रत्नागिरी, सिंधुदुर्गमध्ये पावसाचा अंदाज

हवामान अंदाज
हवामान अंदाज

पुणे: मध्य भारतातील कमी दाबक्षेत्रामुळे विदर्भात जोरदार, उत्तर महाराष्ट्र, मराठवाड्यात हलक्या ते मध्यम पावसाने हजेरी लावली आहे. सोमवारी (ता. २६) सकाळपर्यंतच्या २४ तासांमध्ये विदर्भात काही ठिकाणी जोरदार पाऊस झाला. गडचिरोलीतील अरमोरी येथे १०० मिलिमीटर पावसाची नोंद झाली. आज (ता. २७) राज्यात हलक्या पावसाची शक्यता असून, कोकणातील रत्नागिरी, सिंधुदुर्ग जिल्ह्यात तुरळक ठिकाणी जोरदार पावसाचा अंदाज हवामान विभागाने वर्तविला आहे.  मध्य प्रदेशात असलेले कमी दाबाचे क्षेत्र मॉन्सूनचा आस असलेल्या कमी दाबक्षेत्रात मिसळून गेले आहे, तर बुधवारी (ता. २८) बंगालच्या उपसागरात नवीन कमी दाबाचे क्षेत्र तयार होण्याचे संकेत आहेत. तापमानातही चढ-उतार सुरूच असून, विदर्भ, उत्तर महाराष्ट्रात तापमान ३० अंशांच्या खाली घसरले आहे. सोलापूर येथे सर्वाधिक ३३.३ अंश सेल्सिअस तापमान नोंदले गेले. आज (ता. २६) दक्षिण कोकणातील रत्नागिरी, सिंधुदुर्ग जिल्ह्यात तुरळक ठिकाणी जोरदार पाऊस पडण्याचा अंदाज आहे, तर राज्याच्या बहुतांशी भागात हलक्या पावसाची शक्यता आहे.   सोमवारी (ता. २६) सकाळपर्यंतच्या २४ तासांमध्ये राज्यात विविध ठिकाणी पडलेला पाऊस, मिलिमीटरमध्ये (स्रोत - हवामान विभाग) : कोकण : उल्हासनगर, अंबरनाथ प्रत्येकी ३०, खालापूर, कर्जत, माथेरान प्रत्येकी २०, हर्णेख मानगाव, मंडणगड, सावंतवाडी, वसई, मुरूड, सुधागड, मुरबाड, कल्याण, जव्हार, वैभववाडी, कुडाळ प्रत्येकी १०. मध्य महाराष्ट्र : मुक्ताईनगर ४०, नगर, इगतपुरी, रावेर प्रत्येकी ३०, लोणावळा २०, महाबळेश्वर, भुसावळ, जळगाव प्रत्येकी १०, मराठवाडा : वाडवणी, पाटोदा, बीड प्रत्येकी ३०, निलंगा, रेनापूर, उस्मानाबाद, चाकूर प्रत्येकी २०, आंबेजागाई, केज, मुखेड, शिरूर कासार, उदगीर प्रत्येकी १०. विदर्भ : अरमोरी १००, समुद्रपूर ९०, ब्रह्मपुरी ८०, सेलू, चिखलदरा, चिमूर, नागभिड, कुरखेड, पवनी प्रत्येकी ७०, देसाईगंज, सिंदेवाही, धानोरा प्रत्येकी ६०, गोंदिया, कामठी, भिवापूर प्रत्येकी ५०, गडचिरोली, आर्वी, वर्धा, अर्जुनी मोरगाव, चांदूरबाजार, अमरेड, मूल, पारशिवणी, लाखंदूर, धारणी, सावळी प्रत्येकी ४०, काटोल, खारंघा, सावनेर, परतवाडा, गोंडपिंपरी, तिवसा, एटापल्ली, मलकापूर, वरोरा, नरखेडा, सिरोंचा, खामगाव, मोर्शी प्रत्येकी ३०. घाटमाथा : शिरगाव ३०, लोणावळा २०.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com