agriculture news in marathi, rain in pune district, maharashtra | Agrowon

पुणे जिल्ह्यात सर्वदूर पाऊस

टीम अॅग्रोवन
शनिवार, 18 ऑगस्ट 2018

पुणे  : जिल्ह्यात गुरुवारी (ता. १६) सर्वदूर पावसाने हजेरी लावली आहे. पश्‍चिम भागात पावसाचा जोर अधिक असला तरी दुष्काळी पट्ट्यातील शिरूर, बारामती, इंदापूर, दाैंड, पुरंदर तालुक्यात मोठ्या खंडानंतर पडलेल्या हलक्या ते मध्यम पावसाने दिलासा मिळाला आहे. शुक्रवारी सकाळपर्यंतच्या २४ तासांमध्ये जुन्नर तालुक्यातील राजूर येथे सर्वाधिक २१० मिलिमीटर पावसाची नाेंद झाल्याचे कृषी विभागातर्फे सांगण्यात आले.

पुणे  : जिल्ह्यात गुरुवारी (ता. १६) सर्वदूर पावसाने हजेरी लावली आहे. पश्‍चिम भागात पावसाचा जोर अधिक असला तरी दुष्काळी पट्ट्यातील शिरूर, बारामती, इंदापूर, दाैंड, पुरंदर तालुक्यात मोठ्या खंडानंतर पडलेल्या हलक्या ते मध्यम पावसाने दिलासा मिळाला आहे. शुक्रवारी सकाळपर्यंतच्या २४ तासांमध्ये जुन्नर तालुक्यातील राजूर येथे सर्वाधिक २१० मिलिमीटर पावसाची नाेंद झाल्याचे कृषी विभागातर्फे सांगण्यात आले.

पावसाने दडी मारल्याने खरीप पिके धोक्यात आली आहेत. यातच बुधवारपासून (ता. १५) सुरू झालेल्या पावसाने गुरुवारी दिवसभर रिपरिप सुरूच ठेवल्याने खरिपाला मोठा दिलासा मिळाला अाहे. पश्‍चिम भागातील तालुक्यांमध्ये अनेक ठिकाणी जोरदार कोसळणाऱ्या पावसाने कोरडवाहू पूर्व पट्ट्यातही समाधानकारक हजेरी लावली. शिरूर तालुक्यात १५ ते २५, बारामतीमध्ये ६ ते २०, इंदापुरात ११ ते २५, दौंडमध्ये ११ ते २८ तर पुरंदर तालुक्यात ५ ते ११ मिलिमीटर पावसाची नोंद झाली आहे. हा पाऊस भिज पाऊस स्वरूपाचा असल्याने पिकांना अधिक फायदेशीर ठरणार आहे.

शुक्रवारी (ता. १७) सकाळी आठ वाजेपर्यंतच्या २४ तासांमध्ये जिल्ह्यात विविध ठिकाणी पडलेला पाऊस (मिलिमीटरमध्ये) : पुणे : माले ४०, मुठे ५१, निगुडघर ३८, काले ४२, कार्ला ४२, खडकाळा ४३, लोणावळा ११७, वेल्हा ३१, जुन्नर ४०, निमगाव सावा ३७, बेल्हा ३८, राजूर २१०, डिंगोरे ४६, आपटाळे ९५, वाडा ५८, कुडे ४५, घोडेगाव ५५, आंबेगाव ६६, मंचर ३८.  
 

जिल्ह्यातील धरणांच्या पाणलोट क्षेत्रामध्ये झालेल्या पावसामुळे धरणांमध्ये पाण्याची आवक वाढली आहे. धरणे पूर्णपणे भरल्याने यातून पाण्याचा मोठ्या प्रमाणावर विसर्ग करावा लागत आहे. वरसगाव, पानशेतमधून पाणी सोडण्यात आल्याने शुक्रवारी सायंकाळी ४ वाजता खडकवासला धरणातून विसर्ग वाढवून १८ हजार ४९१ क्युसेक वेगाने नदीपात्रात पाणी सोडण्यात येत हाेते.

सकाळी वीर धरणातून सर्वाधिक २३ हजार १८५ क्युसेक वेगाने पाण्याचा विसर्ग सुरू होता. डिंभे १५ हजार, चासकमान ९ हजार, मुळशी ८ हजार, निरा देवघर ८ हजार क्युसेक वेगाने पाणी सोडण्यात येत आहे.भीमेच्या खोऱ्यातील धरणांमधून सोडण्यात आलेल्या पाण्यामुळे उजनी धरणातील पाणीसाठ्यात झपाट्याने वाढ होत आहे.


इतर ताज्या घडामोडी
नगर जिल्ह्यात दीड लाख हेक्टर पिकांची...नगर ः नगर जिल्ह्यात आॅक्टोबर महिन्याच्या...
पुणे विभागात सव्वापाच लाख हेक्टरचे...पुणे ः चालू वर्षी पावसाळ्याच्या जून ते ऑक्टोबर या...
वाशीममध्ये ‘पोकरा’च्या कामांना गती...वाशीम : जागतिक बँक अर्थसहाय्यीत नानाजी देशमुख...
कृषी कायद्यांवरून द्वेषपूर्ण राजकारण ः...अकोला ः पंतप्रधान नरेंद्र मोदी यांनी ऐतिहासिक...
लाखांदूर तालुक्यात धान्य साठ्यासाठी सहा...भंडारा : जिल्ह्यातील लाखांदूर तालुक्यातील जिरोबा...
माथाडी कामगारांच्या वादात कोल्हापुरात...कोल्हापूर : येथील शाहू मार्केट यार्डातील गूळ...
जालना जिल्ह्यात १९० शेतकऱ्यांची बांबुला...जालना  : कृषी विज्ञान केंद्राच्या पुढाकाराने...
कापसाच्या पीक कापणीतून दोन गुंठ्यांत २...लोहगाव, जि. औरंगाबाद : लोहगाव महसूल मंडळाच्या...
रत्नागिरीत बारा हजार हेक्टरवरील भात,...रत्नागिरी ः जिल्ह्यात झालेल्या अतिवृष्टीमुळे १०...
नांदेड जिल्ह्यात आर्द्रतेच्या नावाखाली...नांदेड : राज्यात परतीच्या पावसामुळे शेतकऱ्‍...
मदत लवकरच शेतकऱ्यांच्या खात्यांवर ः डॉ...परभणी : ‘‘नैसर्गिक संकटात राज्य सरकार...
देवळा तालुक्यात उन्हाळ कांद्याच्या...देवळा, जि. नाशिक : एका बाजूला कांदा खरेदी बंद...
पाच एकरातील सोयाबीनला लावली आगयवतमाळ : केवळ अतिवृष्टीग्रस्त (६५ मिलिमीटरवर)...
उद्या सर्व मंत्र्यांचे काळी फीत बांधून...मुंबई ः सीमाभागात दरवर्षी १ नोव्हेंबर हा कर्नाटक...
भोसे, मरवडे मंडलांतील १९६ द्राक्ष...मंगळवेढा, जि. सोलापूर ः गतवर्षीच्या...
सोलापूर जिल्ह्यात रोपवाटिका योजनेच्या...सोलापूर : जिल्ह्यातील भाजीपाला उत्पादनाला...
पंढरपूर बाजार समितीत वजनावर केळीची...सोलापूर : पंढरपूर कृषी उत्पन्न बाजार समितीमध्ये...
विदर्भ, मराठवाड्यात गुरुवारपासून आंदोलन...अकोला ः आॅक्टोबरमधील परतीच्या पावसाने संपूर्ण...
‘स्वाभिमानी’ची ऊस परिषद सोमवारी ऑनलाइनकोल्हापूर : संपूर्ण राज्याचे लक्ष लागलेल्या...
रब्बी हंगामातील पिकांचे व्यवस्थापनरब्बी पिकांच्या लागवडीसाठी योग्य जमिनीची निवड,...