agriculture news in Marathi, rain became weak in kerla, Maharashtra | Agrowon

केरळात पावसाचा जोर कमी; मदतकार्यात वेग

वृत्तसेवा
मंगळवार, 21 ऑगस्ट 2018

तिरुअनंतपुरम/कोची  : दोन दिवसांपासून पावसाचा जोर कमी झाल्याने केरळमध्ये बचाव पथकांच्या कामाला वेग आला आहे. लष्कर, नौदल, हवाई दल, तटरक्षक दल, एनडीआरएफ, मच्छीमार आणि स्थानिक नागरिक मदतीसाठी अहोरात्र मेहनत घेत आहेत. ८ ऑगस्टनंतर आलेल्या पावसाने आतापर्यंत २१६ बळी गेले आहेत. 

तिरुअनंतपुरम/कोची  : दोन दिवसांपासून पावसाचा जोर कमी झाल्याने केरळमध्ये बचाव पथकांच्या कामाला वेग आला आहे. लष्कर, नौदल, हवाई दल, तटरक्षक दल, एनडीआरएफ, मच्छीमार आणि स्थानिक नागरिक मदतीसाठी अहोरात्र मेहनत घेत आहेत. ८ ऑगस्टनंतर आलेल्या पावसाने आतापर्यंत २१६ बळी गेले आहेत. 

दक्षिण कमांडचे लेप्टनंट जनरल डी. आर. सोनी म्हणाले, की बोट, लाइफ जॅकेट आणि फूड पॅकेटसमवेत सुमारे ७० पथक पूरग्रस्त भागात तैनात करण्यात आले आहेत. ज्या ठिकाणी वीज आणि हेलिकॉप्टर पोचू शकत नाही, अशा ठिकाणी जवान पोचत आहेत. अतिशय कठीण परिस्थितीत जवानांनी शेकडो लोकांना सुरक्षित ठिकाणी नेण्याचे काम केले आहे.

बचावकार्य करणाऱ्या सर्व पथकात उत्तमरित्या समन्वय असल्याने हे काम शक्‍य झाल्याचे सोनी म्हणाले. प्रत्येक गरजू व्यक्तीसाठी आम्ही काम करतच राहू, असे सोनी म्हणाले. बचाव कार्य बंद केलेले नसून प्रशासन जोपर्यंत या संकटपासून सावरत नाही, तोपर्यंत आम्ही काम करतच राहणार, असे सोनी म्हणाले. गेल्या दोन दिवसांत केरळमध्ये पावसाची तीव्रता कमी झाली आहे. तसेच हवामान खात्यानेदेखील मुसळधार पावसाचा इशारा दिलेला नाही. 

केरळमधील आठ ऑगस्टनंतरची स्थिती...
 मृतांची संख्या : २१६ 
 निर्वासित : ७.२४ लाख 
 शिबिर : ५६४५ 
 मदतकार्यातील जवान : १५००

कर्नाटकातील पूरस्थिती गंभीर
गेल्या दोन आठवड्यांपासून पडत असलेल्या पावसामुळे कर्नाटकातील कोडगू जिल्ह्यातील पूरस्थिती सोमवारी (ता. २०) पाचव्या दिवशीही गंभीर होती. लष्कर, नौदल, राष्ट्रीय आपत्ती निवारण दलासह नागरी बचाव दलाचे बचाव व मदत कार्य वेगाने सुरू आहे. पावसामुळे आतापर्यंत नऊ जणांचे बळी गेले असल्याची माहिती महसूल विभागाने दिली. 

या डोंगराळ जिल्ह्यात पाऊस अद्याप सुरूच आहे. अनेक ठिकाणी दरडी कोसळल्याने नागरिक अडकले आहेत. त्यांच्या सुटकेसाठी आणि पुराचे पाणी वाहून जाण्यासाठी बचाव पथकाने जादा वेळ काम केले. दरड कोसळण्याच्या असंख्य घटनांमुळे १२३ किलोमीटरचे रस्ते त्याखाली गाडले गेले किंवा वाहून गेले असल्याचे महसूल विभागाने सांगितले.

जिल्ह्यातील तीन हजार ८०० ट्रान्सफॉर्मर व खांब कोसळल्याने अनेक भागांत आज पाचव्या दिवशीची वीजपुरवठा खंडित झालेला होता. बेळगाव जिल्ह्यातील चिक्कोडी व अन्य भागातही पूरस्थिती गंभीर आहे. कृष्णा नदी व तिच्या उपनद्यांमधून विसर्ग सोडण्यात आला आहे. नदीकाठच्या लोकांना स्थलांतर करण्याचा इशारा दिला आहे. या भागातील परिस्थिती नियंत्रणात असल्याचे अधिकाऱ्यांनी सांगितले. 

पूर्वबांधणी केलेल्या घरे उभारणार 
कोडगू जिल्ह्यात भूस्खलनामुळे शेकडो लोक बेघर झाले आहेत. अशा लोकांसाठी पूर्वबांधणी केलेल्या घरांची उभारणी करण्याचा निर्णय कर्नाटक सरकारने घेतला आहे, अशी माहिती उपमुख्यमंत्री डॉ. जी. परमेश्‍वर यांनी सोमवारी दिली. बंगळूर महापालिकेतर्फे ३.१८ कोटी रुपयांची मदत करण्यात आली असून यातील एक कोटी रुपये केरळच्या पूरग्रस्तांसाठी पाठविले आहेत. 

कोडगू जिल्ह्यातील पूरस्थिती 
 नागरिकांची सुटका: ४२००
 ट्रान्सफॉर्मर व विजेचे खांब पडले: ३८००
 बचाव पथकांतील जवान: १२०० 


इतर अॅग्रो विशेष
निर्यातवृद्धीचे शुभसंकेतपावसाळ्यानंतरही सातत्याचे ढगाळ हवामान आणि...
फळांचा राजा संकटाच्या फेऱ्यातमागील नोव्हेंबर महिन्यात झालेल्या अतिवृष्टीचा...
पूर्णा येथे रेशीम कोषास प्रतिकिलोस ५१५...परभणी : पूर्णा (जि. परभणी) येथील रेशीम कोष...
सांगली जिल्ह्यातून डाळिंब निर्यातीसाठी...सांगली ः जिल्ह्यातून गतवर्षी ८०० टन डाळिंबाची...
‘व्हीएसआय’ची आंतरराष्ट्रीय साखर परिषद...पुणे: वसंतदादा साखर संस्थेच्या वतीने आयोजित...
धोरणात्मक निर्णय, सिंचनाच्या सुविधेमुळे...नवी दिल्ली: धोरणात्मक निर्णय आणि पुढाकार;...
इथेनॉल प्रकल्पासाठी ३६ कारखान्यांनाच...नवी दिल्ली: पेट्रोलमध्ये १० टक्के इथेनॉल...
मोहाडीची मिरची निघाली दुबईलाभंडारा ः शेतकरी उत्पादक कंपनीच्या पुढाकारातून...
खाद्यतेल आयात शुल्क घटविण्याचा प्रस्ताव...पुणे : काही दिवसांपूर्वी केंद्र सरकार खाद्यतेल...
‘माफसू’ला मिळाले `केव्हीके`नागपूर ः पशू व मत्स्य विज्ञानाचा प्रसार प्रचार...
गोंदिया, नागपूर, वर्धा येथे पावसाची...पुणे: राज्यात पावसाला पोषक हवामान होत आहे....
फेब्रुवारीअखेरपासून कर्जमाफीची रक्कम...पुणे : महात्मा फुले कर्जमाफी योजनेत दोन...
`व्हिएसआय`च्या ऊस प्रक्षेत्रांना दोन...पुणे : वसंतदादा शुगर इन्स्टिट्यूटच्या (व्हीएसआय)...
सौर पंप तंत्राद्वारे फुलतेय तेवीस...डोर्ले (ता. जि. रत्नागिरी) येथील अजय तेंडूलकर...
व्यवसाय स्वातंत्र्यावर गदा नकोचशेतकरीविरोधी कायदे रद्द करण्याबाबतची एक चळवळ...
क्रयशक्ती वाढविणारा हवा अर्थसंकल्पकेंद्रीय अर्थमंत्री निर्मला सीतारामण १ फेब्रुवारी...
कमी फॅटचे दुध पिल्यास म्हतारपण कमी होतं...कमी फॅट(मेद)युक्त दुधाचा आहारामध्ये वापर केल्यास...
विदर्भ, कोकणात आज हलक्या पावसाचा अंदाज पुणे : उत्तरेकडील थंड वाऱ्यांअभावी राज्यात थंडी...
नाशिक जिल्ह्यातील द्राक्ष निर्यातीत ५७...नाशिक : राज्यातून होणाऱ्या द्राक्ष निर्यातीत...
दूध उत्पादक महत्त्वाचा दुवा: हरिभाऊ...औरंगाबाद : जिल्हा दूध संघाच्या एकूणच...