agriculture news in Marathi, rain possibility in kokan, Maharashtra | Agrowon

कोकणात आज अतिवृष्टीचा इशारा

टीम अॅग्रोवन
बुधवार, 12 जून 2019

पुणे : ‘वायू’ चक्रीवादळामुळे अरबी समुद्रात ढगांची दाटी झाली आहे. वादळामुळे पश्चिम किनाऱ्यावर वादळी वारे, उंच लाट उसळून मुसळधार पावसाची शक्यता आहे. आज (ता. १२) कोकणात तुरळक ठिकाणी अतिवृष्टीचा इशारा असून, मध्य महाराष्ट्र, विदर्भात मेघगर्जना, विजांसह वादळी पावसाचा अंदाज आहे. तर विदर्भ आणि मराठवाड्यात उष्ण लाटेची शक्यताही हवामान विभागाने वर्तविली आहे. 

पुणे : ‘वायू’ चक्रीवादळामुळे अरबी समुद्रात ढगांची दाटी झाली आहे. वादळामुळे पश्चिम किनाऱ्यावर वादळी वारे, उंच लाट उसळून मुसळधार पावसाची शक्यता आहे. आज (ता. १२) कोकणात तुरळक ठिकाणी अतिवृष्टीचा इशारा असून, मध्य महाराष्ट्र, विदर्भात मेघगर्जना, विजांसह वादळी पावसाचा अंदाज आहे. तर विदर्भ आणि मराठवाड्यात उष्ण लाटेची शक्यताही हवामान विभागाने वर्तविली आहे. 

सोमवारी (ता.१०) नाशिक जिल्ह्यात सलग तिसऱ्या दिवशी वादळी वाऱ्यात सिन्नर, मालेगाव, येवला, निफाड वादळी वाऱ्यासह जिल्ह्यात संततधार पाऊस  पडला. वादळामुळे शेतीमालाचे मोठे नुकसान झाले, तर द्राक्ष बागा उद्ध्वस्त झाल्या आहेत. मराठवाड्यातील बीड, औरंगाबाद, परभणी जिल्ह्यात जोरदार पाऊस झाला. फूलंब्री तालुक्‍यातील खामखेडा येथे शेतात वीज पडून ज्येष्ठ महिला ठार झाली.

भालगाव (ता. गंगापूर) शिवारात वीज पडून चार शेळ्या दगावल्या. पुण्यातील जुन्नर, खेड, मावळ, मुळशी, आणि भोर तालुक्यासह जिल्ह्याच्या विविध भागांसह धरणांच्या पाणलोटात वादळी पावसाने हजेरी लावली. वादळी पावसामुळे जुन्नर तालुक्यातील शिंदेवाडी येथे जनावरांसाठी सुरू करण्यात आलेल्या छावणीचे नुकसान झाले. नगर शहरासह जिल्ह्याच्या अनेक भागांत सोमवारी दुपारनंतर जोरदार पाऊस झाला. सातारा तालुक्यातील शेंद्रे परिसरात दमदार वादळी पाऊस झाला.

आज (ता.१२) कोकणातील रत्नागिरी, सिंधुदुर्ग जिल्ह्यात तुरळक ठिकाणी अतिवृष्टीची शक्यता आहे. तर रायगडमध्ये जोरदार तर पालघर, ठाणे, मुंबईही पावसाचा अंदाज आहे. मध्य महाराष्ट्रातील नाशिक, नगर, पुणे, कोल्हापूर, सातारा, सांगली, सोलापूर आणि मराठवाड्यातील परभणी, बीड, नांदेड, लातूर, उस्मानाबाद आणि विदर्भातही काही ठिकाणी पावसाची शक्यता हवामान विभागाने वर्तविली आहे.  

दरम्यान पूर्वमोसमी पावसामुळे राज्याच्या तापमानात चढ-उतार सुरू आहे. मंगळवारी (ता.११) सकाळपर्यंतच्या २४ तासांमध्ये विदर्भातील जवळपास सर्वच ठिकाणी उष्ण लाट होती. ब्रह्मपुरी येथे ४६.७ अंश सेल्सिअस तापमानाची नोंद झाली. तर चंद्रपूर, नागपूर येथे तापमान ४६ अंशांपेक्षा अधिक होते. तर राजस्थानच्या चुरू येथे देशातील यंदाच्या हंगामातील सर्वाधिक ५०.१ अंश सेल्सिअस तापमानाची नोंद झाली आहे. 

मंगळवारी (ता. ११) सकाळी साडेआठ वाजेपर्यंतच्या २४ तासांत राज्यातील विविध ठिकाणचे कमाल तापमान, कंसात सरासरीच्या तुलनेत वाढ, घट (अंश सेल्सिअसमध्ये) : पुणे ३५.६ (३.४), जळगाव ४२.४ (३.४), कोल्हापूर ३४.८(४.३), महाबळेश्वर २७.८ (४.५), मालेगाव ४२.४ (६.०), नाशिक ३६.३ (२.३), सांगली ३५.४ (३.५), सातारा ३५.२ (४.३), सोलापूर ३७.६ (२.१), अलिबाग ३५.० (३.०), डहाणू ३४.० (०.६), सांताक्रूझ ३५.६ (३.०), रत्नागिरी ३५.१ (४.४), औरंगाबाद ३९.२ (३.९), परभणी ४२.६ (५.३), नांदेड ४२.० (४.४), अकोला ४४.१ (५.७), अमरावती ४३.८ (५.४), बुलडाणा ४१.६ (६.६), ब्रह्मपुरी ४६.७ (८.०), चंद्रपूर ४६.०(६.९), गोंदिया ४२.०(२.५), नागपूर ४६.० (६.९), वर्धा ४५.५ (७.३), यवतमाळ ४३.०(४.९). 
 


इतर अॅग्रो विशेष
म्हणे शेतात, पीक असल्याने वीज जोडणीस...अमरावती  ः शेतात पीक असल्यामुळे शेतकरी वीज...
देशी गोसंगोपन, गांडूळखतासह दूध...सातारा जिल्ह्यातील कोपर्डे हवेली (ता. कऱ्हाड)...
दर्गनहळ्ळी येथे वाढलाय पक्ष्यांचा...सोलापूर : पूर्वी सूर्यकिरणांसोबतच पक्ष्यांचा...
अवकाळी पावसामुळे बाधितांसाठी साडेचार...मुंबई : ऑक्टोबर, नोव्हेंबर महिन्यांतील अवकाळी...
डाळिंब बियाच्या तेलापासून ‘सॉफ्टजेल...सोलापूर ः येथील राष्ट्रीय डाळिंब संशोधन केंद्राने...
मध्य महाराष्ट्र, मराठवाडा, विदर्भात...पुणे  ः मध्य महाराष्ट्र, मराठवाडा व...
आव्हाने खूप सारी, तरीही मधमाशीपालनात...नाशिक येथे पूर्वा केमटेक या कंपनीतर्फे नुकताच...
आकस्मिकता निधीच्या मर्यादेत तात्पुरत्या...मुंबई : महाराष्ट्र आकस्मिकता निधीच्या...
खासगी प्रवासी बसमधून शेतमाल वाहतुकीला...सोलापूर : राज्याच्या ग्रामीण भागातून मुंबई,...
राज्यात बोरं ८०० ते ४००० रुपये...सोलापूर : सोलापूर कृषी उत्पन्न बाजार समितीच्या...
विदर्भात वादळी पावसाची शक्यता पुणे ः विदर्भाच्या काही भागांत हवामान ढगाळ आहे....
मूळ समस्यांशी थेट भिडावे लागेल ऑगस्टपर्यंत पावसाची वाट पाहणारा शेतकरीवर्ग...
दराबाबतचा दुटप्पीपणा घाऊक आणि किरकोळ बाजारांतील कांद्याचे वाढते दर...
खातेवाटप जाहीर : सुभाष देसाईंकडे कृषी,...मुंबई : मुख्यमंत्री उद्धव ठाकरे यांच्या...
फळबागांच्या माध्यमातून प्रगतिपथावर वडकी पुणे शहरापासून जवळ असलेले वडकी हे दुष्काळी गाव...
गाई, म्हशीच्या सुलभ प्रसूतीसाठी ‘शुभम’...माळेगाव, जि. पुणे ः शेती, पशुपालन करताना येणाऱ्या...
विदर्भात गारपिटीची शक्यतापुणे ः पावसाला पोषक वातावरण तयार झाल्याने...
कांद्यानंतर 'या' पिकावर साठा मर्यादा...नवी दिल्ली: देशात यंदा कडधान्याचे उत्पादन...
‘पीजीआर’साठी जाचक नियमावली नकोपुणे : बिगर नोंदणीकृत जैव उत्तेजकांना (...
अपरिपक्व कांदा आवकेचा दरवाढीवर परिणामनवी दिल्ली: उन्हाळी आणि खरीप कांदा उत्पानातील...