agriculture news in Marathi rain possibility in state Maharashtra | Agrowon

'निवार’ चक्रीवादळाचा प्रभाव; राज्यात पावसाची शक्यता

टीम अॅग्रोवन
गुरुवार, 26 नोव्हेंबर 2020

बंगालच्या उपसागरात पूर्व किनाऱ्याकडे सक्रिय असलेले अतितीव्र ‘निवार’ चक्रीवादळ बुधवारी (ता. २५) रात्री उशिरापर्यंत तमिळनाडू आणि पुद्दुचेरीच्या पूर्व किनारपट्टीला धडकले आहे.

पुणे ः बंगालच्या उपसागरात पूर्व किनाऱ्याकडे सक्रिय असलेले अतितीव्र ‘निवार’ चक्रीवादळ बुधवारी (ता. २५) रात्री उशिरापर्यंत तमिळनाडू आणि पुद्दुचेरीच्या पूर्व किनारपट्टीला धडकले आहे. या वादळीप्रणालीमुळे पूर्व किनारपट्टीवर ढगांची दाटी झाली असून, जोरदार वाऱ्यांसह पाऊस पडत आहे. ‘निवार’ चक्रीवादळाचा महाराष्ट्रातही प्रभाव जाणवणार असून, ढगाळ हवामानासह हलक्या पावसाची शक्यता वर्तविण्यात आली आहे.

दक्षिण भारतालगतच्या समुद्रात वादळामागून वादळांची साखळी सुरू आहे. आग्नेय अरबी समुद्रात तयार झालेले कमी दाब क्षेत्र पश्‍चिमेकडील सोमालिया देशाकडे सरकताना त्याचे ‘गती’ चक्रीवादळात रूपांतर झाले होते. हे वादळ सोमालियाच्या रास बिन्नाहजवळ निवळून गेले. ‘गती’ तीव्र चक्रीवादळ निवळतेय, तोच बंगालच्या उपसागरात तमिळनाडूच्या किनाऱ्यालगत मंगळवारी (ता.२४) ‘निवार’ चक्रीवादळ तयार झाले आहे.

‘निवार’ चक्रीवादळ बुधवारी (ता. २५) दुपारी कुड्डलोरपासून २४० किलोमीटर, पुद्दुरीपासून २५० किलोमीटर, तर चेन्नईपासून ३०० किलोमीटर आग्नेयेकडे समुद्रात घोंघावत होते. ही प्रणाली बुधवारी मध्यरात्री तमिळनाडू आणि पुद्दुचेरीच्या कराईकल आणि ममल्लापुरमलगत किनाऱ्याला धडकून कर्नाटककडे सरकत आहेत. हे वादळ किनाऱ्याला धडकताना अतितीव्र होऊन ताशी १२० ते १३० किलोमीटर वेगाने वारे वाहून, मुसळधार पावासाचा इशारा देण्यात आला आहे. 

ढगाळ हवामानसह, पावसाची शक्यता
गेल्या काही दिवसांपासून ईशान्य मोसमी वारे (ईशान्य मॉन्सून) सक्रिय असल्याने दक्षिण भारतातील राज्यांमध्ये पाऊस पडत आहे. यातच पूर्वेकडील वाऱ्यांमुळे राज्याच्या विविध भागांत पावसाने हजेरी लावली. उत्तरेकडील थंड वाऱ्यांना अडथळे निर्माण झाल्याने राज्यात अद्यापही थंडीची प्रतीक्षा आहे. ‘निवार’ वादळीप्रणालीच्या प्रभावामुळे गुरुवार (ता. २६) ते शनिवार (ता. २८) या काळात सांगली, सोलापूर, नांदेड, लातूर, उस्मानाबाद, अकोला, अमरावती, भंडारा, चंद्रपूर, गडचिरोली, गोंदिया, नागपूर, वर्धा, वाशीम, यवतमाळ या जिल्ह्यांत पावसाची शक्यता आहे. तर उर्वरित राज्यात ढगाळ हवामानाचा अंदाज हवामान विभागाने वर्तविला आहे.

बुधवारी (ता.२५) सकाळपर्यंत विविध शहरांतील किमान तापमान, कंसात वाढ, घट झालेले तापमान. (अंश सेल्सिअस) ः मुंबई (सांताक्रूझ) २१.६ (१), अलिबाग २१.४ (१), ठाणे २३.२, रत्नागिरी २२.१ (१), डहाणू २२.२ (२), पुणे १७.५ (४), जळगाव १५ (२), कोल्हापूर १८.१ (१), महाबळेश्‍वर १४.६ (१), मालेगाव १७.८ (५), नाशिक १६.९ (५), निफाड १५.५, सांगली १६.९ (१), सातारा १५.८ (१), सोलापूर १६ (-१), औरंगाबाद १४.९ (२), परभणी १२.२ (-३), परभणी कृषी विद्यापीठ ९, नांदेड १५ (१), उस्मानाबाद १७ (३), अकोला १६.२ (१), अमरावती १३.७ (-३), बुलडाणा १५.४ (-१), चंद्रपूर १६.२ (१), गोंदिया १२.४ (-३), नागपूर १३.३ (-१), वर्धा १३.५ (-२), यवतमाळ १३.५ (-२).


इतर बातम्या
निर्णय आता तुमच्या हाती : केंद्र सरकारनवी दिल्ली ः शेतकरी नेते ‘कृषी कायदे रद्द करणे...
शेतमाल निर्यात खर्च झाला दुप्पट नाशिक : लंडनमध्ये डिसेंबरअखेर कोरोनाचा नव्या...
सोलापूरच्या 'एक जिल्हा, एक पीक'साठी...सोलापूर : केंद्र पुरस्कृत आत्मनिर्भर भारत...
बाळापुरात आढळले ४१ पक्षी मृतावस्थेतअकोला : जिल्ह्यात बाळापूर तालुक्यातील नकाशी येथे...
सांगलीत पंचेचाळीस लाख क्विंटल साखर...सांगली : जिल्ह्यात यंदा १५ सहकारी व खासगी...
बर्ड फ्लूने १३ हजार पक्ष्यांचा मृत्यू पुणे : राज्यातील काही जिल्ह्यांमध्ये बर्ड फ्लू...
कृषिपंपाच्या थकबाकीची आता ऊसबिलातून...सोलापूर :  कधी दुष्काळ, कधी अतिवृष्टी आणि...
थंडी कायम राहण्याची शक्यता पुणे ः कोरड्या झालेल्या वातावरणामुळे राज्यातील...
`मृत पक्ष्यांत नाही ‘बर्ड फ्लू’चा...नाशिक : ‘बर्ड फ्लू’च्या पार्श्वभूमीवर जिल्ह्यात...
मुंबईकडे झेपावणार `लाल वादळ’ नाशिक : दिल्ली येथे सुरू असलेल्या शेतकरी...
नाशिक जिल्ह्यात पीककर्जाची प्रतीक्षाचनाशिक : जिल्ह्यात रब्बी हंगामासाठी पीक...
अण्णा आंदोलनाच्या निर्णयावर ठाम नगर : ‘‘अण्णा, तुमचे वय पाहता तुम्ही उपोषण करू...
चंद्रपूर जिल्ह्यात धानाचे रखडले २८...चंद्रपूर ः धानाला हमीभावासोबतच बोनस दिला जात आहे...
गडचिरोलीत अतिवृष्टिग्रस्तांसाठी...गडचिरोली ः जिल्ह्यात जून ते ऑक्‍टोंबर दरम्यान...
बीज बँक चळवळ देशभर व्हावी ः राहीबाई...अकोले, जि. नगर ः पैशाच्या बँका गल्लोगल्ली भेटतील...
विकासाची दारे यशवंतरावांंमुळे खुली :...कोल्हापूर : महाराष्ट्राचा चेहरा मोहरा बदलून...
साखरेच्या दरवाढीसाठी केंद्राकडे...कोल्हापूर : केंद्राने इथेनॉलची किंमत वाढविली, पण...
माहूरच्या कुंडातील पाणी सर्वोत्तमनांदेड ः ‘गोदावरी नदी संसद’ परिवारामार्फत नांदेड...
जगभरातील कृषी तंत्रज्ञान पाहण्याची संधी...माळेगाव, जि. पुणे ः शेतकऱ्यांना जगभरातील कृषी...
शेतकरी मागण्यांवर ठाम; ट्रॅक्टर रॅलीही...नवी दिल्ली : प्रजासत्ताक दिनी दिल्लीत ट्रॅक्‍टर...