agriculture news in Marathi, rain possibility in Marathwada and Vidarbha, Maharashtra | Page 2 ||| Agrowon

मराठवाडा, विदर्भात तुरळक ठिकाणी हलक्या सरींचा अंदाज

टीम अॅग्रोवन
शुक्रवार, 23 ऑगस्ट 2019

पुणे ः विदर्भात चक्राकार वाऱ्याची स्थिती असल्याने राज्यातील अनेक भागांत कमी-अधिक पाऊस पडत आहे. येत्या सोमवारपर्यंत (ता. २६) राज्यातील बहुतांश भागांत पावसाचा जोर वाढणार आहे. कमी पाऊस असलेल्या मराठवाडा आणि विदर्भातही तुरळक ठिकाणी हलक्या ते मध्यम स्वरूपाच्या सरी पडण्याचा अंदाज हवामान विभागाच्या सूत्रांनी वर्तविला.  

पुणे ः विदर्भात चक्राकार वाऱ्याची स्थिती असल्याने राज्यातील अनेक भागांत कमी-अधिक पाऊस पडत आहे. येत्या सोमवारपर्यंत (ता. २६) राज्यातील बहुतांश भागांत पावसाचा जोर वाढणार आहे. कमी पाऊस असलेल्या मराठवाडा आणि विदर्भातही तुरळक ठिकाणी हलक्या ते मध्यम स्वरूपाच्या सरी पडण्याचा अंदाज हवामान विभागाच्या सूत्रांनी वर्तविला.  

बंगालच्या उपसागरात चक्राकार वाऱ्याची स्थिती तयार आहे. ही स्थिती उडिसाच्या दिशेने सरकत आहेत. तसेच उत्तर प्रदेश ते आंध्र प्रदेश यादरम्यान कमी दाबाचे क्षेत्र आहे. याशिवाय मध्य प्रदेशात, उत्तर प्रदेश ते बंगालचा उपसागर यादरम्यान कमी दाबाचे क्षेत्र आहे. यामुळे काही ठिकाणी मुसळधार पडत आहे. चित्रकूट आणि मलकानगिरी येथे देशातील सर्वाधिक १७० मिलिमीटर पाऊस पडला. तर हरदोई, मंगलोर, कुभोकनम, विजयवाडा, मच्छलीपट्टनम, खजुराहो येथेही जोरदार पाऊस पडला. राज्यातही अनेक ठिकाणी हलका ते मध्यम स्वरूपाचा पाऊस पडला. 

वाढलेल्या उकाड्यामुळे राज्याच्या अनेक भागांत पावसासाठी पोषक हवामान तयार होत आहे. कोकण आणि मध्य महाराष्ट्राच्या पश्चिम भागात व पूर्व विदर्भात हवामान ढगाळ आहे. गुरुवारी (ता. २२) सकाळी आठ वाजेपर्यंतच्या चोवीस तासात कोकणातील अंबरनाथ येथे सर्वाधिक ८० मिलिमीटर पाऊस पडला. तसेच उल्हासनगर, बेलापूर, कल्याण, माथेरान, ठाणे, भिवंडी, भिरा, सुधागड, पाली, विक्रमकड, वाडा, कर्जत, पनवले, पोलादपूर, रोहा या ठिकाणी मध्यम स्वरूपाचा पाऊस पडला असून भिवपुरी, खंद, ताम्हिणी, डुंगरवाडी या घाटमाथ्यावर जोरदार पाऊस पडला. मध्य महाराष्ट्रातील पश्चिम पट्टा व खान्देशातील काही ठिकाणी हलका ते मध्यम स्वरूपाचा पाऊस पडला. तर इगतपुरी, पाचोरा, पारोळा, पेठ येथे मध्यम स्वरूपाचा पाऊस पडला.   

मराठवाड्यातही पावसाच्या काही प्रमाणात तुरळक सरी पडत आहेत. तर कळंब, नांदेड, सेलू, शिरूर कासार, बीड, घनसांगवी, माजलगाव, पाथरी, सोनपेठ येथे मध्यम स्वरूपाचा सरी कोसळल्या. तर औसा, भूम, बिलोली, गेवराई, मुदखेड, परतूर, तुळजापूर, उमरी, वाशी या ठिकाणी हलका पाऊस पडला. विदर्भातील पोभुर्णा येथे ६० मिलिमीटर पाऊस पडला. तर बल्लारपूर, गोंडपिंपरी, गोरेगाव, तिरोरा येथे मध्यम स्वरूपाच्या सरी बरसल्या.  

गुरुवारी (ता. १७) सकाळी आठ वाजेपर्यंत पडलेला पाऊस, मिलिमीटरमध्ये (स्रोत हवामान विभाग)  
कोकण ः अंबरनाथ ८०, उल्हासनगर ७०, बेलापूर, कल्याण, माथेरान, ठाणे ६०, भिवंडी ५०, भिरा, सुधागड, पाली, विक्रमकड, वाडा ४०, कर्जत, पनवले, पोलादपूर, रोहा ३०, दापोली, जव्हार, महाड, उरण, वाकवली २०, कानकोना, चिपळून, खेड, माणगाव, म्हापसा, मोखेडा, मुल्दे, पेण, राजापूर, रामेश्वर कृषी, संगमेश्वर देवरूख, सावंतवाडी, वैभववाडी १०. 
मध्य महाराष्ट्र ः इगतपुरी ५०, पाचोरा, पारोळा, पेठ ४०, नगर, महाबळेश्वर, शहादा ३०, गिरना, हरसूल, नंदुरबार, रावेर, सिंदखेडा, सुरगाणा २०, अक्कलकुवा, चाळीसगाव, गगनबावडा, नांदगाव, पौड, मुळशी, सोलापूर, त्र्यंबकेश्वर, वडगाव मावळ, यावल १० .
मराठवाडा ः कळंब, नांदेड, सेलू, शिरूर कासार ४०, बीड, घनसांगवी, माजलगाव, पाथरी, सोनपेठ २०, औसा, भूम, बिलोली, गेवराई, मुदखेड, परतूर, तुळजापूर, उमरी, वाशी १०.
विदर्भ ः पोभुर्णा ६०, बल्लारपूर, गोंडपिंपरी, गोरेगाव, तिरोरा ३०, चार्मोशी, चिखलदरा, गडचिरोली, मूल, मूलचेरा, सडकअर्जुनी, सावनी, सिंरोचा २०, अहीरी, देऊळगाव राजा, देवरी, धानोरा, एटापल्ली, गोंदिया, जेवती, कुरखेडा, नागभीड, साकोली, समुद्रपूर, सेलू १० 
घाटमाथा ः भिवपुरी ८०, खंद ७०, ताम्हिणी ६०, डुंगरवाडी ५०, लोणावळा, शिरगाव, ठाकूरवाडी, अंबोणे, वाणगाव ४०, दावडी, कोयाना, खोपोली ३०, शिरोटा, वळवण, कोयना १०.


इतर अॅग्रो विशेष
हवामानबदलाशी लढण्यासाठी एक हजार कोटी...पुणे ः जागतिक हवामानबदलाची समस्या संपूर्ण जगासमोर...
राज्यात उन्हाच्या झळा वाढल्यापुणे : राज्यात कमाल तापमानात मोठी वाढ झाल्याने...
कापसाचे ६४७ कोटींचे चुकारे थकीतअमरावती ः बाजारात दर कोसळल्याने महाराष्ट्र राज्य...
‘पणन’ची कापूस खरेदी उच्चांकी दिशेनेऔरंगाबाद : महाराष्ट्र राज्य कापूस उत्पादक पणन...
शिवजयंतीनिमित्त मिरवणुकीत ८५ स्वराज्यरथ...पुणे : ‘‘पुण्यात शिवजयंती महोत्सव समितीतर्फे आज...
सेवानिवृत्त पोलिस उपअधीक्षकाची...औरंगाबाद शहरापासून सुमारे बारा किलोमीटरवर...
कापूस उद्योगाचे चीनमध्ये पाच हजार कोटी...जळगाव ः देशातील सूत व कापूस गाठींचा मोठा खरेदीदार...
हमीदराने खरेदीसाठी तुरीचे संपूर्ण...वाशीम ः तुरीचे स्वतंत्रपणे पीक घेण्याची पद्धत...
पंधरा लाख कापूस गाठींची खानदेशातील...जळगाव ः कापसाची खेडा खरेदी मागील आठवड्यात...
शेतीमाल निर्यातवाढीसाठी सुकाणू समितीची...पुणे : राज्य सरकारने स्वतंत्र कृषी निर्यात धोरण...
बियाणे परवान्यासाठी केंद्रीय पद्धती...नवी दिल्ली: केंद्र सरकार सुधारित बियाणे विधेयक...
शिवनेरीवर उद्या शिवजयंती सोहळापुणे: छत्रपती श्री शिवाजी महाराज यांच्या ३९० व्या...
चीनला होणाऱ्या कोळंबी निर्यातीला फटकानवी दिल्ली: चीनमध्ये कोरोना विषाणूने थैमान...
कापूस, मक्यावरील अळी नियंत्रणाचे काम...अकोला ः नवीन तंत्रज्ञानाचा वापर करून कापूस,...
किमान तापमानात वाढ होण्याचा अंदाजपुणे : राज्यात कमाल व किमान तापमानात सातत्याने...
'सोया’ पदार्थांना मिळवली ग्राहकांकडून...अमरावती जिल्ह्यातील दुर्गम अंजनसिंगी (ता. धामणगाव...
दर्जेदार फरसबीचे वर्षभर उत्पादनकमी कालावधीतील पिके वर्षभर टप्प्याटप्प्याने...
‘कीडनाशके कायदा’ हवा स्पष्ट शेतकऱ्यांना बनावट कीडनाशके विक्रेत्यांपासून...
राष्ट्रीय मुद्द्यांचा भाजपपुढे गुंतादिल्ली विधानसभा निवडणुकीच्या निकालांच्या...
‘कोरोना’च्या अफवेमुळे पोल्‍ट्री...पुणे ः चीनमधील कोरोना विषाणूने जगभरात भीतीचे...