agriculture news in Marathi, rain possibilities in several places in state, Maharashtra | Agrowon

राज्यात तुरळक ठिकाणी पावसाचा अंदाज

टीम अॅग्रोवन
शुक्रवार, 14 जून 2019

पुणे ः अरबी समुद्रात धुमाकूळ घालणाऱ्या वायू चक्रीवादळाची तीव्रता कमी झाली असून, राज्याच्या परिसरात असलेले बाष्प कमी झाले आहे. मराठवाडा व विदर्भात हवामान कोरडे असले तरी मध्य महाराष्ट्र, कोकणात अंशतः ढगाळ हवामान आहे. पुढील दोन ते तीन दिवस राज्यात हीच स्थिती राहणार असून, तुरळक ठिकाणी पावसाचा अंदाज हवामान विभागाच्या सूत्रांनी वर्तविला. 

पुणे ः अरबी समुद्रात धुमाकूळ घालणाऱ्या वायू चक्रीवादळाची तीव्रता कमी झाली असून, राज्याच्या परिसरात असलेले बाष्प कमी झाले आहे. मराठवाडा व विदर्भात हवामान कोरडे असले तरी मध्य महाराष्ट्र, कोकणात अंशतः ढगाळ हवामान आहे. पुढील दोन ते तीन दिवस राज्यात हीच स्थिती राहणार असून, तुरळक ठिकाणी पावसाचा अंदाज हवामान विभागाच्या सूत्रांनी वर्तविला. 

गेल्या दोन ते तीन दिवसांपासून वायू चक्रीवादळाने चांगलाच धुमाकूळ घातला होता. त्याचा परिणाम मध्य महाराष्ट्र व कोकणातील वातावरणावर झाला असून, अनेक भागांत हलका ते मध्यम स्वरूपाचा पाऊस पडला. त्यामुळे वातावरणात काही प्रमाणात गारवा तयार झाला होता. परिणामी काही दिवसांपासून वाढलेला कमाल तापमानाचा पारा चांगलाच खाली आला होता. मात्र, विदर्भ व मराठवाड्यात हवामान कोरडे असल्याने उन्हाचा चटका अजूनही कायम होता. गुरुवारी (ता. १३) सकाळी आठ वाजेपर्यंतच्या चोवीस तासांत विदर्भातील चंद्रपूर येथे ४६ अंश सेल्सिअसची राज्यातील उच्चांकी तापमानाची नोंद झाली होती.  

 केरळ ते कर्नाटक या दरम्यान कमी दाबाचे क्षेत्र तयार होत आहे. तसेच, मध्य प्रदेशातही समुद्रसपाटीपासून सुमारे दीड किलोमीटर उंचीवर चक्राकार वाऱ्याची स्थिती तयार होत आहे. केरळमध्ये दाखल झालेल्या मॉन्सूनला पुढे सरकण्यास पोषक वातावरण तयार होत आहे. राज्यात मॉन्सूनला दाखल होण्यासाठी काही दिवसांचा कालावधी बाकी असून, त्यापूर्वी राज्यात पूर्वमोसमी पाऊस पडत आहे. यामुळे राज्यातील तापमानात झपाट्याने बदल होत असून कोल्हापूर, पुणे, महाबळेश्वर, सांगली, सातारा, सोलापूर, मुंबई, अलिबाग या शहरांचा पारा सरासरीच्या तुलनेत दोन ते तीन अंश सेल्सिअसने खाली आला आहे. खानदेश, मराठवाडा, विदर्भात अजूनही उन्हाच्या झळा कायम असून, सकाळपासून उन्हाचा चटका जाणवत आहे. अकोला, अमरावती, ब्रह्मपुरी, चंद्रपूर, गोंदिया, नागपूर, वर्धा, यवतमाळ, नांदेड या प्रमुख शहरांचा पारा चाळीस अंश सेल्सिअसच्या वर आहे.  

वायू चक्रीवादळामुळे कोकणातील ठाणे, रायगड, पालघर, रत्नागिरी, सिंधुदुर्ग या जिल्ह्यांतील काही ठिकाणी मध्यम ते जोरदार पाऊस पडला; तर सातारा, पुणे, नाशिक या जिल्ह्यांच्या पश्चिम भागात तुरळक ठिकाणी हलका ते मध्यम स्वरूपाच्या पावसाच्या सरी कोसळल्या. रायगडमधील ताला मंडळात सर्वाधिक ८६ मिलिमीटर पाऊस पडल्याची नोंद झाली. तर वळवटी, बोर्लीपचटन, श्रीवर्धन, मेंढा, निझामपूर, मुरूड, रोहा, नागोठणे, चनेरा येथे जोरदार पाऊस पडला. त्यामुळे खरिपाच्या तयारीला वेग आला असून, शेतकऱ्यांनी भात रोपवाटिका टाकण्यास सुरवात केली आहे. 

गुरुवारी (ता. १३) सकाळी साडेआठ वाजेपर्यंतच्या २४ तासांतील विविध ठिकाणचे कमाल, कंसात सरासरीच्या तुलनेत किमान तापमानातील वाढ, घट (अंश सेल्सिअसमध्ये) :  पुणे ३१.२ (-१.०), जळगाव ४२.८ (३.८), कोल्हापूर २७.८ (-२.७), महाबळेश्‍वर १९.८ (-३.५), मालेगाव ४०.२ (३.८), नाशिक ३४.३ (०.३), सांगली २९.८ (-२.१), सातारा २७.७ (-३.२), सोलापूर ३४.५ (-१.०), मुंबई (सांताक्रूझ) ३३.५ (०.९), मुंबई ३१.७ (-०.८), अलिबाग ३१.४ (-०.६), रत्नागिरी ३१.८ (१.१), डहाणू ३५.७ (२.३), औरंगाबाद ३७.० (१.७), बीड ३८.४ (२.५), नांदेड ४२.० (४.४), परभणी ४०.५ (३.२), उस्मानाबाद ३७.० (१.७), अकोला ४२.४ (४.०), अमरावती ४३.४ (५.०), बुलडाणा ४०.४ (५.४), ब्रह्मपुरी ४४.६ (५.९), चंद्रपूर ४६.० (६.९), गोंदिया ४३.५ (४.०), नागपूर ४३.७ (४.६), वाशीम ४०.०, वर्धा ४३.८ (५.६), यवतमाळ ४२.० (३.९).

सर्वाधिक पाऊस झालेली मंडळे, पाऊस मिलिमीटरमध्ये 
ताला ८६, वळवटी ७४, बोर्लीपचटन ७३, श्रीवर्धन, मेंढा ७०, निझामपूर, मुरूड ६९, रोहा ६३, नागोठाणे ६२, चनेरा ६०, बलकुम ११, कल्याण ११, उल्हासनगर १३, कुम्भार्ली १७.४, किहीम १५, वावोशी ११, खोपोली २०, पाली ३०, आतोने ३५, जांभूळपाडा ३१, पेण ११, कसू २०, कामर्ली १८, महाड १२, बिरवडी १६, खारवली १७, तुडील १५, मानगाव १६, इंदापूर २२, गोरेगाव २४, लोनेरे १७, कोलाड ५५, पोलादपूर १७, वाकन १५, नांदगाव ५१, बोर्ली २७, म्हसळा ५०, खामगाव ४६, चिपळूण १८, खेर्दी २१, मार्गताम्हाने २२, रामपूर १२, सावर्डे ३२, आसुर्डे २४, कळकवणे २२, शिरगाव २०, दापोली ५१, अंजर्ला २०, वाकवली २०, पालगड २२, भरने २६, दाभीळ १५, दामनंद १७, गुहागर ३९, अंबलोळी ३७, हेडवी २८, मंडणगड ५८, माप्रळ ४३, रत्नागिरी ४७, खेडशी ४५, पानसोप ४१, जयगड २५, तरवाल ३७, कढवाई २४,  
 


इतर अॅग्रो विशेष
बारामतीमध्ये उद्यापासून कृषी तंत्रज्ञान...माळेगाव, बारामती ः अॅग्रिकल्चरल डेव्हलमेंट ट्रस्ट...
कृषी अधिकारी पुन्हा सर्वोच्च न्यायालयात...पुणे ः सर्वोच्च न्यायालयाने निकाल दिल्यानंतर...
दर वाढूनही नुकसानीमुळे डाळिंब...सांगली ः देशातील मृग हंगामातील डाळिंब उत्पादन...
दुधाचा अभ्यास करा : केंद्र सरकारपुणे : गोवंशापासून मिळणाऱ्या दुधाचे फायदे आणि इतर...
दहा हजार क्विंटल ज्वारीचा झाला भुस्साअकोला  ः  जिल्ह्यात २०१५ ते २०१७...
राज्यात विविध घटनांमध्ये वर्षभरात १७८...नागपूर : राष्ट्रीय व्याघ्र संवर्धन प्राधिकरणाने...
‘सिल्क समग्र’ योजना सुरू ठेवण्यास...औरंगाबाद : तुती टसर रेशीम उद्योग विकासाठी...
ग्राम, शेती विकासाला ‘रोटरी’ची साथनाशिक शहरामध्ये ७५ वर्षांपासून रोटरी क्लब ऑफ...
फळबागेला प्रक्रिया उत्पादनांची जोडशेतीची आवड जोपासण्यासाठी कुटुंबाचे चांगले पाठबळ...
‘अपेडा’वरील नोंदणीत राज्याचा टक्का वाढलानागपूर ः निर्यातीला चालना मिळावी तसेच देशांतर्गत...
चिकन, अंडी खाण्यास पूर्णपणे सुरक्षित ः...पुणे ः पूर्णपणे उकडलेली अंडी आणि चिकन खाण्यासाठी...
कोल्हापूर : गुळाच्या दरात १५० रुपयांनी...कोल्हापूर : बाजार समितीत गेल्या आठ दिवसांमध्ये...
सिद्धरामेश्‍वर यात्रेत भाकणूक : यंदा...सोलापूर ः ग्रामदैवत सिद्धरामेश्‍वर महाराजांच्या...
‘एफपीओं’ना बळकट करण्याची गरज ः चढ्ढा पुणे ः शेतीमध्ये मातीपासून ते बाजारपेठेपर्यंत...
कर्मचाऱ्यांनी ‘क्रॉप डॉक्टर’ व्हावे :...पुणे: राज्यातील शेतकरी कष्टपूर्वक शेती करताना...
तुरीला मिळणार दराची ‘फोडणी’ पुणे ः देशात यंदा तूर उत्पादनात घटीचा अंदाज आहे....
कृषी कायद्यांवर ‘तारीख पे तारीख’ नवी दिल्ली ः शेतकरी नेते कृषी कायदे रद्द...
गोंदियात पारा ६.८ अंशांवर पुणे ः विदर्भाच्या अनेक भागांत थंडी चांगलीच वाढली...
मराठवाड्यातील रब्बीवर रोगांचे संकट लातूर : येथील विभागीय कृषी सहसंचालक...
खानदेशात कांदेबाग केळी जोमात जळगाव ः खानदेशात कांदेबाग केळीची लागवड सुमारे एक...