agriculture news in Marathi rain in several places in kokan ans central Maharashtra | Agrowon

कोकण, मध्य महाराष्ट्रात अनेक ठिकाणी पाऊस 

टीम अॅग्रोवन
मंगळवार, 27 ऑक्टोबर 2020

 मध्य महाराष्ट्रातील नगर, पुणे, सातारा, सोलापूर व कोकणातील रायगड, रत्नागिरी, सिंधुदुर्ग जिल्ह्यांत पावसाच्या मध्यम ते जोरदार सरी पडत आहेत.

पुणे ः मध्य महाराष्ट्रातील नगर, पुणे, सातारा, सोलापूर व कोकणातील रायगड, रत्नागिरी, सिंधुदुर्ग जिल्ह्यांत पावसाच्या मध्यम ते जोरदार सरी पडत आहेत. तर उत्तर महाराष्ट्र आणि विदर्भात पावसाने उघडीप दिली आहे. या पावसामुळे शेतीकामे प्रभावित होत आहेत. 

सध्या कोकण व मध्य महाराष्ट्रातील काही भागांत ढगाळ हवामान आहे. त्यामुळे दिवसभर पावसाची उघडीप असली तरी दुपारनंतर वातावरणात अचानक बदल होत आहे. सायंकाळी काही प्रमाणात ढग भरून येत असल्याने जोरदार पाऊस पडत आहे. रोज तुरळक ठिकाणी पाऊस होत असल्याने शेती कामे खोळंबत असल्याची स्थिती आहे. संगमेश्वर देवरूख येथे सर्वाधिक ७३ मिलिमीटर पाऊस पडल्याची नोंद झाली आहे. तर राजापूर, वेंगुर्ला, लांजा, पोलादपूर, म्हसळा, महाड येथेही पावसाच्या जोरदार पाऊस पडला आहे. 

मध्य महाराष्ट्रातील अनेक भागांत पावसाने रविवारी सायंकाळी हजेरी लावली. पुणे जिल्ह्यातील पौड येथे ४० मिलिमीटर पावसाची नोंद झाली. त्यामुळे भात पिकांना दिलासा मिळाला असला तरी जोरदार पावसामुळे नुकसान झाल्याची स्थिती आहे. नगर, सातारा, सांगली भागातही पावसाच्या बऱ्यापैकी सरी पडत आहेत. या भागात गेल्या पंधरा ते वीस दिवसांपासून 
परतीच्या पावसाने चांगलाच धुमाकूळ घातला आहे. 

मराठवाडा व विदर्भात पाऊस थांबला आहे. त्यामुळे शेतातील पाणी कमी होण्यास सुरूवात झाली आहे. काही ठिकाणी अजूनही शेतात पाणी असल्याने पिके हातातून गेली आहेत. हलक्या जमीनी असलेल्या भागात वाफसा येत असल्याने शेती कामांना वेग येत आहे. त्यामुळे शेतात बाजरी, सोयाबीन, कापूस अशा पिकांची काढणी सुरू आहे. मात्र, नुकसान झाल्याने हातात फार काही उत्पादन मिळण्याची अपेक्षा शेतकऱ्यांनी सोडून दिली आहे. विदर्भात गेल्या आठवड्यापासून पाऊस नसल्याने रब्बी हंगामाची तयारी वेगाने सुरू आहे. काही ठिकाणी रब्बी ज्वारीच्या पेरण्यांना सुरूवात झाल्याची स्थिती आहे. 

सोमवारी (ता.२६) सकाळी आठ वाजेपर्यंत झालेला पाऊस, मिलिमीटर ः स्त्रोत - हवामान विभाग 
कोकण ः महाड ५३, म्हसळा ४३, मुरूड २८, पोलादपूर ४९, श्रीवर्धन २३, लांजा ३०, मंडणगड २६, राजापूर ५८, देवड २२, मालवण ३५, वैभववाडी ३७, वेंगुर्ला ४४. 
मध्य महाराष्ट्र ः पौड ४०, शिरूर २०, कडेगाव २३, कवठेमहाकाळ ३०, तासगाव १६, जावळी मेढा १५.१, पाटण ३६, सातारा २४.५, सोलापूर २९.२ 


इतर बातम्या
चक्रीवादळांचा तडाखा यंदा वाढलापुणे : चक्रीवादळ निर्मिती नैसर्गिक असली, तरी...
खानदेशात यात्रांअभावी अनेकांवर...सोनगीर, जि. धुळे  : खानदेशात पावसाळा वगळता...
नाशिक जिल्ह्यात रब्बीच्या पेरणीसाठी...गिरणारे, जि. नाशिक : खरीप हंगामातील भात, भुईमूग,...
खांबाळे, पडवणे येथील आंबा, काजूची ६००...सिंधुदुर्ग ः जिल्ह्यातील खांबाळे (ता....
बोडखा येथे ‘स्वाभिमानी’चे झाडावर...बुलडाणा : केंद्र सरकारने पारित केलेले शेतकरी...
औरंगाबादमध्ये केंद्राच्या कृषी...औरंगाबाद : केंद्र सरकारने पारित केलेले तीन कृषी...
खानदेशात सव्वा लाख हेक्टरवर पेरणीजळगाव : खानदेशात मक्याची लागवड सुरूच आहे. रब्बी...
परभणी जिल्ह्यात कापूस विक्रीच्या...परभणी : ‘‘राज्य सहकारी कापूस उत्पादक पणन...
नाशिक विभागात रोज एक लाख टन उसाचे गाळपनगर  ः नाशिक विभागातील ३२ पैकी २५ साखऱ...
औरंगाबाद, नगर जिल्ह्यात कापसाची ३४ हजार...औरंगाबाद : राज्य कापूस उत्पादक पणन महासंघाच्या...
कृषी कायद्यांविरोधात साताऱ्यात धरणेसातारा : शेतकरी विरोधी कायदे मागे घेण्यासाठी...
साखरेची ‘एमएसपी’पेक्षा कमी किमतीने मागणीकोल्हापूर : देशांतर्गत बाजारात साखरेची विक्री...
जालना जिल्ह्यात दहा हजार क्‍विंटलवर...जालना : ‘‘जिल्ह्यात मक्याची किमान आधारभूत...
काजू उत्पादकांना दिलासामुंबई : महाविकास आघाडी सरकारने राज्यातील काजू...
का येताहेत चक्रीवादळे? भारताच्या पूर्व भागात असलेला बंगालचा उपसागर,...
कृषी कायद्यांविरोधात राज्यात...पुणे ः केंद्र सरकारने मंजूर केलेल्या कृषी आणि पणन...
किसान समन्वय समितीचा अकोले येथे मोर्चा नगर ः केंद्र सरकारने केलेल्या कृषी कायद्यांना...
महिनाभर जमीन आरोग्य सुधार अभियानऔरंगाबाद : जमिनीच्या सुपीकतेवर भर देण्याची गरज...
दक्षिण भारतात मुसळधार पाऊसपुणे ः बंगालच्या उपसागरात तयार झालेले बुरेवी...
खत विक्रीत वाढपुणे : देशात कोविड १९ ची समस्या तसेच लॉकडाउन...