कोकणात पावसाची शक्यता 

पुणे : बंगालचा उपसागरात तयार झालेल्या कमी दाब क्षेत्राची तीव्रता कमी झाली आहे. तसेच कोकण किनारपट्टीला समांतर असलेला हवेचा कमी दाबाच्या पट्याचा प्रभाव कमी झाला झाल्याने कोकणासह घाटमाथ्यावरील पावसाचा जोर कमी झाला आहे. येत्या चार ते पाच दिवस रायगड, रत्नागिरी, सिंधुदुर्ग व पुणे, सातारा, कोल्हापूर जिल्ह्यांत कमीअधिक स्वरूपात पाऊस पडण्याचा अंदाज हवामान विभागाच्या सूत्रांनी वर्तविला. 

कोकणात असलेले कमी दाबाचे क्षेत्र गुजरातच्या दिशेने सरकले आहे. या भागात चक्रीय स्थिती असल्याने कमी दाबाचे क्षेत्र तयार होण्याचे संकेत आहेत. तसेच कर्नाटक किनारपट्टी ते केरळ दरम्यान कमी दाबाचा पट्टा सक्रिय आहे. तसेच मॉन्सूनचा ट्रफ बिकानेर, अजमेर परिसरात असून या भागात कमी दाबाचे क्षेत्र तयार होत आहे. हे क्षेत्र मध्य प्रदेश परिसर, दाल्तोगंज, जमशेदपूर ते त्रिपुरा या दरम्यान आहे. बंगालच्या उपसागराच्या उत्तर भाग व परिसरातही येत्या बुधवारी पुन्हा कमी दाबाचे क्षेत्र सक्रिय होण्याची शक्यता आहे. त्यामुळे अरबी समुद्राकडून बाष्प खेचले जाण्याचा अंदाज असल्याने राज्यात हलका ते मध्यम स्वरूपाचा पाऊस पडणार असल्याचे हवामान विभागाने स्पष्ट केले. 

राज्यात होत असलेल्या कमीअधिक पावसामुळे हवेत चांगलाच गारवा तयार झाला आहे. त्यामुळे कमाल तापमानासह किमान तापमानात चांगलीच घट झाली आहे. मध्य महाराष्ट्र व विदर्भातील कमाल तापमानात सरासरीच्या तुलनेत तीन ते चार अंश सेल्सिअसने घट झाली आहे. रविवार (ता.२५) सकाळी आठ वाजेपर्यंत सोलापूर येथे ३२.१ अंश सेल्सिअसची सर्वाधिक कमाल तापमानाची नोंद झाली.  येथे होणार जोरदार पाऊस  सोमवार ः रायगड, रत्नागिरी, सिंधुदुर्ग, पुणे, सातारा, कोल्हापूर  मंगळवार ः रायगड, रत्नागिरी, सिंधुदुर्ग  बुधवार ः रायगड, रत्नागिरी, सिंधुदुर्ग  गुरुवार ः ठाणे, रायगड, रत्नागिरी, सिंधुदुर्ग  राज्यातील प्रमुख शहरांमध्ये रविवारी (ता. २५) सकाळी आठ वाजेपर्यंत नोंदवले गेलेले कमाल तापमान (अंश सेल्सिअसमध्ये) कंसात सरासरीच्या तुलनेत झालेली वाढ :