agriculture news in Marathi rain in dam catchment area Maharashtra | Agrowon

धरण क्षेत्रात पावसाची हजेरी 

टीम अॅग्रोवन
मंगळवार, 27 जुलै 2021

 तीन दिवसांपासून राज्यातील धरणक्षेत्रात पावसाचा जोर कमी झाला आहे. सध्या या भागात हलका ते मध्यम स्वरूपाचा पाऊस पडत आहे. 

पुणे : तीन दिवसांपासून राज्यातील धरणक्षेत्रात पावसाचा जोर कमी झाला आहे. सध्या या भागात हलका ते मध्यम स्वरूपाचा पाऊस पडत आहे. यामुळे धरणात पाण्याची आवक सुरू असल्याने कोयना, गोसी खुर्द, हतनूर अशा महत्त्वाच्या धरणांतून पाण्याचा विसर्ग सुरू आहे. कोकण, कोल्हापूर, सांगलीतील पूर परिस्थिती हळूहळू पूर्वपदावर येत असल्याने नागरिकांना दिलासा मिळाला आहे. 

सध्या कोकणातील पावसाचा जोर चांगलाच ओसरला आहे. अनेक भागांत काही प्रमाणात ढगाळ वातावरण असल्याने कमीअधिक पाऊस कोसळत आहे. पावसामुळे भात पिकांचे मोठे नुकसान झाल्याने पंचनामे करण्याची मागणी शेतकरी करू लागले आहेत. त्यातच नद्या अजूनही दुथडी भरून वाहत असल्याने धरणातील पाणीपातळीत चांगलीच वाढ झाली आहे. मध्य महाराष्ट्रातील पुणे, सातारा, कोल्हापूर, नाशिक जिल्ह्याच्या पश्चिम भागातील धरणक्षेत्रात हलका स्वरूपाचा पाऊस पडला. मागील दोन दिवसांपासून या भागातील पावसाचा प्रभाव कमी झाला आहे.

तुरळक ठिकाणी जोरदार पाऊस पडत आहे. साताऱ्यातील महाबळेश्वर येथे सर्वाधिक १५९ मिलिमीटर पाऊस पडला. राधानगरीच्या धरणक्षेत्रात १२२, पवना ११७ मिलिमीटर पाऊस पडला. उर्वरित धरणक्षेत्रात हलका ते मध्यम स्वरूपाचा पाऊस पडला. त्यामुळे धरणात पाण्याची आवक अजूनही सुरू आहे. त्यामुळे बहुतांश धरणे ही भरण्याच्या मार्गावर आहे. खानदेश, नगर, पुणे, सोलापूर, सातारा जिल्ह्याच्या पूर्व भागात तुरळक सरी पडत आहे. त्यामुळे पिकांना काहीसा दिलासा मिळत आहे. 

मराठवाडा, विदर्भात काहीशी उघडीप 
मराठवाडा व विदर्भात गेले काही दिवस चांगलाच पाऊस बरसला होता. या पावसामुळे मराठवाड्यातील परभणी, नांदेड, हिंगोली भागात पिकांचे नुकसान झाले. या नुकसानीचे पंचनामे अजूनही सुरू झालेले नाही. विदर्भातही काहीशी अशीच स्थिती आहे. मात्र, तीन ते चार दिवसांपासून पावसाने चांगलीच उसंत घेतल्याने पिकांतील पाणी काही प्रमाणात ओसरले. मराठवाड्याच्या औरंगाबाद, बीड, जालना या जिल्ह्याच्या अनेक भागात अजूनही जोरदार पाऊस झालेला नाही. त्यामुळे मराठवाड्यातील 
धरणातील पाणीपातळीत फारशी वाढ झालेली नाही. 

या नद्या दुथडी भरून वाहत आहेत 
कुंडलिका, अंबा, पाताळगंगा, उल्हास, गाढी, सुर्या (वैतरणा खोरे), जगबुडी, वाशिष्टी, सावित्री, पंचगंगा, कृष्णा, मुठा, भिमा, गोदावरी (नांदेड), पूर्णा, बाघ, वैनगंगा (भंडारा), कन्हान, वैनगंगा (गोंदिया), बावनथडी, वैनगंगा (चंद्रपूर), वैनगंगा (गडचिरोली), , 

राज्यात सोमवारी (ता.२६) सकाळपर्यंत धरणक्षेत्रनिहाय झालेला पाऊस मिलिमीटरमध्ये : 
कोयना ८८, धोम बलकवडी ७१, धोम १२, कण्हेर २४, वारणावती ६०, दुधगंगा ८०, तुळशी ७१, कासारी ९५, पाटगाव १०३, तारळी ६९, उरमोडी ३१, पिंपळगाव जोगे ३६, माणिकडोह ३१, कळमोडी ५३, वडीवळे २०, पवना ५४, मुळशी ६०, टेमघर ९५, वरसगाव ६०, पानशेत ६४, खडकवासला ३०, कासारसाई ३३, कळमोडी ४५, चासकमान १४, आंध्रा २६, वडीवळे ८७, गुंजवणी ७४, भाटघर ३७, निरा देवघर ७४, डिंभे ४१, वडज १७, चिल्हेवाडी १०, गंगापूर ७१, भंडारदरा ७२


इतर अॅग्रो विशेष
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
राज्यात पावसाचा जोर वाढणारपुणे : काहीशा विश्रांतीनंतर राज्यात पावसाला...
द्राक्ष बागायतदार संघाचे आजपासून ६१ वे...नाशिक : महाराष्ट्र राज्य द्राक्ष बागायतदार संघाचे...
मूग, सोयाबीन पिकाला कोंब फुटण्याची...पुणे : राज्यात काही दिवसांच्या विश्रांतीनंतर...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
सामाजिक, मानसिक स्वास्थ्यासाठी...पुणे ः ‘‘बदलत्या परिस्थितीत सामाजिक आणि मानसिक...
द्राक्ष पिकातील कलम वर्षभर यशस्वी...महाराष्ट्रात द्राक्ष, आंबा व अन्य फळपिकांचे कलम...
दोन आठवडे अगोदरच खरीप कांदा बाजारातनाशिक : जिल्ह्यातील चांदवड,देवळा, मालेगाव, येवला...
‘व्हीएसआय’च्या जालना केंद्रासाठी ३० कोटीपुणे ः विदर्भ, मराठवाड्याला मार्गदर्शक ठरणाऱ्या...
पेरणी ते काढणी- जपला यांत्रिकीकरणाचा वसागरज ही शोधाचा जननी असते. त्यातूनच निंभोरा बोडखा (...
जोरदार वारे, मेघगर्जना, विजांसह पावसाचा...पुणे : राज्यात पुढील दोन दिवस जोरदार वारे,...
पुण्यात साकारतेय देशी गाय संशोधन आणि...पुणे ः देशी गायींच्या संवर्धनातून त्यांची...
विमा कंपन्यांना आठ हंगामांत १२ हजार...पुणे ः देशातील खासगी विमा कंपन्यांनी गेल्या आठ...
द्राक्ष हंगामात नियोजन आणि बाजारपेठेचे...अधिक परतावा देणारी पिके म्हणजे जोखीमही मोठी असते...
मागणीमुळे हरभरा दर हमीभावाच्या वर टिकूनपुणे : गेल्या आठवडाभरात हरभऱ्याला चांगली मागणी...
महुद ग्रामस्थांची एकजूट कौतुकास्पद :...सोलापूर ः वसुंधरा आणि पृथ्वीच्या रक्षणासाठी...
उच्चशिक्षित दांपत्याची पोल्‍ट्रीत...वाशीम जिल्हयात मुठ्ठा या छोट्या गावात नीलेश व...
भरीताच्या वांग्यासह केळी अन कांद्याची...नशिराबाद (ता.. जि.. जळगाव) येथील लालचंद व यशवंत...
मध केंद्र योजनेंतर्गत साहित्य  स्वरूपात...नाशिक : महाराष्ट्र राज्य खादी व ग्रामोद्योग...
ठिबक अनुदान वाटपाच्या  प्रक्रियेवर...पुणे : प्रधानमंत्री कृषी सिंचन योजनेतून अनुदान...