कोकण, विदर्भात पावसाची शक्यता 

पुणे : सौराष्ट्र आणि परिसरावर असलेले कमी दाबाचे क्षेत्र ठळक झाले आहे; तर झारखंड आणि परिसरावर हवेचे कमी दाबाचे क्षेत्र सक्रिय आहे. यादरम्यान मॉन्सूनचा आस विस्तारला आहे. आज (ता.७) कोकणात काही ठिकाणी जोरदार पावसाची शक्यता आहे. विदर्भात वादळी पावसाचा, मध्य महाराष्ट्र, मराठवाड्यात हलक्या पावसाचा अंदाज हवामान विभागाने वर्तविला आहे.  सोमवारी (ता.६) १०० मिलिमीटरपेक्षा अधिक पाऊस पडलेली ठिकाणे :  सांताक्रुझ ११६ (जि. मुंबई), पालघर ११६, वाडा ११४ (जि. पालघर), अंबरनाथ १०९, भिवंडी १००, कल्याण १२६, ठाणे २१३, उल्हासनगर १२० (जि. ठाणे), भंडारा १०४ (जि. भंडारा).