agriculture news in marathi, Rain in 396 congregations in Marathwada | Agrowon

मराठवाड्यातील ३९६ मंडळांत पाऊस

टीम अॅग्रोवन
बुधवार, 18 जुलै 2018

औरंगाबाद : मराठवाड्यातील ४२१ मंडळांपैकी जवळपास ३९६ मंडळांत मंगळवारी (ता. १७) सकाळपर्यंतच्या चोवीस तासांत पावसाने मध्यम ते दमदार व सहा ठिकाणी जोरदार हजेरी लावली. परभणी व नांदेड जिल्ह्यांतील सहा मंडळांत ६५ मिलिमीटरपेक्षा जास्त पावसाची नोंद झाली. जवळपास सर्वदूर पडलेल्या या पावसाने शेतकऱ्यांना दिलासा देण्याचे काम केले आहे. सोमवारी सकाळी सुरू असलेल्या पावसाच्या रिपरिपिने सायंकाळनंतर बहुतांश मंडळांत दमदार हजेरी लावली.

औरंगाबाद : मराठवाड्यातील ४२१ मंडळांपैकी जवळपास ३९६ मंडळांत मंगळवारी (ता. १७) सकाळपर्यंतच्या चोवीस तासांत पावसाने मध्यम ते दमदार व सहा ठिकाणी जोरदार हजेरी लावली. परभणी व नांदेड जिल्ह्यांतील सहा मंडळांत ६५ मिलिमीटरपेक्षा जास्त पावसाची नोंद झाली. जवळपास सर्वदूर पडलेल्या या पावसाने शेतकऱ्यांना दिलासा देण्याचे काम केले आहे. सोमवारी सकाळी सुरू असलेल्या पावसाच्या रिपरिपिने सायंकाळनंतर बहुतांश मंडळांत दमदार हजेरी लावली.

औरंगाबाद जिल्ह्यातील ६५ पैकी तब्बल ५० मंडळांत पावसाची हजेरी लागली. सरासरी १२.३५ मिलिमीटर पावसाची नोंद झालेल्या औरंगाबाद जिल्ह्यातील औरंगाबाद, पैठण, गंगापूर, खुल्ताबाद तालुक्‍यात अनुक्रमे पावसाचा जोर थोडा अधिक होता. जालना जिल्ह्यातील ४९ पैकी ४२ मंडळांत पावसाची हजेरी लागली. जिल्ह्यातील बदनापूर तालुक्‍यातील मंडळांमध्ये १५ ते ३२ मिलिमीटर, जालना तालुक्‍यातील मंडळांत ६ ते १९ मिलिमीटर, घनसावंगी तालुक्‍यातील मंडळात ८ ते ३८ मिलिमीटर, अंबड तालुक्‍यातील मंडळांत ५ ते ३२ मिलिमीटर, मंठा तालुक्‍यातील मंडळात ४ ते १६ मिलिमीटर, परतूर तालुक्‍यातील मंडळांमध्ये १३ ते ४२ मिलिमीटर, भोकरदन तालुक्‍यातील केवळ दोन मंडळांत पावसाने दमदार हजेरी लावली. जाफ्रबाद तालुक्‍याकडे पावसाने पुन्हा एकदा पाठच फिरविली. परभणी जिल्ह्यातील ३९ पैकी ३७ मंडळात हलका, मध्यम ते जोरदार पाऊस झाला. जिल्ह्यातील पूर्णा मंडळांत ९८ मिलिमीटर, पाथरी मंडळात ७९ मिलिमीटर तर मानवत मंडळात ६८ मिलिमीटर पावसाची नोंद झाली. हिंगोली जिल्ह्यातील सर्वच्या सर्व ३० मंडळांत हलका ते मध्यम पाऊस झाला.

नांदेड तालुक्‍यातील तुप्पा मंडळांत ७० मिलिमीटर, वसरनी मंडळात ८३ मिलिमीटर तर लिंबगाव मंडळांत ८० मिलिमीटर पावसाची नोंद झाली. नांदेड तालुक्‍यात सरासरी ५८.१३ मिलिमीटर पाऊस नोंदल्या गेला. उमरी तालुक्‍यात सरासरी २८ मिलिमीटर तर मुदखेड, अर्धापूर, भोकर, कंधार, लोहा, माहूर, हदगाव, हिमायतनगर, बिलोली धर्माबाद, नायगाव, मुखेड या तालुक्‍यांमध्ये सरासरी ११.७५ ते २३.६७ मिलिमीटर दरम्यान पाऊस झाला.

बीड जिल्ह्यातील परळी तालुक्‍यांतर्गत येत असलेल्या नागापूर मंडळाच अपवाद वगळता ६३ पैकी ६२ मंडळांत तुरळक, हलकी ते मध्यम पावसाची हजेरी लागली. लातूर जिल्ह्यात ५३ मंडळात तुरळक हलका ते मध्यम पाऊस नोंदल्या गेला. जिल्ह्याची पावसाची सरासरी ११.६३ मिलिमीटर राहिली. उस्मानाबाद जिल्ह्यातील सर्व ४२ मंडळांत पावसाची नोंद झाली. मध्यम ते दमदार स्वरूपाचा पाउस झालेल्या या जिल्ह्यात सरासरी १५.७६ मिलिमीटर पावसाची नोंद झाली.
२२ तालुक्‍यांत पावसाचा जोर अधिक

मराठवाड्यातील एकूण ७६ तालुक्‍यांपैकी सोमवार सकाळपर्यंतच्या चोवीस तासांत २२ तालुक्‍यांत पावसाचा जोर अधिक होता. या तालुक्‍यांमध्ये सरासरी २० ते ५८ मिलिमीटर दरम्यान पावसाची नोंद झाली. यामध्ये औरंगाबाद, हिंगोली व जालना जिल्ह्यातील प्रत्येकी तीन, परभणी जिल्ह्यातील सहा, नांदेड जिल्ह्यातील चार तर बीड व उस्मानाबाद जिल्ह्यातील प्रत्येकी एका तालुक्‍याचा समावेश आहे.

६५ मिलिमीटरपेक्षा
जास्त पाऊस झालेली मंडळ

परभणी जिल्हा
पूर्णा      ९८ मिलिमीटर
पाथरी      ७९ मिलिमीटर
मानवत       ६८ मिलिमीटर
नांदेड जिल्हा
तुप्पा     ७० मिलिमीटर
वसरनी     ८३ मिलिमीटर
लिंबगाव     ८० मिलिमीटर

 


इतर ताज्या घडामोडी
पुढील हंगामासाठी सोयाबीन बियाणे राखून...वाशीम : जिल्ह्यात ऑक्टोबर महिन्यात अवेळी पाऊस...
कांदा बियाण्याचे दर कडाडलेसातारा ः कांद्याचे दर आठ हजारापर्यंत पोचले आहे....
नगर जिल्ह्यात कांद्याच्या दरात घसरणनगर : आठ दिवसांपूर्वी वाढ झालेल्या कांद्याच्या...
हळद पीक लागवडीसाठी सहकार्य ः कुलगुरू डॉ...दापोली, जि. रत्नागिरी ः कोकणातील हवामान हळद...
केळीचे दर घसरल्याने शेतकरी अडचणीतनांदेड : चांगल्या पावसामुळे यंदा खरीप हंगाम बहरला...
शाहू कृषी महाविद्यालयाच्या...कोल्हापूर : सातव्या वेतन आयोगाच्या मागणीसाठी...
खर्चाच्या तुलनेत दिलेली मदत तोकडी ः...औरंगाबाद : महाआघाडी सरकारने राज्यातील अतिवृष्टी,...
परभणी कृषी विद्यापीठ कर्मचाऱ्यांचे...परभणी ः राज्यातील सर्व कृषी विद्यापीठातील अधिकारी...
पीक नुकसानप्रश्नी शेतकरी संघर्ष समितीचा...परभणी ः परतीच्या मॉन्सून पावसामुळे, धरणातील पाणी...
हापूस विक्री, निर्यातीला प्रोत्साहनपर...रत्नागिरी ः कोकणच्या हापूसला भौगोलिक मानांकन (...
तुरीवरील शेंग पोखरणाऱ्या अळीचे एकात्मिक...तुरीवरील शेंग पोखरणाऱ्या अळीची अन्य पर्यायी नावे...
सांगलीत गूळ सरासरी ३६३३ रुपये...सांगली : येथील बाजार समितीत मंगळवारी (ता. २७)...
गिरणा, हतनूरमधून मिळणार रब्बीसाठी...जळगाव ः जिल्ह्यासाठी महत्त्वाच्या असलेल्या गिरणा...
खानदेशात कांदा लागवडीवर परिणाम होणारजळगाव ः खानदेशात उन्हाळ किंवा रब्बी हंगामातील...
उत्पादन घटल्याने झेंडूच्‍या फुलांनी...नाशिक : दसरा सणाच्या पार्श्वभूमीवर झेंडू फुलांना...
महाबीजच्या सौर ऊर्जाचलित गोदामाचे...अकोला ः महाराष्ट्र राज्य बियाणे महामंडळाद्वारे...
बॅलन्सशीट डोळ्यांसमोर ठेवून दिवाळी...माळेगाव, जि. पुणे ः माळेगाव कारखाना प्रशासनाने...
कृषी अधिकाऱ्यांनी मुख्यालय सोडू नये ः...अमरावती : मोर्शी तालुक्‍यात जून ते ऑगस्ट या...
नांदेडमधील शेतकऱ्यांचा अतिवृष्टीने...नांदेड : जिल्ह्यात यंदा सप्टेंबर महिन्यात...
नगरमध्ये कापसाची व्यापाऱ्यांकडून अल्प...नगर ः कापसाला पाच हजार आठशे पन्नास रुपयांचा हमीदर...