agriculture news in marathi, rain in district, pune, maharashtra | Agrowon

पुणे जिल्ह्यातील पूर्व भागात पावसाची हजेरी

टीम अॅग्रोवन
रविवार, 21 जुलै 2019

पुणे  : जवळपास आठवडाभराच्या विश्रांतीनंतर पावसाला सुरवात झाली आहे. जिल्ह्याच्या पूर्व भागात असलेल्या बारामती, इंदापूर, दौंड, पुरंदर, शिरूर, जुन्नर या तालुक्यांच्या कोरडवाहू पट्ट्यात शुक्रवारी दुपारनंतर मेघगर्जना, विजांसह पावसाने हजेरी लावली. शिरूर येथे सर्वाधिक १२० मिमी तर बारामती आणि इंदापूर तालुक्यांत काही ठिकाणी अतिवृष्टी झाली. पावसाने दडी मारल्यामुळे संकटात सापडलेल्या खरीप पिकांना या पावसामुळे दिलासा मिळाला आहे. 

पुणे  : जवळपास आठवडाभराच्या विश्रांतीनंतर पावसाला सुरवात झाली आहे. जिल्ह्याच्या पूर्व भागात असलेल्या बारामती, इंदापूर, दौंड, पुरंदर, शिरूर, जुन्नर या तालुक्यांच्या कोरडवाहू पट्ट्यात शुक्रवारी दुपारनंतर मेघगर्जना, विजांसह पावसाने हजेरी लावली. शिरूर येथे सर्वाधिक १२० मिमी तर बारामती आणि इंदापूर तालुक्यांत काही ठिकाणी अतिवृष्टी झाली. पावसाने दडी मारल्यामुळे संकटात सापडलेल्या खरीप पिकांना या पावसामुळे दिलासा मिळाला आहे. 

पूर्व भागातील तालुक्यांना जोरदार पावसाची प्रतीक्षा होती. शुक्रवारी सकाळपासून असलेल्या उन्हाच्या चटक्याने उकाड्यात वाढ झाली. दुपारनंतर मेघगर्जना, विजांसह जोरदार पावसाला सुरवात झाली.बारामती, इंदापूर तालुक्यांत सर्वदूर चांगला पाऊस पडला. बारामती तालुक्यातील बारामती शहर, माळेगाव, पनदरे, वडगाव, लोणी भापकर, इंदापुरातील सणसर येथे अतिवृष्टीची नोंद झाली. शिरूर आणि जुन्नर, पुरंदर तालुक्यांतही पावसाने दिलासा दिला. 

शनिवारी (ता. २०) सकाळी साडेआठ वाजेपर्यंतच्या २४ तासांमध्ये पडलेला पाऊस (मिमी) : (स्रोत - महसूल विभाग) : थेऊर २६, थेरगाव ३५, किकवी ५२, वडगाव आनंद ३७, निमगाव सावा ४७, बेल्हे २७, आळंदी ३०, रांजणगाव १२०, कोरेगाव २३, बारामती ८०, माळेगाव ७६, पनदरे ९५, वडगाव ९०, लोणी भापकर ८९, सुपा ४५, लोणी ३५, बावडा २६, काटी ३३, निमगाव केतकी ३५, सणसर ७७, केडगाव २५, दौंड ३६.
 
खडकवासला प्रकल्पात ५१ टक्के पाणीसाठा
पुणे शहरासह  हवेली, दौंड, इंदापूर या तालुक्यांना पिण्याच्या व शेतीच्या पाण्याचा पुरवठा करणाऱ्या खडकवासला प्रकल्पातील चारही धरणांमध्ये शनिवारी १४.८१ टीएमसी (५१ टक्के) पाणीसाठा झाला आहे. खडकवासला धरणात १.६१ टीएमसी, पानशेतमध्ये ५.९६ टीएमसी, वरसगावमध्ये ५.७४ टीएमसी, आणि टेमघर धरणात १.५० टीएमसी पाणीसाठा झाला आहे. गतवर्षीपेक्षा यंदा प्रकल्पात २५ टक्के कमी पाणीसाठा आहे. गेल्यावर्षी धरणांमध्ये २२.०४ टीमएसी (७६ टक्के) पाणी जमा झाले होते.


इतर ताज्या घडामोडी
जगभरातील बाधितांची संख्या १५ लाखांवरन्यूयॉर्क : जगभरातील १९२ देशांमध्ये फैलाव...
कोरोनावर आता प्लाझ्मा थेरपीची मात्रा;...तिरुअनंतपुरम : केरळमध्ये आता कोरोनाच्या...
जत पूर्व भागात दुष्काळाच्या झळा वाढल्या सांगली : जत पूर्व भागात दुष्काळाच्या  ...
औरंगाबादमध्ये सव्वा लाख किलोवर फळे,...औरंगाबाद : कृषी विभागाद्वारे शेतकरी ते ग्राहक थेट...
सोलापूर जिल्ह्यात कृषी सेवा केंद्रांची...सोलापूर : कोरोना विषाणूच्या पार्श्वभूमीवर...
उस्मानाबाद जिल्ह्यात साडेचार हजार...उस्मानाबाद : जिल्ह्यातील ११ हमी दर खरेदी...
परभणीत पणन महासंघ, सीसीआयसह खासगी कापूस...परभणी : लॅाकडाऊनमुळे राज्य कापूस उत्पादक सहकारी...
येवल्यात द्राक्षांची 'उत्पादक ते ग्राहक...नाशिक : ‘कोरोना’चा प्रादुर्भाव कमी होण्यासाठी...
सूचनांचे पालन न केल्यास पाच हजारांचा दंडपुणे ः सध्या सर्वत्र ‘कोरोना’ विषाणू संसर्गाचे...
खेडमध्ये दोन रेशन दुकानदारांचे परवाने...पुणे  ः नागरिकांनी केलेल्या तक्रारीनंतर रेशन...
मानके, दहीकुटे गावात महिला बचत...नाशिक : कोरोना विषाणूचा प्रादुर्भाव रोखण्यासाठी...
सोशल मीडिया ठरला शेतकऱ्यांसाठी 'डिजिटल...श्रीरामपूर, जि. यवतमाळ ः ‘कोरोना’ विषाणूचा...
नगर जिल्ह्यात ४६ हजार टन अन्नधान्याचे...नगर : ‘कोरोना’च्या पार्श्वभूमीवर सुरू असलेल्या...
वर्षभरात गांधी आश्रमाकडे वळली दीड लाख...वर्धा ः महात्मा गांधी यांच्या वास्तव्याने पावन...
साताऱ्यात जीवनावश्यक वस्तूंच्या...सातारा : ‘कोरोना’ संसर्ग संचारबंदीच्या काळात...
जनावरांच्या जैवसुरक्षेबाबत जागरूक रहाजनावरांना आजाराचा प्रादुर्भाव झाल्यानंतर उपचाराचा...
ग्रामविकासातील अडथळेकेंद्र आणि राज्य शासनाच्या विविध योजना आहेत....
राज्यात २३ लाख क्विंटल अन्नधान्याचे वाटपमुंबई : कोरोनाच्या पार्श्वभूमीवर सुरू असलेल्या...
कोरोनाच्या जनुकीय आराखड्यासाठी प्रयत्न...नवी दिल्ली : ‘कोविड -१९' (कोरोना) विषाणूचा जनुकीय...
...अन् तामिळनाडूत महाराष्ट्रातील ऊसतोड...नवी दिल्ली : पोटाची खळगी भरण्यासाठी थेट...