नांदेड, परभणी, हिंगोली जिल्ह्यात पाऊस

नांदेड : नांदेड, परभणी, हिंगोली जिल्ह्यातील ११८ मंडळांमध्ये सोमवारी (ता.१) सकाळी आठपर्यंतच्या २४ तासांमध्ये वादळी वाऱ्यासह हलका ते जोरदार पाऊस झाला. वादळामुळे फळझाडे मुळासकट उपटून पडल्याने शेतकऱ्यांचे नुकसान झाले. विजेचे खांब मोडल्याने अनेक गावांचा, कृषी पंपाचा वीजपुरवठा खंडित झाला. 

नांदेड जिल्ह्यातील नांदेड, अर्धापूर, मुदखेड, हदगाव, माहूर, किनवट, हिमायतनगर, भोकर, नायगाव, मुखेड, कंधार, लोहा तालुक्यातील ५३ मंडळांमध्ये हलका ते जोरदार पाऊस झाला. परभणी जिल्ह्यातील ३९ मंडळांमध्ये हलका ते जोरदार पाऊस झाला. सेलू,मानवत, पाथरी,गंगाखेड तालुक्यातील अनेक मंडळात जोरदार पाऊस झाला. अनेक मडंळात वादळी वाऱ्यामुळे फळझाडे मुळासकट उपटून पडली. हिंगोली जिल्ह्यातील २४ मंडळामध्ये हलका ते जोरदार पाऊस झाला. 

मंडळनिहाय पाऊस (मिलीमीटरमध्ये) नांदेड जिल्हा ः नांदेड शहर ६,नांदेड ग्रामीण ७,तुप्पा ३, विष्णुपुरी ८, वसरणी ४, वजीराबाद ६, तरोडा ८, लिंबगाव १०, अर्धापूर ५, मालेगाव १२, बारड ५, मुगट ४, हदगाव २, तामसा २, मनाठा ५, पिंपरखेड ५, निवघा ३१, तळणी ३४, आष्टी १५, माहूर ७, वाई ३, सिंदखेड ४, वानोळा ३, किनवट ५, दहेली १, जलधारा २, शिवणी २, हिमायतनगर ७, जवळगाव ८, भोकर १५, किनी २४, मोगाली ६, मातुल ६, नरसी ३, मांजरम ३, कुंटूर ३, मुखेड ५, जांब ४, येवती १५, जाहूर ९, चांडोळा ८, मुक्रमाबाद २, कंधार ६, कुरुला ३, उस्माननगर ३, बारुळ २, फुलवळ ३०, लोहा २९, माळाकोळी २७, कलंबर ७, शेवडी १४, कापसी २, सोनखेड २. 

परभणी जिल्हा ः परभणी शहर १०, परभणी ग्रामीण ९, सिंगणापूर १४, दैठणा २१, झरी २४, पेडगाव १०, पिंगळी ४, जांब २१, जिंतूर ०.८, सावंगी म्हाळसा ५, बोरी ८, चारठाणा ६, आडगाव ११, बामणी ८,सेलू १३,देऊळगाव १०,कुपटा २१, वालूर २७, चिकलठाणा २७, मानवत ४, केकरजवळा १२, कोल्हा २२, पाथरी ४५, बाभळगाव ४२, हादगाव ४०, सोनपेठ १०, आवलगाव ८, गंगाखेड ३४,राणीसावरगाव ८, माखणी १२, महातपुरी १४,पालम १२,चाटोरी २७, बनवस १२, पूर्णा १२,ताडकळस २२,चुडावा २८,लिमला १६,कात्नेश्वर ७. 

हिंगोली जिल्हा ः हिंगोली २, खंबाळा २, माळहिवरा १०, सिरसम २३,बासंबा २,नरसी नामदेव २, कळमनुरी ५,नांदापूर २,आखाडा बाळापूर १०, डोंगरकडा १,वारंगा फाटा २,वाकोडी २२,वसमत ८,हट्टा १४,गिरगाव ८, कुरुंदा ९, टेंभुर्णी ७,आंबा १०,हयातनगर २,औंढा नागनाथ ७,जवळा बाजार ९, येळेगाव ८,साळणा ९,पानकनेरगाव ४.