालुक्यातील काही मंडळांमध्ये पावसाचा जोर होता.

या महिन्यात आजवर सरासरी ४९ मिमी म्हणजेच अपेक्षित पावसाच्या ६०.६ टक्के पाऊस झाला. हिंगोली जिल्ह्यातील ३० मंडळांत हलका ते जोरदार पाऊस झाला. सर्व पाच तालुक्यातील अनेक मंडळामध्ये पावसाचा जोर होता. चालू महिन्यात आजवर सरासरी ६४.४ मिमी म्हणजेच अपेक्षित पावसाच्या ७५.२ टक्के पाऊस झाला.

मंडळनिहाय पाऊस (२० मि.मीपुढे) 

नांदेड जिल्हा ः विष्णुपुरी २०, अर्धापूर ३३.१, दाभड २४, मालेगाव ४२.३, हादगाव २४.८, तळणी २४.८, निवघा २४.८, पिंपरखेड ३९.८, आष्टी २४.८, माहूर ३५.३, वाई ६९.५, सिंदखेड ३५.३, जवळगाव २५,३, मोघाली ३६.३.

परभणी जिल्हा ः जिंतूर ४५.३, सावंगी म्हाळसा ४८, बामणी २२.३, आडगाव ३६, चारठाणा १६, वालूर २९, पूर्णा २२, कात्नेश्वर ३२.

हिंगोली जिल्हा ः हिंगोली ५७.३, नरसी २५.५, सिरसम ३३, बासंबा ३१.३, माळहिवरा ४२.५, खंबाळा ४२.३, कळमनुरी २५,३, नांदापूर २३.३, आखाडा बाळापूर ३२,वारंगा २७.५,वसमत २८, हयातनगर ३५.५, गिरगाव ३१.३, हट्टा २८.५, टेंभुर्णी २८.५, औंढा नागनाथ २३.५, येळेगाव ३७, जवळा २२, सेनगाव ४६, गोरेगाव २६.५,साखरा ३४, पानकनेरगाव २९.८, हट्टा ४६.५.