agriculture news in marathi, Rain deficiency in most places in Marathwada | Agrowon

मराठवाड्यात बहुतांश ठिकाणी पावसाची हुलकावणी
टीम अॅग्रोवन
बुधवार, 11 जुलै 2018

औरंगाबाद : दोन ते तीन जिल्ह्यांतील काही मंडळांचा अपवाद वगळता मराठवाड्यात सार्वत्रिक पावसाचे हुलकावणी सत्र सुरूच आहे. त्यामुळे अपवादात्मक ठिकाणी अतिजोरदार तर कुठे नजरा कायम आकाशाकडे होत्या. यामुळे अपवाद वगळता नुसते ढगाळ वातावरण अनुभवण्याचा योग मराठवाड्यातील बहुतांश भागातील शेतकऱ्यांवर आला आहे.

औरंगाबाद : दोन ते तीन जिल्ह्यांतील काही मंडळांचा अपवाद वगळता मराठवाड्यात सार्वत्रिक पावसाचे हुलकावणी सत्र सुरूच आहे. त्यामुळे अपवादात्मक ठिकाणी अतिजोरदार तर कुठे नजरा कायम आकाशाकडे होत्या. यामुळे अपवाद वगळता नुसते ढगाळ वातावरण अनुभवण्याचा योग मराठवाड्यातील बहुतांश भागातील शेतकऱ्यांवर आला आहे.

दोन दिवसांपूर्वी पाऊस जोरदार बरसेल असा वाटणारा पाऊस नांदेड, हिंगोली जिल्ह्यासह परभणी, उस्मानाबाद, लातूर, बीडमधील काही भागांत थोडा बरा बरसला. औरंगाबाद शहराचा आसपासचा भाग वगळता औरंगाबाद जिल्ह्यावर पावसाची अवकृपा कायमच असल्याचे चित्र आहे. पाऊस येईल या आशेवर पेरणीयोग्य असो वा नसो पेरणी करणाऱ्यांची संख्याही बऱ्यापैकी असल्याने पेरणीचा टक्‍का जास्त दिसतो आहे. त्यामुळे पेरणी झालेल्यांच्या व न झालेल्यांच्याही नजरा आकाशाकडे लागल्या आहेत. पावसाच्या महसुली आकडेवारीनुसार मराठवाड्यात १० जुलैपर्यंत एकूण पडणाऱ्या वार्षिक पावसाच्या तुलनेत २०९.६४ मिलिमीटर पाऊस पडणे अपेक्षित होते. प्रत्यक्षात २२२.४२ मिलिमीटर पाऊस पडला. तसे पाहता अपेक्षित पावसाच्या तुलनेत पडलेल्या पावसाचे सरासरी प्रमाण १०६ टक्‍के जास्त दिसते. तर वार्षिक सरासरीच्या तुलनेत मात्र केवळ २८ टक्‍केच पाऊस पडला आहे.

औरंगाबाद जिल्ह्यात औरंगाबाद तालुक्‍याचा अपवाद वगळता अजून अपेक्षापूर्ती केली नाही. सिल्लोड (५८.८ टक्‍के), गंगापूर (५३.२ टक्‍के) व कन्नड (५६.५ टक्‍के) तालुक्‍यांत तर अपेक्षित पावसाच्या तुलनेत साठ टक्‍केही पाऊस झाला नाही. दुसरीकडे खुल्ताबाद (४६.६ टक्‍के) तालुक्‍यात पडलेला पाऊस, तर पावसाच्या लहरीपणाची साक्षच आहे. जालना जिल्ह्यातील आठपैकी एकाही तालुक्‍यात आजवर अपेक्षित पावसाचा टक्‍का एकाही तालुक्‍यात पार नाही. जाफ्राबाद (४२.३ टक्‍के) अपेक्षेच्या तुलनेत पडलेला पाऊस त्या तालुक्‍यातील पेरणी, पिकं आणि शेतकऱ्यांची अवस्था स्पष्ट करतो आहे.

जूनमध्ये मध्यान्हात पडलेल्या मोठ्या पावसानंतर मोठा पाऊसच नायं, उगी भुरभुर येती. ढगाळ वातावरण असल्यानं पिकं तगून हायेत.
- ज्ञानोबा तिडके, शेतकरी, पांगरी, ता. परळी वैजनाथ, जि. बीड.

पाऊस फक्‍त बरा म्हणता येईल समाधानकारक नाहीच.
- शेतकरी, साष्ट पिंपळगाव, जि. जालना.

इतर ताज्या घडामोडी
पुण्यात टोमॅटो, फ्लॉवरची आवक कमी; दरात...पुणे ः गुलटेकडी येथील कृषी उत्पन्न बाजार...
अमेरिकन लष्करी अळीविषयी जागृती,...मक्यावरील लष्करी अळी (शा. नाव - स्पोडोप्टेरा...
संजीवकांचा वापर संतुलितपणेच व्हावानाशिक : द्राक्षबागेत आवश्यकतेनुसार रासायनिक...
‘महावितरण’कडून शेतकऱ्यांना अंदाजपंचे...नाशिक : अंबड परिसरात महावितरणकडून कृषी पंपाचे...
खरीप पीकविमा योजनेत शेतकऱ्यांचा सहभाग...जळगाव ः जिल्ह्यात खरिपातील पीकविमा योजनेला चांगला...
खानदेशातील अनेक सिंचन प्रकल्प भरलेजळगाव ः खानदेशातील अवर्षणप्रवण भागातील काही...
निष्पक्ष निवडणुकीसाठी यंत्रणा सज्जअकोला ः विधानसभा निवडणुकीच्‍या अनुषंगाने जिल्‍हा...
मेळघाटातील शेतकऱ्यांना जाणून घ्यायचेय...औरंगाबाद : मेळघाटातील शेतकरी मराठवाडा आणि...
निकृष्ट बंधाऱ्याप्रकरणी तिघांवर गुन्हे...गडचिरोली ः चार महिन्यांपूर्वी बांधण्यात...
अनुदानावरील पशुखाद्य पुरवठ्यासाठी उद्या...नागपूर ः पशुखाद्याच्या तुटवड्यामुळे अडचणीत...
पूर्वहंगामी कापूस पिकाला पावसाचा फटकाजळगाव ः खानदेशातील पूर्वहंगामी कापूस पिकाला सततचा...
रयतच्या योगदानातून इतिहास घडेल ः शरद...सातारा: त्यागाचा विचार तत्कालीन पिढीत घडविण्यात...
सरकार सातत्याने शेतकरी विरोधी भूमिका...नगर  ः दोन वेळचा घास भरवणाऱ्या...
साहित्य संमेलनाच्या अध्यक्षपदी दिब्रिटो...लातूर :  उस्मानाबाद येथे होणाऱ्या आगामी...
केळीच्या पिल बागेतील सिगाटोका रोगाचे...केळी पिकावर दरवर्षी पिवळा करपा म्हणजेच ‘सिगाटोका...
गव्हावरील किडीच्या नियंत्रणासाठी सहजीवी...मोंटाना राज्य विद्यापीठातील कृषी महाविद्यालयातील...
साताऱ्यातील तीन तालुक्यांत पाणीटंचाई...सातारा : गेल्या दोन दिवसांत माण, खटाव, फलटण या...
चाळीसगाव तालुक्‍यात अद्यापही टॅंकर सुरूचजळगाव  ः जिल्ह्यात यंदा पावसाने नाबाद ११५.५...
पुणे जिल्ह्यात अतिवृष्टीमुळे ४२ कोटींचे...पुणे : गेल्या जुलै व ऑगस्ट महिन्यांत...
नाशिक जिल्ह्यात लाल कांद्याची लागवड...नाशिक  : महाराष्ट्रात होणारी खरीप कांद्याची...