agriculture news in Marathi, rain damage crop in Bhandara District, Maharashtra | Agrowon

भंडारा जिल्‍ह्यात पावसामुळे शेकडो हेक्‍टर पिकांचे नुकसान

टीम अॅग्रोवन
रविवार, 15 सप्टेंबर 2019

प्राथमिक सर्व्हेक्षणाचे काम अंतिम टप्प्यात असून, त्यानुसार पहिल्या टप्प्यातील निश्‍चित नुकसान सोमवारी (ता.१६) येणाऱ्या अहवालातून कळणे अपेक्षित आहे. नदीकाठच्या बुडीत क्षेत्र परिसरात शेती कसणाऱ्या भागातच हे नुकसान झाल्याची शक्‍यता अधिक आहे. 
- हिंदूराव चव्हाण, जिल्हा अधीक्षक कृषी अधिकारी, भंडारा

भंडारा ः मध्य प्रदेशातील संततधारेमुळे जिल्ह्यात गेल्या आठवड्यात निर्माण झालेल्या पूरपरिस्थतीमुळे शेकडो हेक्‍टरवरील पिकांचे नुकसान झाले आहे. त्यासोबतच आठवडाभरात विविध घटनांमध्ये आठ जणांचा मृत्यू झाला असतानाही प्रशासनाकडून मात्र अद्यापही नुकसानीसंदर्भाने पंचनाम्याची कारवाई सुरू करण्यात आली नाही. त्यामुळे शेतकऱ्यांनी नाराजी व्यक्‍त केली आहे. 

भंडारा तालुक्‍यातील नदीकाठावर असलेल्या खैरी, कोथुर्णा, दाभा, टाकळी, माडगी, खमारी, पिंपरी, सुरेवाडा, करचखेडा, कारधा, सिरसघाट, कोरंभी, गणेशपूर, पिंडकेपार, टेकेपार, मौदी खास, जांब, ईटगाव, पागोरा, याशिवाय मोहाडी, तुमसर, लाखांदूर, साकोली अशा नदीकाठच्या सुमारे ८२ गावांना पुराच्या पाण्याचा फटका बसला. शेकडो हेक्‍टर धानपीक पाण्याखाली आल्याने कुजले. मध्य प्रदेशच्या सीमावर्ती भागात झालेल्या अतिवृष्टीने अनेक प्रकल्पाचे दरवाजे उघडण्यात आले. त्यामुळे कारधा येथे वैनगंगा नदी धोक्‍याचा पातळीवर वाहत आहे. 

शुक्रवारी (ता.१३) नदीची पातळी ९.३० मीटर इतकी मोजण्यात आली. कालीसराट प्रकल्पाचे चार दरवाजे एक फूट आणि पुजारीटोला धरणाचे सहा दरवाजे उघडण्यात आले आहेत. धापेवाडा प्रकल्पाचे २३ दरवाजे ५.५ मीटरने उघडले आहे. भंडारा तालुक्‍यातील चांदोरी ते शिंगोरी मार्गावर असलेल्या पुलावर पाच दिवस पाणी असल्याने वाहतूक ठप्प पडली होती. 

आठवडाभरात आठ जणांचा मृत्यू
भेंडाळा येथील डेव्हिड गोपाल सोनटक्‍के (वय ८),  खमारी बुज येथील केशव भागो मेश्राम, साकोली तालुक्‍यातील सराटी येथील निखिल केशव खांडेकर (वय १७), हितांशू प्रमोद खोब्रागडे (वय १९) हे वाहून गेले. पवनी तालुक्‍यातील मौदी येथील वैनगंगा नदीच्या पात्रात अनोळखी महिलेचा मृतदेह मिळाला; तिची अद्यापही ओळख पटली नाही. कुडेगाव येथील बबन जयराम कांबडी यांचा मृतदेह शेताच्या धान बांधीतील पाण्यात आढळून आला. सिंदपूरी येथे घराची भिंत कोसळून निलकराम ईसाराम शेंडे (वय ५४) हे ठार झाले. यासोबतच काही ठिकाणी भिंत कोसळून जखमी होण्याचे प्रकारही घडले. चांदोरी-शिंगोरी नाल्याच्या पुरात जनावरांना घेऊन जाणारे वाहन वाहून गेले. यात सहा जवानांचा मृत्यू झाला.


इतर ताज्या घडामोडी
नागपूर जिल्ह्यात मोठा आणि तान्हा पोळा...नागपूर : कोरोनाच्या वाढत्या संसर्गामुळे...
औरंगाबाद जिल्ह्यात शेतकऱ्यांना ८५००...औरंगाबाद :  जिल्ह्यातील ९६३ शेतकऱ्यांकडून...
मराठवाड्यात सुमारे ४७ लाख हेक्टरवर खरीपऔरंगाबाद : मराठवाड्यातील खरिपाचे सर्वसाधारण...
खानदेशात तीन दिवसांपासून भिज पाऊसजळगाव  ः खानदेशात मागील तीन दिवसांपासून भिज...
अमळनेरमध्ये रासायनिक खतांचा वापर वाढलावावडे, जि. जळगाव  : अमळनेर तालुक्यात जवळपास...
खडकवासलातून ११ हजार ७३५ क्युसेक विसर्गपुणे : खडकवासला धरणातून बुधवार (ता. १२) पासून...
सातपुड्यात मूगाच्या नुकसानीची शक्यताजळगाव  ः खानदेशात सातपुडा पर्वत भागात पाऊस...
गडचिरोलीत युरियाची कृत्रिम टंचाईगडचिरोली : जिल्ह्यात दोन महिन्यानंतर बरसलेल्या...
परभणीत बँकांचे उंबरठे झिजवून...परभणी : यंदा खरीप हंगामात जिल्ह्यातील बॅंका...
मुंगळा परिसरात रानडुकरांचा धुडगूसमुंगळा जि. वाशीम ः चांगल्या पावसामुळे यंदा या...
‘रासाका’ सुरू करा, अन्यथा उपोषण’नाशिक : यंदाचा ऊस गाळप हंगाम ऑक्टोबर महिन्यापासून...
एफआरपी थकविणाऱ्या कारखान्यांवर कारवाई...नांदेड ः प्रादेशिक साखर सहसंचालक कार्यालया...
वणी उपविभागातील शेतकऱ्यांना विमा...यवतमाळ : पीक विमा काढल्यानंतरही ही गेल्या तीन...
वाढीव वीज बिले कमी न केल्यास आंदोलन...सोलापूर  ः लॉकडाऊनच्या काळात जिल्ह्यातील...
बुलडाणा जिल्ह्यात शेततळ्यांचे अनुदान...बुलडाणा ः या वर्षात शेततळे खोदलेल्या शेतकऱ्यांना...
सोलापूर जिल्ह्यात उसावर ‘हुमणी’चा...सोलापूर  : जिल्ह्यात खरिपातील मूग, उडदावर...
राधानगरीतून २८०० क्युसेक विसर्गकोल्हापूर : जिल्ह्याच्या पश्चिम भागात पावसाचा जोर...
सांगली जिल्ह्यात तुरीच्या पेरणी...सांगली : जिल्ह्यात गतवर्षी परतीचा झालेला पाऊस आणि...
मका बनले नाशिक जिल्ह्यातील प्रमुख पीकयेवला : कांद्याचा अन् द्राक्षाचा जिल्हा अशी...
रत्नागिरीत मत्स्य शेतीकडे छोट्या...रत्नागिरी : मत्स्य व्यवसाय विभागाला लाखोंचे...