agriculture news in Marathi rain continue in Marathwada Maharashtra | Agrowon

मराठवाड्यात पावसाचा जोर कायम

टीम अॅग्रोवन
गुरुवार, 17 सप्टेंबर 2020

गेल्या दोन ते तीन दिवसांपासून राज्यातील काही भागात ढगाळ हवामानाची स्थिती आहे. त्यामुळे अनेक भागात हलक्या सरी पडत आहे.

पुणे ः गेल्या दोन ते तीन दिवसांपासून राज्यातील काही भागात ढगाळ हवामानाची स्थिती आहे. त्यामुळे अनेक भागात हलक्या सरी पडत आहे. मात्र, तुरळक ठिकाणी जोरदार पाऊस पडत आहे. मराठवाड्यातील काही भागात पावसाचा जोर कायम असून मुखेड येथे सर्वाधिक १३३ मिलिमीटर पाऊस पडल्याची नोंद झाली असून पावसामुळे शेतात पाणी साचल्याने पिकांचे नुकसान होण्याची भिती शेतकऱ्यांना आहे.  

राज्यातील बहुतांशी भागात पावसासाठी पोषक स्थिती आहे. त्यामुळे चांगलाच पाऊस बरसत आहे. कोकणात पावसाचा जोर कमी झाला असला तरी तुरळक ठिकाणी मध्यम ते जोरदार पाऊस पडत आहे. पनवेल येथे १११.६ मिलिमीटर पाऊस पडला असून इतर भागात चांगलाच पाऊस पडला. या पावसामुळे पिकांना दिलासा मिळत असला तरी सततच्या पावसामुळे रोग, किडीचा प्रादुर्भाव वाढू लागला आहे.

मध्य महाराष्ट्रात मागील तीन ते चार दिवसापासून ढगाळ हवामानासह अधूनमधून ऊन पडत आहे. दुपारी ऊन रात्री हलक्या सरी पडत असल्याची स्थिती आहे. नाशिक जिल्ह्यात अनेक भागात पावसाने उघडीप दिली आहे.

त्यामुळे अनेक ठिकाणी बाजरी सोंगणीची कामे सुरू आहे. मात्र, इगतपुरी, चांदवड व येवला तालुक्यातील काही भागात पावसाच्या हलक्या सरी पडल्या. पुणे, कोल्हापूर, सातारा, सांगली जिल्ह्यात पावसाच्या हलक्या सरी पडल्या. घाटमाथ्यावर पावसाच्या तुरळक सरी पडल्या असून सोलापूर, नगर, धुळे, नंदुरबार, जळगाव जिल्ह्यात शेती कामे वेगाने सुरू आहेत.  

मराठवाड्यातील औरंगाबाद, बीड, हिंगोली, जालना, लातूर, नांदेड, परभणी जिल्ह्यात पावसाच्या काही ठिकाणी जोरदार सरी पडल्या. लातूर, नांदेड, परभणी जिल्ह्यात पावसाचा जोर अधिक होता. देवणी येथे १११ मिलिमीटर पाऊस पडला असून चाकूर, वैजापूर, हिमायतनगर, रेणापूर, बदनापूर, जळकोट, पालम, बिलोली, देगलूर येथे जोरदार पाऊस पडला. त्यामुळे या परिसरात अति पावसामुळे शेतामध्ये चांगलेच पाणी साचल्याने ओढे, नाले दुथडी भरून वाहत होते.

पश्चिम विदर्भात पाऊस नसला तरी पूर्व भागात चंद्रपूर, नागपूर, वर्धा, वाशिम जिल्ह्यात अनेक ठिकाणी हलक्या सरी पडल्या असून तुरळक ठिकाणी मध्यम पाऊस पडला. या पिकांमुळे कापूस, तूर पिकांना दिलासा मिळाला असला तरी इतर पिकांची काढणी वेगाने सुरू आहे. 

बुधवारी (ता.१६) सकाळी आठ वाजेपर्यत झालेला पाऊस, मिलिमीटरमध्ये ः (स्त्रोत, हवामान विभाग)
कोकण : मुरूड ४५, हर्णे ३४.४, देवगड ५४, मालवण ५६, ठाणे २९.
मध्य महाराष्ट्र : चंदगड २९.४, खंडाळा २५.३.
मराठवाडा : वैजापूर ६५, बदनापूर ६४, जालना ४२, चाकूर ७४, जळकोट ५१, रेणापूर ५०, बिलोली ७०, देगलूर ५४, हिमायतनगर ६१, नायगाव खैरगाव ४०, पालम ४३.
विदर्भ : कोर्पणा ३८.३, अहेरी ४४.८, धानोरा २७.७, देवळी २७.१, घाटंजी २७.६.


इतर बातम्या
कोल्हापुरात कांद्याचे सौदे शेतकऱ्यांनी...कोल्हापूर : कांद्याच्या दरात घसरण झाल्याने...
बार्शी तालुक्‍यात सोयाबीनचे मोठे नुकसानवैराग, जि. सोलापूर : बार्शी तालुक्‍यात...
`पांगरी परिसरातील पीक नुकसानीचा अहवाल...पांगरी : पांगरी (ता.बार्शी) भागात गेल्या दहा,...
परभणी जिल्ह्यात दीड लाख हेक्टर कपाशी...परभणी : यंदाच्या खरिप हंगामात जिल्ह्यात ५ लाख १९...
खानदेशात सव्वालाख क्विंटल हरभरा...जळगाव : खानदेशात रब्बी हंगामाची तयारी लवकरच सुरू...
खानदेशात केळीची उधारीने खरेदीजळगाव : खानदेशात कांदेबाग केळीची पुन्हा कमी दरात...
साखर कारखान्यांनी कामगारांची जबाबदारी...कोल्हापूर : राज्यातील साखर कामगारांची आरोग्याची...
नाशिक जिल्ह्यात पिकांचे ३७ हजार...नाशिक : चालू महिन्याच्या मध्यापासून जिल्ह्यात...
मराठवाड्यात पाऊस खरीप पिकांची पाठ सोडेनाऔरंगाबाद : जिल्ह्यात बहुतांश भागात हलका ते जोरदार...
मराठवाड्यात औरंगाबाद जिल्ह्याची पीक...औरंगाबाद ः मराठवाड्यात खरीप पीक कर्जवाटपात...
कांदा निर्यातबंदी उठवा; नगर जिल्हा...नगर : केंद्राने कांदा निर्यातबंदीचा निर्णय...
लातूर विभागात १५ लाख हेक्टरवर रब्बीचे...लातूर : येथील विभागीय कृषी सहसंचालक...
नांदेडमध्ये पावसाने ८३ हजार हेक्टर...नांदेड : अतिवृष्टी, पूरामुळे जिल्ह्यातील...
वऱ्हाडात पावसाचा पुन्हा धुमाकूळअकोला ः वऱ्हाडातील अकोला, बुलडाणा व वाशीम या...
शेतकरी विधवांकडून कंगना राणावतच्या...यवतमाळ : केंद्र सरकारच्या कृषी संबंधित नव्या...
सिंधुदुर्गाच्या काही भागात मुसळधार सुरूचसिंधुदुर्ग ः जिल्ह्याच्या काही भागात पावसाचा जोर...
सांगलीत रब्बीसाठी ३३ हजार क्विंटल बियाणेसांगली ः सांगली जिल्ह्यात रब्बी हंगामात युरियासह...
निळवंडे धरण तुडुंबअकोले, जि. नगर : उत्तर नगर जिल्ह्याला वरदान...
कोकण, खानदेशात पावसाचा धुमाकूळ पुणे ः कोकण आणि खानदेशला पावसाने झोडपून काढले....
आदिवासी बेरोजगारांसाठी औषधी वनस्पतीवरील...कर्जत, जि. रायगड : आदिवासींच्या उत्कर्षासाठी...