agriculture news in Marathi, rain deficit in 17 districts in state, Maharashtra | Agrowon

सतरा जिल्ह्यांत पावसाची दडी

टीम अॅग्रोवन
मंगळवार, 30 जुलै 2019

पुणे : कोकणसह, मध्य महाराष्ट्राच्या पश्चिम भागात दमदार बरसणाऱ्या पावसाने अद्यापही विदर्भ, मराठवाड्यात ओढ दिली आहे. जुलै महिना उलटून, निम्मा पावसाळा संपत आला. तरीही अद्याप राज्याच्या अनेक भागांत पावसाने दडी मारली आहे. २८ जुलैपर्यंत विदर्भ, मराठवाड्यातील १७ जिल्ह्यांमध्ये अपुरा पाऊस झाला आहे. तर ६ जिल्ह्यांत पावसाने कशीबशी सरासरी गाठली आहे. तालुकानिहाय पावसाचा विचार करता विदर्भ, मराठवाड्यासह मध्य महाराष्ट्रातील पूर्वेकडील तालुक्यात पावसाची ओढ असल्याचे दिसून येते.

पुणे : कोकणसह, मध्य महाराष्ट्राच्या पश्चिम भागात दमदार बरसणाऱ्या पावसाने अद्यापही विदर्भ, मराठवाड्यात ओढ दिली आहे. जुलै महिना उलटून, निम्मा पावसाळा संपत आला. तरीही अद्याप राज्याच्या अनेक भागांत पावसाने दडी मारली आहे. २८ जुलैपर्यंत विदर्भ, मराठवाड्यातील १७ जिल्ह्यांमध्ये अपुरा पाऊस झाला आहे. तर ६ जिल्ह्यांत पावसाने कशीबशी सरासरी गाठली आहे. तालुकानिहाय पावसाचा विचार करता विदर्भ, मराठवाड्यासह मध्य महाराष्ट्रातील पूर्वेकडील तालुक्यात पावसाची ओढ असल्याचे दिसून येते.

मुंबईसह कोकणात पावसाने तडाखा दिल्याने धरणे ओव्हरफ्लो झाली. अनेक ठिकाणी पूरस्थितीचा सामना करावा लागला. तर मध्य महाराष्ट्रात घाटमाथ्यालगत असलेल्या जिल्ह्याच्या पश्चिम भागात पडलेल्या पावसामुळे या जिल्ह्यांची सरासरी भरून निघाली. धरणांच्या पाणलोटात झालेल्या पावसाने काही धरणांतून पाण्याचा विसर्ग करण्यात येत आहे. मात्र, मराठवाड्यासह, विदर्भातील अनेक धरणे अद्यापही तळशीच आहेत. थोड्याफार पावसाने खरीप पिकांना जीवदान दिले असले तरी, काही ठिकाणी दुबार पेरणीचे संकट ओढविण्याची भीती आहे.

हवामान विभागाकडील नोंदीनुसार पुणे जिल्ह्यात सर्वाधिक पाऊस पडला असून, तेथे सरासरीपेक्षा ८२ टक्के अधिक पावसाची नोंद झाली आहे. तर विदर्भातील यवतमाळ जिल्ह्यात सर्वात कमी म्हणजेच सरासरीच्या तुलनेत उणे ५२ टक्के पाऊस पडला आहे. ठाणे, रायगड, पालघर आणि नाशिक जिल्ह्यात पावसाने सरासरीपेक्षा अधिक पाऊस झाला आहे. तर रत्नागिरी, सिंधुदुर्ग, कोल्हापूर, सातारा, नगर, धुळे जिल्ह्यांत पावसाने कशीबशी सरासरी ओलांडली आहे. जळगाव, नंदूरबार, सांगली, औरंगाबाद, बुलडाणा, नागपूर जिल्ह्यांत पावसाने कशीबशी सरासरी गाठली आहे.

पावसाने ओढ दिलेले जिल्हे, कंसात सरासरीच्या तुलनेत तफावत (टक्के) :
सोलापूर (-४२), जालना (-२३), बीड (-४२), उस्मानाबाद (-३०), परभणी (-३५), लातूर (-३८), हिंगोली (-३५), नांदेड (-३३), अकोला (-२२), अमरावती (-३१), वाशीम (-४०), यवतमाळ (-५२), वर्धा (-२८), चंद्रपूर (-३१), भंडारा (-३८), गोंदिया (-४०), गडचिरोली (-३१).


इतर अॅग्रो विशेष
नैसर्गिक नव्हे, सेंद्रिय शेतीची धरा काससुभाष पाळेकरांच्या पद्धतीनुसार बाह्य निविष्ठा...
जलयुक्त फेल, पुढे काय?उद्धव ठाकरे यांनी मुख्यमंत्रिपदाची सूत्रे हाती...
ऊस उत्पादकता २५० टनांपर्यंत न्यावीच...पुणे : देशातील ऊस उत्पादकता एकरी शंभर टन...
कर्जमाफीसाठी आकस्मिकता निधीतून दहा हजार...मुंबई : शेतकऱ्यांच्या कर्जमाफीसाठी राज्य सरकारने...
पीकविमा हप्त्यापोटी पाचशे कोटी वितरणास...मुंबई ः पंतप्रधान पीकविमा योजना खरीप हंगाम २०१९...
मोसंबी क्लटरमध्ये शाश्‍वत उत्पादन,...औरंगाबाद : मोसंबी उत्पादकांसाठी उत्पन्नाची...
डाळिंब उत्पादनात ३० टक्के घटसांगली ः सुरुवातीला दुष्काळी परिस्थिती, त्यानंतर...
कोरोनाच्या अफवेमुळे पोल्ट्रीचे १५०...पुणे : कुक्कुट पक्षी व कुक्कुट उत्पादने यांचा...
प्रयोगशील शेतीच्या आधारे चिंचवलीने...पारंपरिक भातशेतीत बदल करून ऊसशेती व त्यास...
कहर ‘कोरोना’चाकोरोना विषाणूच्या वाढत्या उद्रेकाने जगभर दहशतीचे...
नदी संवर्धनाचा केरळचा आदर्शकेरळ हे भारताच्या दक्षिण टोकाचे एक राज्य. अरबी...
शेतमजुराच्या मुलीने पटकावला ‘शिवछत्रपती...अकोला ः प्रबळ इच्छाशक्तीच्या जोरावर एका खेड्यातील...
साडेआठ हजार कोटी खर्चूनही 'जलयुक्त' फेल...मुंबई : फडणवीस सरकारची महत्त्वाकांक्षी जलयुक्त...
पीक विमा योजना यापुढे ऐच्छिक; केंद्र...नवी दिल्ली : केंद्र सरकारने शेतकऱ्यांना दिलासा...
राज्यात तापमानात चढ-उतार शक्यपुणे : राज्याच्या कमाल आणि किमान तापमानात वाढ...
सेंद्रिय धान्य महोत्सवातून हक्काची...तीन-चार वर्षांपासून कृषी विभागातर्फे पुणे येथे...
प्रयोगशीलतेने घडविली समृद्धी..अवर्षणग्रस्त कर्जत तालुक्यातील पाटेगाव (जि. नगर)...
राज्यासह देशात शिवजयंती उत्साहात साजरीपुणे : महाराष्ट्राचे आराध्य दैवत छत्रपती शिवाजी...
शिवरायांची भविष्यवेधी ध्येयधोरणेछत्रपती शिवाजी महाराजांच्या रूपाने रयतेचा राजा...
आपणच आपला करावा उद्धारशेती फायद्याची करायची असेल, तर शेतकऱ्यांनी एकत्र...