तुरळक ठिकाणी पावसाचा अंदाज

तुरळक ठिकाणी पावसाचा अंदाज
तुरळक ठिकाणी पावसाचा अंदाज

पुणे ः मराठवाडा व विदर्भाच्या काही भागांत हवामान अंशत: ढगाळ आहे. आज (ता. ३) ही स्थिती कायम राहणार असून, तुरळक ठिकाणी पाऊस पडण्याची शक्यता आहे. तर, उद्यापासून (ता. ४) हवामान कोरडे राहील. त्यामुळे पुन्हा थंडीत वाढ होण्याचा अंदाज आहे. गुरुवारी सकाळी निफाड येथे १०.० अंश सेल्सिअस किमान तापमानाची नोंद झाली असल्याचे हवामान विभागाच्या सूत्रांनी सांगितले.  राज्यात गेल्या तीन ते चार दिवसांपूर्वी विदर्भात थंडी वाढली होती. त्यानंतर अचानक हवामानात बदल होऊन ढगाळ वातावरण तयार झाले. गुरुवारी पहाटेपासून यवतमाळ जिल्ह्यातील पुसद, घाटंजी, महागाव, कासारबेहल या परिसरात अवकाळी पावसाने हजेरी लावली. अकोला जिल्ह्यामधील अकोट व तेल्हारा, हिंगोली जिल्ह्यात अनेक ठिकाणी पाऊस पडला. परभणी जिल्ह्यातही अनेक ठिकाणी हलका ते मध्यम स्वरूपाचा पाऊस झाला.  नागपूर जिल्ह्यातही सकाळी पावसाने हजेरी लावली. वर्धा व हिंगोली जिल्ह्यातही तुरळक ठिकाणी अवकाळी पाऊस झाला. नांदेडमधील रूई परिसरातही वादळी वाऱ्यासह पाऊस झाला. गोंदिया, चंद्रपूर जिल्ह्यातीही काही भागात काही अंशी हवामान ढगाळ होते. मराठवाड्यातील औरंगाबाद, बीड, जालना याभागात काही प्रमाणात ढगाळ हवामानाची स्थिती होती. तर अधूनमधून ऊन पडत होते. कोकण, मध्य महाराष्ट्रात हवामान कोरडे असून ऊन पडल्याची स्थिती होती. त्यामुळे या भागात काही प्रमाणात थंडी होती.     गुरुवारी (ता.२) सकाळी आठ वाजेपर्यंतच्या चोवीस तासांतील विविध ठिकाणचे किमान तापमान, अंश सेल्सिअसमध्ये, कंसात वाढ, घट ः अकोला १४.२, अलिबाग १८.१, अमरावती १४.२, औरंगाबाद १५.७, बुलढाणा १५.४, चंद्रपूर १०.६, डहाणू १८.१, गोंदिया १४.६, जळगाव १८.०, कोल्हापूर १७.२, महाबळेश्वर १३.२, मुंबई १८.५, नागपूर १२.३, नांदेड १७.०, नाशिक ११.६, मालेगाव १५.८, निफाड १०.०, परभणी १७.६, परभणी कृषी विद्यापीठ १७.९, पुणे १२.७, रत्नागिरी १९.१, सांगली १६.६, सातारा १२.२, सोलापूर २१.९, वर्धा १५.४, वाशीम १५.०, यवतमाळ १४.४  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com