नांदेड, परभणी, हिंगोलीत पाऊस

नांदेड : नांदेड, परभणी, हिंगोली जिल्ह्यातील ९८ मंडळांत शनिवारी (ता.२२) सकाळी आठपर्यंतच्या २४ तासांत हलका ते जोरदार पाऊस झाला. अनेक दिवसांच्या खंडानंतर पाऊस आल्याने शेतकऱ्यांना दिलासा मिळाला. या आधीच्या पावसात लागवड केलेल्या कपाशीच्या पिकाला या पावसाचा फायदा होणार आहे. खरिपाच्या रखडलेल्या पेरण्या सुरू होण्यासाठी जोरदार पावसाची गरज आहे.

नांदेड जिल्ह्यतील नांदेड, मुदखेड, अर्धापूर, भोकर, उमरी, किनवट, माहूर, हदगाव, हिमायतनगर, देगलूर, बिलोली, धर्माबाद, नायगाव, मुखेड या चौदा तालुक्यांतील ४३ मंडळांत हलका ते मध्यम पाऊस झाला. परभणी जिल्ह्यातील परभणी, जिंतूर, सेलू, मानवत, पाथरी, सोनपेठ, गंगाखेड, पूर्णा या आठ तालुक्यांतील ३५ मंडळांत मध्यम ते जोरदार पाऊस झाला. हिंगोली जिल्ह्यातील हिंगोली, कळमनुरी, वसमत, औंढानागनाथ, सेनगाव तालुक्यातील २१ मंडळांमध्ये हलका ते मध्यम पाऊस झाला.

मंडळनिहाय पाऊस (मिमीमध्ये)