agriculture news in Marathi, Rain decreases in Varhad Region | Agrowon

वऱ्हाडात पावसाचा जोर ओसरला
टीम अॅग्रोवन
गुरुवार, 23 ऑगस्ट 2018

अकोला  ः वऱ्हाडात मागील अाठ दिवसांपासून सक्रिय झालेल्या पावसाचा जोर बुधवारी सकाळपर्यंतच्या २४ तासांत कमी झाला अाहे. तीनही जिल्ह्यात ठिकठिकाणी पावसाने हजेरी लावली असली तरी त्याचे प्रमाण कमी झाले अाहे. ढगाळ वातावरण कायम अाहे. बुधवारी सकाळपर्यंतच्या २४ तासांत अकोला जिल्ह्यात १६.३, बुलडाणा जिल्ह्यात ११.९ तर वाशीममध्ये १५.५ मिमी पावसाची नोंद झाली अाहे.    

अकोला  ः वऱ्हाडात मागील अाठ दिवसांपासून सक्रिय झालेल्या पावसाचा जोर बुधवारी सकाळपर्यंतच्या २४ तासांत कमी झाला अाहे. तीनही जिल्ह्यात ठिकठिकाणी पावसाने हजेरी लावली असली तरी त्याचे प्रमाण कमी झाले अाहे. ढगाळ वातावरण कायम अाहे. बुधवारी सकाळपर्यंतच्या २४ तासांत अकोला जिल्ह्यात १६.३, बुलडाणा जिल्ह्यात ११.९ तर वाशीममध्ये १५.५ मिमी पावसाची नोंद झाली अाहे.    

गेल्या अाठ दिवसात पावसाने सर्वत्र जोरदार हजेरी लावली. सर्वत्र कमी-अधिक प्रमाणात पाऊस पडला. मंगळवारी (ता.२१) सुद्धा पाऊस झाला. बुधवारी (ता.२२) ढगाळ वातावरण थोडे कमी झाले. संततधार पावसाने या भागातील प्रकल्पांमधील पाणीसाठा वाढण्यास मदत झाली. सखल भागातील पिकांमध्ये अनेक ठिकाणी अद्यापही पाणी साचलेले अाहे. सततच्या पावसामुळे तोडणीला अालेल्या मुगाच्या शेंगांचे नुकसान झाले. काही ठिकाणी शेंगामध्ये कोंब बाहेर येण्याची शक्यता वाढली होती.

या मोसमात बुलडाणा जिल्ह्यात अातापर्यंत कमी पाऊस झाल्याने चिंताजनक स्थिती होती. परंतु या अाठवड्यात पावसाची तूट भरून निघाली.  अकोला जिल्ह्यांतील प्रकल्पांना तर पावसाचा सर्वाधिक लाभ झाला. मूर्तिजापूर तालुक्यातील ३४४ दलघमी एकूण क्षमता असलेला उमा प्रकल्प तुडुंब भरला. यातून पाण्याचा विसर्ग सध्या सुरू अाहे.  याच जिल्ह्यातील वान प्रकल्पातील पाणीसाठा ८० टक्क्यांपर्यंत पोचला असून सातपुड्यातून सातत्याने पाण्याची अावक होत असल्याने पाण्याचा विसर्ग केला जाणार अाहे. नदीकाठावरील गावांना सतर्कतेचा इशारा देण्यात अाला अाहे. या प्रकल्पात सध्या ६५.४७ दलघमी पाणीसाठा अाहे.

काटेपूर्णा प्रकल्पातील पाणीसाठा ७४ टक्क्यांवर पोचला आहे. या प्रकल्पात सध्या ६३.३७३ दलघमी साठा अाहे. वाशीममधील बहुतांश मध्यम व लघू प्रकल्पातील पाणीसाठा वेगाने वाढत अाहे.  बुधवारी पावसाने उघडीप दिली असल्याने जनजीवन पूर्वपदावर अाले. शेतांमधील कामे मात्र पूर्णतः ठप्पच अाहेत.

इतर ताज्या घडामोडी
तातडीने पंचनामे पूर्ण करून अहवाल...बुलडाणा : जिल्ह्यात झालेल्या मुसळधार अवकाळी व...
काढणीपश्चात नुकसान टाळण्यासाठी...फळे आणि भाजीपाल्याची टिकवण क्षमता वाढविण्यासाठी...
भात, नागली पिकांचे ११ हजार हेक्टरवर...रत्नागिरी ः क्यार वादळाच्या प्रभावामुळे झालेल्या...
वैयक्तिक कौशल्य विकास प्रशिक्षणाचे...अकोला ः केंद्र शासन पुरस्कृत पंतप्रधान कौशल्य...
नागपूर : रिक्‍त पदांमुळे वाढली कृषी...नागपूर ः मॉन्सूनोत्तर पावसामुळे झालेल्या...
नाशिक : रब्बी हंगामाच्या क्षेत्रात ३०...येसगाव, जि. नाशिक ः दमदार पावसामुळे गाव व परिसरात...
बियाणे कंपन्यांचे हित जपण्यासाठीच...यवतमाळ ः केंद्र सरकार बियाणे अधिनियमात सुधारणा...
सातारा : पंचनाम्याचा फेरा नको; सरसकट...सातारा  ः जिल्ह्यात पावसाने अक्षरश: थैमान...
तीन जिल्ह्यांतील शेतकऱ्यांना तारण...नांदेड  ः  २०१८-१९ या वर्षात शेतीमाल...
भाजप सत्ता स्थापन करणार नाही :...मुंबई  : आम्हाला सरकार स्थापनेसाठी निमंत्रण...
श्रीगोंदे तालुक्यात पिके गेली; पण...श्रीगोंदे, जि. नगर  : श्रीगोंदा तालुक्यात...
परभणी, हिंगोली जिल्ह्यांत ६१४ क्विंटल...नांदेड : नांदेड, परभणी, हिंगोली जिल्ह्यात किंमत...
`ऊस उत्पादकांवरील अन्याय सहन करणार नाही`कोल्हापूर  ः पूरग्रस्त शेतकऱ्यांच्या नुकसान...
गुलटेकडीत फ्लॉवर, वांगी, गाजराच्या दरात...पुणे ः गुलटेकडी येथील कृषी उत्पन्न बाजार...
वनस्पतींच्या संरक्षणामध्ये कार्यरत...वनस्पतीच्या मुळांमध्ये राहत असलेल्या...
‘एसआरटी’द्वारे कमी पाण्यात अधिक उत्पादन...औरंगाबाद : ‘‘ एसआरटी तंत्रज्ञानाद्वारे जमिनीची...
सांगली जिल्ह्यातील दुष्काळी पट्ट्यातील...सांगली : जिल्ह्यात मॉन्सूनोत्तर पाऊस दमदार झाला....
‘स्वाभिमानी’च्या आंदोलनामुळे विम्याचे...सोलापूर : मंगळवेढा तालुक्‍यातील शेतकऱ्यांचे...
सिंचन विहिरींसाठी त्रास झाल्यास करा...यवतमाळ  ः डॉ. बाबासाहेब आंबेडकर कृषी...
अकोला जिल्ह्यात ३.८४ लाख हेक्टरला...अकोला  ः गेल्या महिन्यात झालेल्या सततचा पाऊस...