नांदेड, परभणीत पावसाच्या सरी

नांदेड : नांदेड, परभणी जिल्ह्यातील ४२ मंडळांत सोमवारी (ता. १२) सकाळी आठपर्यंतच्या २४ तासांत हलका ते मध्यम पाऊस झाला.

गेल्या दोन तीन दिवसांपासून नांदेड, परभणी, हिंगोली जिल्ह्यातील पावसाचा ओसरला आहे. तुरळक ठिकाणी पाऊस पाऊस होत आहे. बहुतांश भागात पावसाने उघडीप दिल्यामुळे आंतरमशागती, फवारणीची कामे सुरू आहेत. कमी पाऊस झालेल्या भागातील ओढे, नाले, नद्या अद्याप प्रवाहित नाहीत. विहिरी, कूपनलिकेच्या पाणी पातळीत वाढ झालेली नाही. त्यासाठी मोठ्या पावसाची गरज आहे.

नांदेड जिल्ह्यातील नांदेड, मुदखेड, अर्धापूर, भोकर, उमरी, लोहा, किनवट, माहूर, देगलूर, बिलोली, नायगाव, मुखेड या १२ तालुक्यांतील ३३ मंडळामध्ये हलका ते मध्यम पाऊस झाला. परभणी जिल्ह्यातील परभणी, जिंतूर, गंगाखेड, पालम, पूर्णा या पाच तालुक्यांतील ९ मंडळांत हलका ते मध्यम पाऊस झाला.

मंडळनिहाय पाऊस