agriculture news in Marathi, Rain possibility in several places, Maharashtra | Agrowon

काही भागांत उद्या हलक्या पावसाचा अंदाज

टीम अॅग्रोवन
मंगळवार, 24 सप्टेंबर 2019

पुणे: बंगालचा उपसागर आणि आंध्र प्रदेशाच्या उत्तर भागात चक्राकार वाऱ्यांची स्थिती तयार झाली आहे. याचा परिणाम राज्यातील वातावरणावर होत आहे. राज्यातील बहुतांशी भागात ऊन-सावल्यांचा खेळ सुरू आहे. आज (ता. २४) राज्यात काही प्रमाणात पावसाची उघडीप राहणार आहे. उद्या (ता. २५) राज्यातील काही भागांत हलका ते मध्यम पाऊस पडण्याचा अंदाज हवामान विभागाच्या सूत्रांनी वर्तविला आहे.

पुणे: बंगालचा उपसागर आणि आंध्र प्रदेशाच्या उत्तर भागात चक्राकार वाऱ्यांची स्थिती तयार झाली आहे. याचा परिणाम राज्यातील वातावरणावर होत आहे. राज्यातील बहुतांशी भागात ऊन-सावल्यांचा खेळ सुरू आहे. आज (ता. २४) राज्यात काही प्रमाणात पावसाची उघडीप राहणार आहे. उद्या (ता. २५) राज्यातील काही भागांत हलका ते मध्यम पाऊस पडण्याचा अंदाज हवामान विभागाच्या सूत्रांनी वर्तविला आहे.

अरबी समुद्र आणि गुजरातच्या परिसरात असलेल्या चक्रीवादळ ओमानच्या दिशेने सरकत आहे. हे चक्रीवादळ गुजरातमधील वेरावल वायव्येकडे १५० किलोमीटर, तर पाकिस्तानमधील कराचीपासून आग्नेयेकडे ६१० किलोमीटर, तर ओमानमधील मस्कतपासून आग्नेयेकडे १२२० किलोमीटर अंतरावर आहे. या चक्रीवादळाची तीव्रता आज वाढणार असून, पुढील तीन दिवसांत ओमानकडे सरकेल. या चक्रीवादळाने राज्यातील काही भागांत असलेले बाष्प ओढून घेतल्याने राज्यात काही प्रमाणात पावसाने उघडीप दिली आहे. मात्र, उत्तराखंड ते राजस्थान या दरम्यान कमी दाबाचे क्षेत्र तयार होत असून, ते पंजाबकडे सरकत आहे. यामुळे काही भागांत हलक्या स्वरूपाचा पाऊस पडत आहे. 

राज्यात सोमवारी (ता. २३) दिवसभर कोकण व मध्य महाराष्ट्रात अंशतः हवामान ढगाळ होते. तर मराठवाडा व विदर्भात ऊन चटका वाढलेला होता. सोमवारी सकाळी आठ वाजेपर्यंतच्या चोवीस तासांत सोलापूर येथे ३४.७ अंश सेल्सिअस एवढ्या कमाल तापमानाची नोंद झाली होती. पुणे, कोल्हापूर, मुंबई, डहाणू, परभणी, ब्रह्मपुरी येथील कमाल तापमानातही वाढ झाली होती. उर्वरित भागात कमाल तापमान सरासरीएवढेच होते. तर ढगाळ हवामानामुळे काही ठिकाणी पावसाच्या हलक्या सरी पडल्या. 

मराठवाड्यातील परळी वैजनाथ येथे ६० मिलिमीटर पाऊस झाल्याची नोंद झाली आहे. तर पाथरी, गेवराई, अंबड, मंठा, मानवत येथेही मध्यम स्वरूपाचा पाऊस पडला. तर, कोकणातही सुधागडपाली येथे ४२ मिलिमीटर पाऊस पडला. काही ठिकाणी हलका पाऊस पडला. तर मध्य महाराष्ट्रातही तुरळक ठिकाणी हलक्या स्वरूपाच्या सरी बरसल्या. विदर्भातही बाळानगर येथे ४५.६ मिलिमीटर पाऊस पडला. तर बार्शी टाकळी, मलकापूर, कुरखेडा, तुमसर येथेही हलका पाऊस पडला.

सोमवारी (ता. २३) सकाळी आठ वाजेपर्यंत पडलेला पाऊस, मिलिमीटरमध्ये (स्रोत हवामान विभाग) 
कोकण ः भिरा ५, मानगाव ८, माथेरान ६.२, पोलादपूर १६, सुधागडपाली ४२, गुहागर ९, खेड १२, संगमेश्वर देवरूख १४, 
मध्य महाराष्ट्र ः राहुरी १०.६, श्रीरामपूर २९, धुळे ८, गिधडे ४१, सिंदखेडा ४, भडगाव ४, बोदवड ६, चोपडा १७.१, दहिगाव १३.२, पाचोरा ४, रावेर ४, गगनबावडा ३८, नंदुरबार १३, नवापूर, तळोदा ४, गिरना ६.४, इगतपुरी ४, सटाना ५, वेल्हे ४, 
मराठवाडा ः पैठण ९, फुलंब्री १७, गेवराई ३६, परळी वैजनाथ ६५, वडवानी ४, अंबड २६, बदनापूर ९, भोकरदान १७, मंठा ३६, परतूर १८, गंगाखेड २९, मानवत ४०, पाथरी ६०, सेलू २५, सोनपेठ १८,
विदर्भ ः अकोला १८.१, अकोट ८.३, बाळापूर ४५.६, बार्शीटाकळी ३६.१, धामणगाव ८.३, साकोळी १०.४, तुमसर १७.४, खामगाव १२.६, मलकापूर २७.३, मोताळा १०.५, नांदुरा ७.८, संग्रामपूर ४.२, चिमूर ३.८, गोंडपिंप्री ६.७, कोपर्णा ७.८, मूल ३.३, अहिरी १०.४, अरमोरी ७.३, देसाईगंज, धानोरा ११, गडचिरोली ४.६, कुरखेडा २७.१, अर्जुनी मोरगाव ७.८, गोंदिया ४.१, सडकअर्जुनी ८.१, मंगळूरपीर ७.८, वणी ६.६.


इतर अॅग्रो विशेष
उत्तर भारतात मॉन्सूनची प्रगती पुणे : उत्तर भारतात मॉन्सूनला प्रगतीसाठी पोषक...
सोमवारपासून पावसाचा प्रभाव कमी होणार पुणे : दक्षिण कोकण व मध्य महाराष्ट्रात पावसाने...
कृषी परिषदेत संचालक नेमण्यासाठी मुहूर्त...पुणे ः राज्याच्या कृषी संशोधनाला चालना देण्यासाठी...
कोकणात जोरदार पाऊसपुणे : कोकणातील बहुतांशी भागांत पावसाने चांगलेच...
‘एफआरपी’चा अभ्यास सुरू पुणे ः राज्यातील ऊस उत्पादक शेतकऱ्यांना दिल्या...
‘क्रॉपसॅप’ प्रकल्पात १७ पिकांचा समावेश पुणे ः राज्यात यंदा पिकांवरील कीड-रोग सर्वेक्षण व...
‘पशुसंवर्धन’च्या योजनांसाठी केंद्राकडून...पुणे ः पशुसंवर्धनाबरोबरच दूध आणि प्रक्रिया उद्योग...
पीककर्ज व्याज सवलत योजनेस ३० जूनपर्यंत...अकोला : शेतकऱ्यांनी खरीप हंगामासाठी पेरणीच्या आधी...
काळ्या भाताच्या लागवडी तथ्य तपासूनच...नाशिक : सध्या राज्याच्या विविध भागांत अनेक शेतकरी...
‘एक राज्य एक ब्रँड’ धोरण स्वीकारा;...औरंगाबाद : अनिष्ट ब्रँड वार रोखण्यासाठी एक राज्य...
बहुमजली, शाश्‍वत, नैसर्गिक शेती पद्धती...मध्य प्रदेशातील तिली (जि. सागर) येथील आकाश...
विदर्भात मुसळधारेची शक्यता पुणे : उत्तरेकडे मॉन्सून गेल्यानंतर राज्यातील...
दूधप्रश्‍नी शेतकरी आक्रमक; राज्यभरात...नगर ः दुधाला दर मिळावा यासाठी गुरुवारी (ता. १७)...
‘द्राक्ष क्लस्टर’मध्ये नाशिकचा समावेश नाशिक : केंद्र सरकारने देशभरात विविध ५३ पिकांचे...
सूक्ष्म अन्न उद्योग उन्नयन योजनेला गती...पुणे ः पंतप्रधान सूक्ष्म अन्न उद्योग उन्नयन योजना...
कोकणसह कोल्हापुरात पावसाने दाणादाण पुणे : कोकणातील सिंधुदुर्ग, रत्नागिरी, रायगड,...
पुनर्रचित हवामान आधारित फळपीक विम्याचे...सोलापूर ः राज्यातील फळबागांसाठी असलेल्या...
सिंधुदुर्ग पूरस्थितीच्या उंबरठ्यावरसिंधुदुर्गनगरी ः जिल्ह्यात सुरू असलेल्या मुसळधार...
राज्यात कांदा प्रतिक्विंटल ५०० ते २३००...अकोल्यात प्रतिक्विंटल ६०० ते १६०० रुपये अकोला ः...
खानदेशातील आवार प्रगतीवर स्वारआवार (ता.जि. जळगाव) हे कापूस, दादर ज्वारीसाठी...