agriculture news in marathi, Rain prediction in Kokan, Central Maharashtra, Marathwada | Agrowon

कोकण, मध्य महाराष्ट्र, मराठवाड्यात पावसाचा अंदाज

टीम अॅग्रोवन
गुरुवार, 23 मे 2019

पुणे : उन्हाचा चटका वाढल्याने राज्यातील १२हून अधिक ठिकाणी उष्ण लाट आली आहे. तर तापमान ४५ अंशांच्या पुढे गल्याने चंद्रपूर, ब्रह्मपुरी, वर्धा, नागपूर, परभणी, सोलापूर, अमरावती अक्षरश: भाजून निघत आहे. बुधवारी (ता. २२) चंद्रपूर येथे देशातील उच्चांकी ४६.६ अंश सेल्सिअस तापमान नोंदले गेले आहे. उन्हामुळे होरपळ होत असतानाच कोकण, मध्य महाराष्ट्र, मराठवाड्यात पूर्वमोसमी पावसाचा अंदाज हवामान विभागाने वर्तविला आहे. 

पुणे : उन्हाचा चटका वाढल्याने राज्यातील १२हून अधिक ठिकाणी उष्ण लाट आली आहे. तर तापमान ४५ अंशांच्या पुढे गल्याने चंद्रपूर, ब्रह्मपुरी, वर्धा, नागपूर, परभणी, सोलापूर, अमरावती अक्षरश: भाजून निघत आहे. बुधवारी (ता. २२) चंद्रपूर येथे देशातील उच्चांकी ४६.६ अंश सेल्सिअस तापमान नोंदले गेले आहे. उन्हामुळे होरपळ होत असतानाच कोकण, मध्य महाराष्ट्र, मराठवाड्यात पूर्वमोसमी पावसाचा अंदाज हवामान विभागाने वर्तविला आहे. 

राज्यात बहुतांशी ठिकाणी तापमान चाळीशी पार गेल्याने, उन्हाचा ताप असह्य होत आहे. मध्य महाराष्ट्रातील पुणे, सांगली, सातारा, कोल्हापूर, मराठवाड्यातील उस्मानाबाद, परभणी, तर विदर्भातील अकोला, अमरावती, ब्रह्मपुरी, चंद्रपूर, नागपूर, वर्धा येथे उष्ण लाट आहे. ही उष्ण लाट आणखी काही दिवस कायम राहणार आहे. सायंकाळनंतर होत असलेल्या ढगाळ हवामानामुळे कोकणातील सिंधुदूर्ग, मध्य महाराष्ट्रातील कोल्हापूर, सांगली, मराठवाड्यातील लातूर आणि परिसरात आज (ता. २३) वादळी पावसाचा अंदाज हवामान आहे.

बुधवारी (ता.२२) सकाळी साडेआठ वाजेपर्यंतच्या २४ तासांत राज्यातील विविध ठिकाणचे कमाल तापमान, कंसात सरासरीच्या तुलनेत वाढ, घट (अंश सेल्सिअसमध्ये) : पुणे ४१.१ (४.९), जळगाव ४४.० (१.७), कोल्हापूर ३७.३(२.४), महाबळेश्वर ३४.४ (५.०), नाशिक ४०.१ (२.७), सांगली ४४.४ (५.०), सातारा ४१.४ (६.७), सोलापूर ४५.१(५.१), अलिबाग ३३.९ (०.७), डहाणू ३५.१ (०.७), सांताक्रूझ ३४.० (०.५), रत्नागिरी ३२.८ (-०.१), औरंगाबाद ४२.६ (३.४), नांदेड ४४.५ (३.०), परभणी ४५.६ (३.८), उस्मानाबाद ४४.४ (५.६), अकोला ४२.२ (३.३), अमरावती ४५.० (३.०), बुलडाणा ४३.० (५.१), बह्मपुरी ४६.५ (३.९), चंद्रपूर ४६.६ (३.४), गोंदिया ४४.४ (१.७), नागपूर ४५.६ (२.८), वाशीम ४३.०, वर्धा ४६.४ (३.६), यवतमाळ ४४.५(२.८). 

उन्हाने होरपळलेली ठिकाणे : चंद्रपूर ४६.६, ब्रह्मपरी ४६.५, वर्धा ४६.४, नागपूर ४५.६, परभणी ४५.६, सोलापूर ४५.१, अमरावती ४५. 

वादळी पाऊस, गारपिटीने नुकसान
उन्हाने होरपळ वाढली असताना, सायंकाळनंतर ढग गोळा होऊन सांगली, सिंधुदूर्ग, परभणीमध्ये वादळी वाऱ्यासह पावसाने हजेरी लावली, सांगलीतील मिरज, तासगावात गारपीटही झाली. तासगाव तालुक्यात द्राक्ष बागांना गारपिटीचा जबर तडाखा बसला. सावळज परिसरात ३ हजार एकर द्राक्ष बागेचे मोठ्या प्रमाणात नुकसान झाले. सिंधुदुर्गातील काही तालुक्यांमध्ये विजांच्या कडकडाटांसह वादळी पाऊस झाला. पावसामुळे आंबा पिकांचे नुकसान होण्याची शक्यता आहे.

मॉन्सून जैसे थे
नैर्ऋत्य मोसमी वाऱ्यांनी (मॉन्सून) शनिवारी (ता. १८) दक्षिण अंदमान समुद्र आणि निकोबार बेटे, दक्षिण बंगालच्या उपसागराच्या काही भाग व्यापला, मात्र त्यानंतर बुधवारपर्यंत (ता. २२) पाच दिवस मॉन्सूनची कोणतही वाटचाल झाली नाही. मॉन्सूनची प्रगती जैसे थे असून, दोन ते तीन दिवसांत उत्तर अंदमानापर्यंत मॉन्सूनची प्रगती होण्यास पोषक हवामान असल्याचे हवामान विभागाने स्पष्ट केले आहे.


इतर बातम्या
पोपटराव पवार, राहिबाई पोपेरे यांना...नवी दिल्ली : केंद्र सरकारकडून शनिवारी (ता. २५)...
कोयना धरणाच्या पोटात होणार आणखी एक धरणकोयनानगर, जि. सातारा ः येथील कोयना धरणाची...
मराठवाड्यातील चार जिल्ह्यांत केवळ १४...औरंगाबाद : संकटांशी दोन हात करून आपली शेती जिवंत...
पुणे जिल्हा परिषदेचा ‘एक पुस्तक' पॅटर्न...पुणे : विद्यार्थ्यांच्या दप्तराचे ओझे कमी...
लातूर, उस्मानाबादमध्ये २० तूर खरेदी...लातूर : लातूर व उस्मानाबाद जिल्ह्यात हमी...
शेती करताना जैवविविधता जोपासणे आवश्यक...नाशिक : वाढत्या लोकसंख्येचा भार कृषी क्षेत्रावरही...
अकोला : तूर विक्रीसाठी ऑनलाइन नोंदणीत...अकोला  ः शासनाकडून हमी भावाने तूर खरेदीसाठी...
खानदेशात रब्बीत अत्यल्प पीक कर्जवाटपजळगाव ः खानदेशात रब्बी हंगामातील पेरण्या जवळपास...
वटवाघळांचा मोर्चा आता द्राक्ष बागांकडेपुणे: वटवाघळांची वस्तीस्थाने आणि अधिवास...
भंडारा : शेतकरी किसान सन्मानच्या...भंडारा ः पंतप्रधान किसान सन्मान योजनेला वर्षभराचा...
कवठेमहांकाळ तालुक्यात पाणीसाठ्यात वाढसांगली  ः कवठेमहांकाळ तालुक्यात ऑक्टोबर...
खानदेशात कांदा लागवड सुरूचजळगाव ः खानदेशात कांदा लागवड सुरूच असून, सुमारे...
सोलापूर जिल्हा बॅंकेकडून ४३ हजार...सोलापूर : महात्मा जोतिराव फुले शेतकरी कर्जमुक्ती...
सांगोल्यात डाळिंब व्यापाऱ्याला पुन्हा...सांगोला, जि. सोलापूर : सांगोल्यातील एका...
लोकशाहीच्या बळकटीसाठी मतदानाला महत्त्व...नगर : ‘‘भारत हा जगातील सर्वांत मोठी लोकशाही...
विजेबाबतच्या समस्या निकाली काढा : डॉ....बुलडाणा  : विजेच्या बाबत नागरिकांना अनेक...
चाळीसगाव : किसान सन्मानच्या लाभापासून...चाळीसगाव, जि. जळगाव ः शासनाकडून राबविण्यात...
जिल्हा परिषदांचे तलाव मासेमारीसाठी खुले...मुंबई : राज्यातील ग्रामविकास विभागांतर्गत जिल्हा...
खानदेशात तूर नोंदणीला प्रतिसादजळगाव  ः जिल्ह्यात तूर नोंदणीसंबंधी १०...
नागपूर जिल्ह्यात रब्बीच्या क्षेत्रात...नागपूर : मॉन्सूनोत्तर पावसाने खरीप पिकाचे चांगलेच...