agriculture news in Marathi, Rain possibilities in state from Wednesday, Maharashtra | Agrowon

राज्यात बुधवारपर्यंत पावसाची शक्यता
टीम अॅग्रोवन
मंगळवार, 10 एप्रिल 2018

पुणे : मध्य महाराष्ट्र, मराठवाडा, विदर्भात जोरदार वारे, विजा, गारांसह पावसाने दणका दिला. तीन ते चार दिवसांपासून विविध भागांत सुरू असलेल्या पावसाने रब्बी पिके, फळबागा, भाजीपाला पिकांना मोठ्या प्रमाणावर फटका बसला आहे. पूर्वमोसमी पावसाला पोषक हवामान असल्याने बुधवारपर्यंत (ता. ११) मध्य महाराष्ट्र, मराठवाडा, विदर्भात वादळी पावसाचा अंदाज वर्तविण्यात आला आहे. 

पुणे : मध्य महाराष्ट्र, मराठवाडा, विदर्भात जोरदार वारे, विजा, गारांसह पावसाने दणका दिला. तीन ते चार दिवसांपासून विविध भागांत सुरू असलेल्या पावसाने रब्बी पिके, फळबागा, भाजीपाला पिकांना मोठ्या प्रमाणावर फटका बसला आहे. पूर्वमोसमी पावसाला पोषक हवामान असल्याने बुधवारपर्यंत (ता. ११) मध्य महाराष्ट्र, मराठवाडा, विदर्भात वादळी पावसाचा अंदाज वर्तविण्यात आला आहे. 

रविवारी (ता.८) सातारा जिल्ह्यात सलग दुसऱ्या दिवशी वादळी वारे व विजांच्या कडकडाटसह पावसाने हजेरी लावली. जावळी तालुक्‍यात वीज पडून केळघर येथील गणपत नारकर यांचा, तर सेनगाव येथील आदिनाथ मोरे या दोघांचा मृत्यू झाला. पावसाने रब्बी पिके आंब्याचे नुकसान झाले. सातारा, वाई, महाबळेश्‍वर, पाटण, जावली तालुक्‍यातही पूर्वमोसमीच्या सरी पडल्या. खटाव-माण या दुष्काळी तालुक्‍यांना चांगलेच झोडपून काढले.

पुणे जिल्ह्यातील शिरूर, बारामती, हवेली तालुक्याच्या काही भागांत रविवारी विजा, जोरदार वाऱ्यासह पाऊस पडला. शिरूर, हवेली परिसरात तुरळक गाराही पडल्या. या पावसाने कांदा आणि आंबा पिकांचे नुकसान झाले. नगर जिल्ह्यामध्ये सलग दुसऱ्या दिवशी पावसाने तडाखा दिला. रविवारी राहुरी, नगर, पाथर्डी, पारनेर, कर्जतला पिकांचे नुकसान झाले. नुकसानीचे तातडीने पंचनामे करून नुकसान भरपाई देण्याची मागणी होत आहे. 

मराठवाड्यातील विविध जिल्ह्यांमध्ये रविवारी सायंकाळी व रात्री उशिरा विजांच्या कडकडाट, वादळी वाऱ्यासह पाऊस झाल्याने मळणी सुरू असलेल्या पिकांचे नुकसान झाले. जालना, बीड, उस्मानाबाद व लातूर, जिल्ह्यात बेमोसमी पाऊस, तर इतरत्र ढगाळ वातावरण होते. अंजनडोह (ता. धारूर) येथे वीज कोसळून गाय ठार झाली. धारूर व गेवराई तालुक्‍यात पिकांचे नुकसान झाले. आलूर परिसरात ज्वारीसह इतर पिकांना फटका बसला.

उमरगा तालुक्‍यात आलूर येथे गारपीट झाल्याने आंब्याचे मोठे नुकसान झाले. नाशिक जिल्ह्यातील चांदवड शहरासह तालुक्‍याच्या पूर्व भागातील गावांमध्ये झालेल्या पाऊस, गारपिटीने उन्हाळी कांदे, कांदा बियाणे, गहू पिकांचे नुकसान झाले. मनमाड शहर परिसरात पावसामुळे काढणीवर आलेला कांदा व गहू पिकांना फटका बसला. 

पूर्वेकडून वाहणाऱ्या वाऱ्यामुळे दक्षिण मध्य महाराष्ट्र ते अाग्नेय अरबी समुद्रापर्यंत हवेचा कमी दाबाचा पट्टा सक्रिय आहे, तर उत्तर मध्य महाराष्ट्र, विदर्भ, मध्य प्रदेशावर हवेच्या चक्राकार वाऱ्याची स्थिती आहे. बंगालचा उपसागर आणि अरबी समुद्रावरून होत असलेल्या बाष्पाच्या पुरवठ्यामुळे राज्यात ढगाळ हवामान होत अाहे. बुधवारपर्यंत ही स्थिती कायम राहणार असून, मध्य महाराष्ट्र, मराठवाडा, विदर्भात वादळी पावसाची शक्यता कायम आहे.

ढगाळ हवामानामुळे राज्यात उन सावल्यांचा खेळ सुरू आहे. ढगांच्या आच्छादनामुळे उन्हाचा चटका काहीसा कमी झाल्याने मराठवाडा, विदर्भात तापमानात मोठी घट झाली आहे. मध्य महाराष्ट्रात उन्हाचा चटका कायम असल्याने सोमवारी (ता. ९) सकाळपर्यंत जळगाव येथे उच्चांकी ४०.६ अंश सेल्सिअस तापमानाची नोंद झाली. 

सोमवारी (ता.९) सकाळी साडेआठ वाजेपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३६.८, जळगाव ४०.२, कोल्हापूर ३५.३, महाबळेश्वर ३२.३, मालेगाव ४०.२, नाशिक ३८.०, सांगली ३६.०, सातारा ३६.४, सोलापूर ३८.३, मुंबई ३३.८, रत्नागिरी ३५.४, डहाणू ३४.२, आैरंगाबाद ३६.७, परभणी ३८.९, नांदेड ३७.५, अकोला ३९.७, अमरावती ३६.४, बुलडाणा ३८.०, चंद्रपूर ३६.०, गोंदिया ३७.५, नागपूर ३४.८, वर्धा ३७.८, यवतमाळ ३७.०.

इतर अॅग्रो विशेष
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...
लष्करी अळी नियंत्रणाचे जागतिक प्रयत्नपुणे : स्पोडोप्टेरा फ्रुगीपर्डा म्हणजेच...
मक्यावरील अमेरिकन लष्करी अळीचे आव्हान...पुणे ः गेल्या हंगामातील दुष्काळाच्या चटक्यानंतर...
राज्यात सर्वदूर पावसाचा अंदाजपुणे : मॉन्सून पुन्हा सक्रिय झाल्याने राज्यात...
शेतकरी कंपन्या स्थापन करण्यासाठी करारपुणे ः नाबार्डच्या कंपनी विकास फंडातून...
कर्नाटकात गुऱ्हाळघरातून थेट व्यापार...सांगली ः कर्नाटकमध्ये हमाली आणि अडत कमी असल्याने...
पीकविम्याचे ३२५ कोटी कंपन्यांना वितरितमुंबई ः गेल्यावर्षीच्या खरिपातील पीकविमा योजनेचा...
ग्रामविकासावर खर्च झालेल्या निधीची...मुंबई: आपल्या ग्रामपंचायतीला गावातील...
दुष्काळातही कडवंचीत शेतीतून ७२ कोटींचे...जालना : ‘महाराष्ट्राचे इस्राईल’ म्हणून नावलौकिक...
राज्यात सहामाहित तेराशे शेतकऱ्यांची...मुंबई ः सततची दुष्काळी स्थिती, नैसर्गिक संकटे,...
कोकण, मध्य महाराष्ट्र, मराठवाड्यात...पुणे : मॉन्सून पुन्हा सक्रीय झाल्याने...
परीक्षा शुल्क परतीचा खर्च सात लाख रुपयेयवतमाळ ः परीक्षा रद्द झाल्यानंतर उमेदवारांचे पैसे...
दुबार पेरणीसाठी सरकारची तयारीः डाॅ....पुणे: पावसाचा काही प्रमाणात खंड पडला आहे....
डोणगावात होणार खजूर लागवडअकोला ः पारंपरिक पिकांना पर्याय शोधण्यासाठी...
रक्तक्षय दूर करण्यासाठी लोहयुक्त तांदूळनाशिक : दैनंदिन आहारातून अत्यल्प प्रमाणात लोह...
असंमत बियाणे लागवडीला बोंडअळी कारणीभूत...नवी दिल्ली : देशात २०१८ मध्ये गुलाबी...