मराठवाड्यात २७१ मंडळांमध्ये बरसला पाऊस

मराठवाड्यात पुन्हा बरसला पाऊस
मराठवाड्यात पुन्हा बरसला पाऊस

औरंगाबाद, नांदेड : मराठवाड्यातील आठ जिल्ह्यांतील २७१ मंडळांमध्ये शनिवार (ता. २१) सकाळी आठपर्यंतच्या २४ तासांमध्ये हलका ते जोरदार पाऊस झाला. नांदेड जिल्ह्यातील ७, परभणी जिल्ह्यातील ४ मंडळांमध्ये जोरदार वृष्टी झाली. नांदेड, परभणी, हिंगोली, औरंगाबाद, जालना जिल्ह्यांतील अनेक मंडळांमध्ये चांगला पाऊस झाला. उस्मानाबाद, लातूर जिल्ह्यांत तुरळक ठिकाणी पाऊस झाला.

औरंगाबाद जिल्ह्यातील ६५ पैकी ४९ मंडळांमध्ये, जालना जिल्ह्यातील ४९ पैकी ४० मंडळांमध्ये हलका ते मध्यम, परभणी जिल्ह्यातील ३९ पैकी ३६ मंडळांमध्ये हलका ते जोरदार पाऊस झाला. परभणी, जिंतूर, सेलू, मानवत, पाथरी, गंगाखेड, पालम, पूर्णा तालुक्यांतील अनेक मंडळांमध्ये चांगला पाऊस झाला. पाथरी, मानवत, देऊळगाव, हदगाव मंडळांमध्ये जोरदार पाऊस झाला. येथील ओढे, नाले भरून वाहिले. हिंगोली जिल्ह्यातील सर्व ३० मंडळांमध्ये पाऊस झाला.

 नांदेड जिल्ह्यातील ८० पैकी ७९ मंडळांमध्ये हलका पाऊस झाला. नांदेड, अर्धापूर, मुदखेड, भोकर, नायगाव, कंधार, धर्माबाद, देगलूर, मुखेड लोहा, किनवट, माहूर तालुक्यांतही पाऊस बरसला. मुगट, निवघा, दहेली, मोगाली, सिंदी, करखेली, सोनखेड या सात मंडळांमध्ये जोरदार वृष्टी झाली.

मंडळनिहाय पाऊस (२० मि.मीच्या पुढे)  ः  

औरंगाबाद जिल्हा भावसिंगपुरा २३, लाडसावंगी ३०, हर्सुल २५, अमठाणा २७, बोरगाव बाजार २५, वैजापूर ३०, चिंचोली लिंबाजी ३२.
जालना जिल्हा दाभाडी ३०, हस्नाबाद २०, आष्टी ४५, गोंदी २६, घनसावंगी ३२, राणी उंचेगाव ४७.
परभणी जिल्हा पिंगळी २८, सावंगी म्हाळसा ४४, बोरी २५, सेलू ३५, देऊळगाव ६५, कुपटा २३, मानवत ६७, कोल्हा ४७, पाथरी १०५, हदगाव ६५, चुडावा २४, कात्नेश्वर ३५.
हिंगोली जिल्हा हिंगोली ४६, खंबाळा ३९, माळहिवरा ५२, सिरसम ६२, बासंबा २६, कळमनुरी ४२, नांदापूर २१, वारंगा फाटा २३, सेनगाव ३०, गोरेगाव ३८, आजेगाव ५५, पानकनेरगाव ३३, वसमत २५, हट्टा २९, गिरगाव २८, कुरुंदा ३५, हयातनगर २७, येळेगाव ४१, साळणा २१.
नांदेड जिल्हा नांदेड शहर २८, नांदेड ग्रामीण ४५, तुप्पा ३५, विष्णुपुरी ३९, वसरणी ५३, वजीराबाद ३६, तरोडा २६, लिंबगाव २६, मुदखेड ३६, मुगट ८०, बारड ३५, अर्धापूर ३२, मालेगाव २२, हदगाव ५५ , मनाठा ३५, पिंपरखेड २१, निवघा ८३, तळणी ४१, आष्टी ३५, मांडवी ५९, बोधडी २२, दहेली ६९, वाई ५९, सिंदखेड २७, जवळगाव २४, भोकर ३८, किनी ४६, मोगाली ८५, मातुल ६४, उमरी ३९, सिंदी ९५, गोळेगाव ४९, धर्माबाद ३९, जारिकोट ३३, करखेली ८९, नायगाव २२, नरसी ३३, मांजरम २९, बरबडा १८, कुंटूर ३४, बिलोली ४८, आदमपूर ३६, लोहगाव ४४, सगरोळी २२, कुंडलवाडी ४०, देगलूर ३८, शहापूर २०, मुखेड ३०, येवती ५०, जाहूर ६२, चांदोला ३२, कंधार ४०, कुरुला ४२, बारुळ २७, पेठवडज ६०, फुलवळ ३५, माळाकोळी ४७, शेवडी ३१, सोनखेड ७२, कापसी २४.
बीड जिल्हा जातेगाव २५, गंगामसला ३५, तालखेड २७, किट्टी आडगाव ३७

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com