agriculture news in Marathi rain in Pune and Nashik District Maharashtra | Agrowon

पुणे, नाशिकमध्ये पावसाची दाणादाण

टीम अॅग्रोवन
मंगळवार, 23 मार्च 2021

राज्यातील अनेक भागांत गारपीटीसह अवकाळी पावसाने दाणादाण उडवली आहे. सोमवारी (ता.२२) दुपारनंतर पुणे, नाशिक जिल्ह्यातील अनेक भागांत वादळी वाऱ्यासह जोरदार पाऊस झाला.

पुणे : राज्यातील अनेक भागांत गारपीटीसह अवकाळी पावसाने दाणादाण उडवली आहे. सोमवारी (ता.२२) दुपारनंतर पुणे, नाशिक जिल्ह्यातील अनेक भागांत वादळी वाऱ्यासह जोरदार पाऊस झाला. पावसामुळे शेतात उभ्या असलेल्या पिकांच्या नुकसानीत भर पडत आहे. 

मराठवाडा व विदर्भात मागील तीन दिवस गारपीटीने चांगलेच नुकसान केले. त्यापाठोपाठ मध्य महाराष्ट्रातही अवकाळी पावसाचा प्रभाव वाढला आहे. सोमवारी सकाळपासून अंशतः ढगाळ वातावरण होते. त्यामुळे वाढलेला उन्हाचा चटका काहीसा कमी झाला असून कमाल तापमानातही बऱ्यापैकी घट झाली आहे. दुपारनंतर अचानक पुणे शहर व परिसरात जोरदार पाऊस पडला. शिरूर, भोर, खेड, पुरंदर या भागातही व पुणे शहराच्या उपनगरातही हवामान चांगलेच ढगाळ होते. 

काही ठिकाणी जोरदार वारे वाहत होते. नाशिक जिल्ह्यातील सटाणा तालुक्यातील पश्चिम भागात अंतापूर, ताहाराबाद, तळवाडे, पटावे भागातही हलक्या सरी पडल्या. तर वादळवारा वाहत असल्याने अडचणी वाढण्याची भीती शेतकऱ्यांपुढे आहे. अनेक भागात रविवारीही पाऊस व गारपीट झाल्याने नुकसान झाले आहे.    

आज गारपिटीचा इशारा
मध्य महाराष्ट्राच्या उत्तर भाग ते कर्नाटकाची किनारपट्टी या दरम्यान कमी दाबाचे क्षेत्र सक्रिय झाले आहे. यामुळे सोमवार (ता.२२) मध्य महाराष्ट्रातील धुळे, नंदुरबार, जळगाव, नाशिक, नगर, पुणे, कोल्हापूर, सातारा, सांगली, सोलापूर, औरंगाबाद, बीड, जालना, उस्मानाबाद, परभणी, नांदेड, लातूर, हिंगोली, अकोला, अमरावती, बुलडाणा या जिल्ह्यांत पुन्हा गारपीट होण्याचा इशारा दिला आहे. काही ठिकाणी ताशी ३० ते ४० किलोमीटर वेगाने वाहणार असून विजांच्या कडकडाट व मेघगर्जनेसह जोरदार पाऊस पडेल. इतर जिल्ह्यांत तुरळक सरी पडणार असून आज (ता.२३) अशीच स्थिती कायम राहणार आहे. गुरुवारपासून (ता.२५) राज्यात ढगाळ वातावरणाचा प्रभाव कमी होईल, असा अंदाज हवामान विभागाच्या सूत्रांनी वर्तविला.

सोमवारी (ता.२२) सकाळपर्यंतच्या २४ तासात विविध शहरातील कमाल तापमान अंश सेल्सिअसमध्ये ः

  • मुंबई (सांताक्रुझ) ३२.२
  • अलिबाग ३०.७  
  • रत्नागिरी ३२.९  
  • डहाणू ३३.४  
  • पुणे ३५.८
  • जळगाव ३६.२
  • कोल्हापूर ३६.५  
  • महाबळेश्वर ३०.८    
  • नाशिक ३५.१
  • सांगली ३५.१
  • सातारा ३४.५
  • सोलापूर ३७.४  
  • औरंगाबाद ३४.३
  • परभणी ३४.८
  • नांदेड ३७.५
  • अकोला ३५.७
  • अमरावती ३५.८
  • बुलडाणा ३३.६
  • ब्रम्हपुरी ३८.३
  • चंद्रपूर ३७.२  
  • गोंदिया ३५.४
  • नागपूर ३६.३
  • वर्धा ३६.०
     

इतर अॅग्रो विशेष
दिशा कार्यक्षम पूर व्यवस्थापनाची!महाराष्ट्र देशी सध्या अतिवृष्टी आणि ...
लातूरला सोयाबीन ९१४१ रुपये !लातूर ः येथील लातूर उच्चत्तम कृषी उत्पन्न  ...
कोकण, मध्य महाराष्ट्रात मुसळधार पावसाचा...पुणे : बंगालच्या उपसागराच्या उत्तर भागात चक्रिय...
पीक विम्यात चुकीचे प्रकार खपवून घेणार ...नाशिक: पीकविमा कंपन्यांकडून पाच पाच जिल्ह्यांसाठी...
केंद्राच्या काळ्या कायद्यांची आम्हाला...नवी दिल्ली ः कायद्याच्या प्रक्रियेतून न आलेल्या...
धरण क्षेत्रात पावसाची हजेरी पुणे : तीन दिवसांपासून राज्यातील धरणक्षेत्रात...
राज्यात दीड महिन्यांत धरणांत ३७३ टीएमसी...पुणे : राज्यातील बहुतांश भागात जुलैमध्ये पावसाने...
हजारो नुकसानग्रस्त दाव्यापासून वंचित नांदेड : अतिवृष्टी तसेच संततधार पावसामुळे...
कोल्हापुरात पुराचे पाणी ओसरू लागले कोल्हापूर : जिल्ह्यात पावसाने पूर्णपणे उघडीप दिली...
राज्याची फळबाग लागवड योजना बंद नगर ः फळबागेचे क्षेत्र वाढीसाठी राज्यात सध्या...
विना नांगरणी तंत्राने कपाशी, तुरीची शेतीदेवगाव (ता. पैठण, जि. औरंगाबाद) येथील प्रयोगशील,...
हिंमत, परिश्रमातून पूर्णाबाईंनी साधली...शिरेगाव (जि. नगर) येथील अल्पभूधारक पूर्णाबाई होन...
मानवनिर्मित आपत्ती!राज्यात बेफामपणे कोसळणाऱ्या पावसाने सगळीकडे एकच...
दोन लाख हेक्टरवरील पिकांचे नुकसानपुणे : राज्यातील बहुतांश भागांत पावसाने उघडीप...
मका पिकात अमेरिकन लष्करी अळीचा...शिरपूर, जि. धुळे : जिल्ह्यात अनेक भागांत मका...
कोकणात पावसाची शक्यता पुणे : बंगालचा उपसागरात तयार झालेल्या कमी दाब...
कोल्हापुरात नद्यांचे पाणी ओसरण्याऐवजी...कोल्हापूर : सलग दुसऱ्या दिवशी पावसाने विश्रांती...
शेतकरी संसदेत आज ‘महिला राज’ नवी दिल्ली ः मोदी सरकारचे तीन कृषी कायदे रद्द...
आंदोलनादरम्यान एकही शेतकरी मृत्यूची...नवी दिल्ली ः केंद्राच्या कृषी कायद्यांविरोधात...
थेट कृषिमंत्र्यांचीच केली दिशाभूल; ‘...अमरावती : विमा कंपनीच्या प्रतिनिधीने खोटी माहिती...