agriculture news in Marathi, rain in all state, Maharashtra | Agrowon

राज्यात सर्वदूर पावसाची हजेरी
टीम अॅग्रोवन
मंगळवार, 25 जून 2019

पुणे : राज्यात मॉन्सून दाखल झाल्यानंतर सर्वदूर पावसाला सुरवात झाली आहे. शनिवारपासून आर्द्रा नक्षत्राला प्रारंभ होताच पावसाच्या सरींनी जोर धरल्याने खरिपाच्या अशा पल्लवित झाल्याने पेरण्यांना वेग येणार आहे. सोमवारी (ता. २४) सकाळपर्यंतच्या २४ तासांमध्ये कोकणातील वेंगुर्ला येथे सर्वाधिक १४० मिलिमीटर पाऊस झाला, मध्य महाराष्ट्रातील शिरपूर (जि. धुळे) येथे ११० मिलिमीटर, मराठवाड्यातील वाशी (जि. उस्मानाबाद) येथे ११० मिमी आणि उदगीर येथे ९० मिलिमीटर पावसाची नोंद झाल्याचे हवामान विभागातर्फे सांगण्यात आले.  

पुणे : राज्यात मॉन्सून दाखल झाल्यानंतर सर्वदूर पावसाला सुरवात झाली आहे. शनिवारपासून आर्द्रा नक्षत्राला प्रारंभ होताच पावसाच्या सरींनी जोर धरल्याने खरिपाच्या अशा पल्लवित झाल्याने पेरण्यांना वेग येणार आहे. सोमवारी (ता. २४) सकाळपर्यंतच्या २४ तासांमध्ये कोकणातील वेंगुर्ला येथे सर्वाधिक १४० मिलिमीटर पाऊस झाला, मध्य महाराष्ट्रातील शिरपूर (जि. धुळे) येथे ११० मिलिमीटर, मराठवाड्यातील वाशी (जि. उस्मानाबाद) येथे ११० मिमी आणि उदगीर येथे ९० मिलिमीटर पावसाची नोंद झाल्याचे हवामान विभागातर्फे सांगण्यात आले.  

सांगली जिल्ह्यात ठिकठिकाणी पावसाने दमदार हजेरी लावली. शिराळा, वाळवा, कडेगाव, तासगाव तालुक्यांत जोरदार; तर पलूस, खानापूर, कवठे महांकाळ, जत, आटपाडी तालुक्यांत तुरळक पाऊस पडला. पावसामुळे भुईमूग, सोयाबीन आदी पेरण्यांना गती येण्याची चिन्हे आहेत. दुष्काळाने होरपळत असलेल्या पुणे जिल्ह्यातील ग्रामीण भागात मॉन्सूनचे जोरदार आगमन झाले आहे.

सातारा शहरासह शाहूपुरी, संभाजीनगर, गोडोली, कोडोली, खेड, माहुली, शेंद्रे, नागठाणे परिसराला पावसाने झोडपून काढले. पावसाने शेतकऱ्यांना दिलासा मिळाला असून, पेरणीपूर्व व पेरणीच्या कामांना वेग येणार आहे.  कोरडवाहू पट्ट्यातील बारामती, शिरूर, इंदापूर, दौंडसह, आंबेगाव, खेड, जुन्नर तालुक्यात रविवारी (ता. २३) दुपारनंतर दमदार पावसाने हजेरी लावली. या पावसानंतर वाफसा मिळताच खरिपाच्या पेरण्यांना वेग येणार आहे.

बुलडाणा, नांदुरा, मोताळ्यातील काही भागात दमदार पाऊस... पहा Video

पावसामुळे ऊस, टोमॅटो, भाजीपाल्यासह उन्हाळी पिकांना जीवदान मिळणार आहे. सोलापूर जिल्ह्यातील पंढरपूर, मोहोळ, माळशिरस तालुक्‍यांमध्ये पावसाला सुरवात झाली. नगर जिल्ह्यात रविवारी सलग दुसऱ्या दिवशी पाऊस पडला. पाथर्डी तालुक्यातील कोरडगाव, शेवगाव तालुक्यातील बोधेगाव मंडळात सर्वाधिक पाऊस झाला. पश्चिम भागातील अकोले तालुक्यात मात्र अजूनही पाऊस सुरू झालेला नाही, खानदेशातील धुळे जिल्ह्यासह जळगाव, नंदुरबारात अनेक ठिकाणी जोरदार पाऊस झाला. काही शेतकऱ्यांनी धूळपेरणी झालेल्या भागात पावसामुळे दिलासा मिळला आहे. 

मराठवाड्यातील औरंगाबाद आणि जालना जिल्ह्यात सर्वदूर पाऊस झाला. औरंगाबाद जिल्ह्यातील उस्मानपुरा, फुलंब्री, वडोदबाजार, नागमठाण येथे दमदार पाऊस झाला. नांदेड, परभणी, हिंगोली, लातूर, उस्मानाबाद, बीड जिल्ह्यात मात्र पावसाचा जोर कमी होता. शिरूर कासार तालुक्‍यातील वारणी (जि. बीड) येथील नागनाथ सेवाभावी संस्थाच्या छावणीत वीज पडून दोन म्हशी, एक बैल व दोन वासरांचा मृत्यू झाला. वऱ्हाडातील बुलडाणा, अकोला, वाशीम या तीनही जिल्ह्यांत पावसाने हजेरी लावली.

जोरदार पावसामुळे नदी-नाल्यांना पूर आला. बुलडाणा तालुक्यातील पैनगंगा नदीला पूर आला. पावसामुळे रखडलेल्या पेरण्यांना गती मिळण्याची चिन्हे आहेत. 

सोमवारी (ता. २४) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलिमीटरमध्ये (स्त्रोत : हवामान विभाग)  कोकण : वेंगुर्ला १४०, दोडामार्ग ६०, वैभववाडी, मालवण, भिरा, कणकवली प्रत्येकी ५०, कुडाळ, महाड प्रत्येकी ३०, माणगाव, उरण, श्रीवर्धन प्रत्येकी २०. मध्य महाराष्ट्र : शिरपूर ११०, तळोदा ७०, जावळी मेढा ६०, कराड, सोलापूर प्रत्येकी ५०, जामनेर, सिंधखेड प्रत्येकी ४०, अमळनेर, दहिवडी, जामखेड, मालेगाव, पन्हाळा, पाथर्डी, शेवगाव, शिराळा, शिरोळ, तासगाव, विटा, वाई प्रत्येकी ३०, कवठेमहांकाळ, कोल्हापूर, कोरेगाव, महाबळेश्वर, मंगळवेढा, मिरज, पंढरपूर, सातारा प्रत्यकी २०.मराठवाडा : वाशी ११०, उदगीर ९०, केज, सेलू प्रत्येकी ७०, नांदेड ६०, उमरगा ५०, आष्टी, गेवराई, निलंगा, शिरूर कासार, उमरी प्रत्येकी ४०, भोकरदन, धारूर, शिरूर अनंतपाळ, सोयेगाव प्रत्येकी ३०, अर्धापूर, जालना, खुलताबाद, मानवत, मुखेड, उस्मानाबाद, पाथरी, पाटोदा प्रत्येकी २०.विदर्भ : बुलडाणा, रामटेक, तुमसर प्रत्येकी ५०, सेलू, शेगाव प्रत्येकी ४०, अकोला, चांदूर, नांदुरा, परतवाडा, संग्रामपूर, तेल्हारा, तिरोडा प्रत्येकी ३०, अमरावती, गोरेगाव, हिंगणा, जळगाव जामोद, कळमेश्वर, कामठी, कोपर्णा, मौदा, उमरेड, प्रत्येकी २०. 

कोकण, मध्य महाराष्ट्रात जोरदार पाऊस शक्य
मॉन्सूनने राज्याचा बहुतांशी भाग व्यापल्यानंतर राज्यात सर्वदूर पाऊस पडत आहे. आज (ता. २५) कोकणात काही ठिकाणी अति जोरदार, तर मध्य महाराष्ट्रात तुरळक ठिकाणी जोरदार पावसाचा इशारा देण्यात आला आहे. मराठवाड्यात अनेक ठिकाणी हलक्या ते मध्यम सरी कोसळणार आहेत. तर, विदर्भातही तुरळक ठिकाणी पावसाचा अंदाज हवामान विभागाने वर्तविला आहे. 

इतर अॅग्रो विशेष
पर्यायाविना निर्णय घातकच! ऑ नलाइन राष्ट्रीय कृषी बाजार (ई-नाम) अधिक...
नैसर्गिक आपत्तीपासूनचा धडा काही वेदनांमधून सुखद आनंदप्राप्ती होते, तर काही...
किमान तापमानात किंचित वाढपुणे  : राज्यात थंडीची चाहूल लागल्यानंतर...
बाजार समित्यांना सक्षम पर्याय द्याः...पुणे ः केंद्रीय अर्थमंत्री निर्मला सीतारामन यांनी...
पावसाने संत्र्यात ४० टक्के फळगळ; ४००...नागपूर : राज्याचे मुख्य फळपिकांत महत्त्वाचे स्थान...
हमीभावाने कापूस खरेदी २० नोव्हेंबरपासून...जळगाव : भारतीय कापूस महामंडळ (सीसीआय) व...
बारा लाख टन साखर निर्यातीचा मार्ग मोकळापुणे : केंद्र शासनाने मुदतवाढ दिल्यामुळे देशातील...
विमा कंपन्यांचे आस्ते कदम; पंचनाम्याकडे...पुणे : राज्यातील लाखो हेक्टरवरील पिके जमीनदोस्त...
अकोला, बुलडाण्याला खरिपात ७२५ कोटींचा...अकाेला ः गेल्या महिन्यात झालेल्या संततधार पाऊस व...
पावसाचा मराठवाड्यात ४१ लाख हेक्‍टर...औरंगाबाद : मराठवाड्यात मॉन्सूनोत्तर पावसाने...
ग्रामपरिवर्तनाची दिशा दाखविणारे शेंदोळा...जन्म, मृत्यू, विवाहनोंदणी प्रमाणपत्र हवे असेल; तर...
रत्नागिरी : गतवर्षीच्या तुलनेत भात...रत्नागिरी ः अतिवृष्टीमुळे कोकणातील शेतकरी चांगलाच...
दक्षिण आफ्रिकेतील 'मालावी हापूस'...पुणे  ः दक्षिण आफ्रिकेतील मालावी प्रांतात...
सांगली जिल्ह्यात द्राक्षबागांना आता...सांगली ः गेल्या पंधरा ते वीस दिवसांपूर्वी...
राज्यात रब्बीसाठी सव्वासहा हजार शेतीशाळापुणे : रब्बी हंगामात राज्यात सव्वासहा...
केंद्र सरकारकडून एक लाख टन कांदा...पुणे: मॉन्सूनचा वाढलेला मुक्काम, अतिवृष्टी,...
बाजार समित्या बरखास्त करणार : केंद्रीय...नवी दिल्ली : बाजार समित्यांची कार्यपद्धती आणि...
राज्य झाले टॅंकरमुक्त; केवळ बुलडाण्यात...पुणे: मॉन्सून आणि मॉन्सूनोत्तर काळात राज्यात...
केसर आंब्याचे उत्पादन ४५ टक्के घटणार;...औरंगाबाद : गंध आणि चवीसाठी केसर आंब्याची आपली...
किमान तापमानात चढ-उतारपुणे: मॉन्सूनोत्तर पावसाने उघडीप दिल्यानंतर...