राज्यात सर्वदूर पावसाचा अंदाज

पुणे : पोषक हवामान झाल्यानंतर राज्याच्या अनेक भागांत मध्यम ते जोरदार पावसाने हजेरी लावली आहे. कोकण, मध्य महाराष्ट्र, मराठवाड्यात तुरळक ठिकाणी अतिवृष्टी झाली आहे. पुढील दोन दिवस राज्यात सर्वदूर हलक्या ते मध्यम पावसाचा अंदाज आहे, तर कोकण, मध्य महाराष्ट्र, विदर्भात तुरळक ठिकाणी मुसळधार पावसाची शक्यता हवामान विभागाने वर्तविली आहे.  बंगालच्या उपसागरात सोमवारपर्यंत कमी दाबाचे क्षेत्र तयार होण्याचे संकेत आहेत. तर मॉन्सूनचा आस असलेला कमी दाबाचा पट्टा दक्षिणेकडे सरकला असल्याने राज्यात पाऊस सुरू झाला असून, काही ठिकाणी मुसळधार हजेरी लावली आहे. मध्य महाराष्ट्रातील गिरणा धरण येथे सर्वाधिक १०३ मिलिमीटर पावसाची नोंद झाल्याचे हवामान विभागातर्फे सांगण्यात आले.  पावसाच्या हजेरीने तापमानात चढ-उतार होत असून, उकाडा कमी झाला आहे. पावसाची दडी असलेल्या भागात मात्र उन्हाचा चटका वाढला आहे. शनिवारी (ता. ३१) सकाळपर्यंतच्या २४ तासांमध्ये सोलापूर येथे सर्वाधिक ३५.१ अंश सेल्सिअस, तर नांदेड येथे ३५ अंश सेल्सिअस तापमानाची नोंद झाली. आज (ता. १) कोकणातील रत्नागिरी, सिंधुदुर्ग, मध्य महाराष्ट्रातील पुणे व सातारा जिल्ह्यांचा घाटमाथा, विदर्भातील भंडारा, चंद्रपूर, गडचिरोली, गोंदिया, नागपूर जिल्ह्यांत तुरळक ठिकाणी मुसळधारेची शक्यता  आहे. 

शनिवारी (ता. ३१) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलिमीटरमध्ये (स्रोत - हवामान विभाग) : 

कोकण : कुलाबा ३२, डहाणू २०, वसई ३७, विक्रमगड ३२, अलिबाग ६६, भिरा ३३, कर्जत ३२, खालापूर ७९, महाड ३१, माणगाव ३८, माथेरान ९६, म्हसळा ५७, मुरूड ४५, पनवेल ७१, पेण ५५, पोलादपूर ३७, रोहा ४१, श्रीवर्धन ४२, सुधागड ६६, तळा ३५, हर्णे ३१, खेड ३२, लांजा २०, मंडणगड ३०, रत्नागिरी ४८, संगमेश्वर २५, दोडमार्ग ३२, कणकवली ४४, मुलदे ३४, सावंतवाडी ३१, वैभववाडी २६, अंबरनाथ ४६, मुरबाड २९, उल्हासनगर ५१. 

मध्य महाराष्ट्र : पाथर्डी ३०, चाळीसगाव ५१, चोपडा २२, रावेर २९, गगणबावडा ७२, राधानगरी ३७, शाहूवाडी २५, गिरणा धरण १०६, इगतपुरी ४८, नांदगाव ३२, लोणावळा कृषी ६७, महाबळेश्‍वर ५६. 

मराठवाडा : औरंगाबाद २४, कन्नड ३६, पैठण ३३, फुलांब्री ३५, बीड २०, गेवराई ४५, शिरूर कासार २९, वाडवणी ४०, वसमत २२, आंबड ५३, बदनापूर ४५, भोकरदन ७७, घनसांगवी ६२, जाफराबाद २३, जालना ७५, मंथा २२, पातूर ६३, अहमदपूर ५३, चाकूर ४४, देवणी २३, जळकोट २५, निलंगा ५०, शिरूरअनंतपाळ २०, उदगीर ४२, बिलोली २०, धर्माबाद ३९, कंधार ५०, लोहा ५५, माहूर ५०, मुदखेड २१, नायगावखैरगाव ५२, उमरी ४३, लोहारा ५३, तुळजापूर २८, उमरगा २८, गंगाखेड ४२, परभणी २३, पूर्णा ४७. 

विदर्भ : चांदूर रेल्वे २५, लाखंदूर २०, भद्रावती ३५, चंद्रपूर ३६, गोंडपिंपरी ३४, मूल २८, सिंदेवाही ४७, देसाईगंज ३८, कुरखेडा २०, अर्जुनी मोरगाव २४, सालकेसा ३१, हिंगणा ३३, कामठी २४, कुही ४०, नागपूर २१, नरखेडा ५१, पारशिवणी ३४, रामटेक ५२, रिसोड २३, उमरखेड २९. 

घाटमाथा : कोयना नवजा १००, खोपोली ताम्हिणी प्रत्येकी ८०, आंबोणे दावडी प्रत्येकी ७०, डुंगरवाडी, लोणावळा प्रत्येकी ६०, वळवण ५०, शिरगाव, वाणगाव, खंद प्रत्येकी ४०