agriculture news in marathi, rain continue in akola and washim, maharashtra | Agrowon

अकोला, वाशीममध्ये पाऊस कायम

टीम अॅग्रोवन
शुक्रवार, 13 जुलै 2018

अकोला  ः वऱ्हाडात गेल्या चार दिवसांपासून पाऊस सुरू आहे. अकोला, वाशीम जिल्ह्यांत बुधवारीदेखील पावसाची हजेरी कायम होती. बुलडाणा जिल्ह्यातील बहुतांश भागांत पावसाचा जोर कमी झाला आहे.  गुरुवारी (ता. १२) सकाळी आठ वाजेपर्यंत अकोला जिल्ह्यात सरासरी ३३.८, वाशीममध्ये २२.४ तर बुलडाणा जिल्ह्यात सर्वात कमी ७.८ मिमी पावसाची नोंद झाली.

अकोला  ः वऱ्हाडात गेल्या चार दिवसांपासून पाऊस सुरू आहे. अकोला, वाशीम जिल्ह्यांत बुधवारीदेखील पावसाची हजेरी कायम होती. बुलडाणा जिल्ह्यातील बहुतांश भागांत पावसाचा जोर कमी झाला आहे.  गुरुवारी (ता. १२) सकाळी आठ वाजेपर्यंत अकोला जिल्ह्यात सरासरी ३३.८, वाशीममध्ये २२.४ तर बुलडाणा जिल्ह्यात सर्वात कमी ७.८ मिमी पावसाची नोंद झाली.

गुरुवारी सकाळपर्यंतच्या २४ तासांत अकोला जिल्ह्यात संततधार पाऊस झाल्याने मूर्तिजापूर तालुक्‍याला मोठा तडाखा बसला आहे. उमा नदीसह बऱ्याच छोट्या नदी-नाल्यांना पूर आले. आठ ते दहा गावांमध्ये पाणी शिरल्याने नागरिकांची तारांबळ उडाली. रात्री उशिरापर्यंत हे जनजीवन सुरळीत होऊ शकले नव्हते. पुराचे पाणी उतरल्यानंतर परिस्थिती नियंत्रणात यायला सुरवात झाली. बुधवारी आलेल्या पुराच्या पाण्याने मूर्तिजापूर तालुक्‍यातील शेकडो एकर जमीन खरडली असल्याची प्राथमिक माहिती आहे. या भागात पेरणी झाली होती. पिकेही खरडून गेली आहेत. प्रशासनाकडून याची अधिकृत माहिती घेतली जात आहे. 

गुरुवारी सकाळपर्यंतच्या २४ तासांत मूर्तिजापूरमध्ये सर्वाधिक ४४.८ मिमी पाऊस नोंदविला गेला. याशिवाय अकोटमध्ये ३९.९ मिमी पाऊस झाला. सर्वांत कमी १६.२ मिमी पातूरमध्ये नोंदला आहे. वाशीम जिल्ह्यात रिसोड वगळता उर्वरित पाच तालुक्‍यांमध्ये चांगला पाऊस झाला. प्रामुख्याने मानोरा, मंगरुळपीर या तालुक्‍यात जोर अधिक होता.

अकोला-वाशीम जिल्ह्यात सर्वदूर जोरदार पाऊस होत असताना शेजारच्या बुलडाणा जिल्ह्यात मात्र तितकासा जोर नाही. देऊळगावराजा तालुका तर अनेक दिवसांपासून कोरडा आहे. गुरुवारी सकाळपर्यंतच्या २४ तासात तालुक्‍यात पाऊस पडलेला नाही. प्रामुख्याने घाटावरील बुलडाणा, चिखली, देऊळगावराजा, मेहकर, लोणार, सिंदखेडराजा आदी तालुक्‍यांमध्ये पाऊस अत्यंत कमी प्रमाणात झाला. त्या तुलनेत घाटाखालील संग्रामपूर येथे २०.८, जळगाव जामोद येथे २३.२, खामगाव येथे १०, शेगाव येथे ८.४, नांदुरा येथे ९.८, मलकापूर येथे ८.४ पावसाची नोंद झाली.

मागील चार दिवसांपासून अकोला, वाशीममध्ये बऱ्यापैकी पाऊस होत असल्याने याचा फायदा धरण प्रकल्पांतील पाणीसाठा वाढण्यासाठी होऊ लागला आहे. गेल्या महिन्यात एक टक्‍क्‍यापर्यंत पाणीसाठा असलेल्या काटेपूर्णा प्रकल्पातील पाणीसाठा आता १३ टक्‍क्‍यांपर्यंत पोचला आहे.

वऱ्हाडात गुरुवारी सकाळपर्यंत झालेला पाऊस (मिमी) :  अकोला जिल्हा (मिमी) ः अकोला ३१.६, बार्शीटाकळी ३३.५, अकोट ३९.९, तेल्हारा ३९.७, बाळापूर ३०.९, पातूर १६.२, मूर्तिजापूर ४४.८.
 वाशीम जिल्हा ः वाशीम १८.८, मालेगाव १४.८, रिसोड ४.१, मंगरुळपीर ३०, मानोरा ३८.९, कारंजा २७.६.  बुलडाणा जिल्हा ः बुलडाणा ३.१, चिखली ४.२, मेहकर ४.७, लोणार १.३, सिंदखेडराजा १.७, मलकापूर ८.४, मोताळा ५.६, खामगाव १०, शेगाव ८.४, जळगाव जामोद २३.२, संग्रामपूर २०.८.


इतर ताज्या घडामोडी
नगर जिल्ह्यात सततच्या पावसाने मुगाचे...नगर  ः नगर जिल्ह्यात गेल्या काही दिवसापासून...
नांदेड जिल्ह्यात साडेसात लाख हेक्टरवर...नांदेड ः यंदा नांदेड जिल्ह्यातील खरिपाच्या पेरणी...
पुणे जिल्ह्यात भात लागवडीसाठी पट्टा...पुणे  ः चालू वर्षी खरीप हंगामात ड्रम सीडर...
दोंडाईचा मालधक्क्यावर अधिकाऱ्यांच्या...धुळे ः युरिया वितरणातील घोळ, शेतकऱ्यांच्या...
नगर जिल्ह्यात फळबाग लागवड वाढण्याचा...नगर  ः यंदा पाऊस चांगला, शिवाय मागील काही...
कोल्हापुरात अर्धा टक्के शेतकऱ्यांनी ...कोल्हापूर : राज्यात पंतप्रधान पीक विमा योजनेला...
रत्नागिरी जिल्ह्यात पशुसंवर्धन विभागाची...रत्नागिरी  ः महात्मा गांधी राष्ट्रीय ग्रामीण...
अकोला जिल्ह्यातील दोन लाखांवर ...अकोला  : जिल्ह्यात यंदाच्या खरीप हंगामात...
नागपूर कृषी महाविद्यालय राबवणार ‘ई-...नागपूर  : ‘कोरोना’च्या पार्श्वभूमीवर लॉकडाउन...
उभ्या पिकात मूलस्थानी जलसंवर्धनकोरडवाहू शेतीमध्ये जमिनीतील पाण्याची कमतरता पाहता...
दूध प्रश्न बाजूला; शेतकरी संघटनांमधील...कोल्हापूर  : दूध दरप्रश्नी सरकारवर दबाव...
पुण्यात भाजीपाल्याचा पुरवठा संतुलित; दर...पुणे ः गुलटेकडी येथील पुणे कृषी उत्पन्न बाजार...
घरोघरी असावी पोषण परसबागपरसबागेचा आकार हा जागेची उपलब्धता, कुटुंबातील...
आरोग्यमंत्री राजेश टोपे यांना मातृशोक;...मुंबई : राज्याचे आरोग्यमंत्री राजेश टोपे यांच्या...
अपचन, खोकला, कफावर गुणकारी पिंपळी पावडर आपल्या घरातील ज्येष्ठ मंडळींना पिंपळी नक्कीच...
मागण्यांसाठी मराठवाड्यात दूध...औरंगाबाद : दूध उत्पादन खर्चाच्या तुलनेत परवडणारा...
नैसर्गिकरीत्या वाढवा रोगप्रतिकारक शक्तीरोगप्रतिकारक शक्ती म्हणजेच शरीरात बाहेरून प्रवेश...
परभणी जिल्ह्यात रास्ता रोको, दूध संकलन...परभणी : दूध दरवाढीसाठी भाजपतर्फे शनिवारी (ता.१)...
दूध दरप्रश्नी आंदोलनाला विदर्भात...नागपूर : दूध दरप्रश्नी भाजपच्या वतीने...
दूध दरप्रश्नी भाजपचे सातारा जिल्ह्यात...सातारा  : गाईच्या दुधाला प्रतिलिटर १० रुपये...