नगरमध्ये पावसाची दडी;  पेरण्या खोळंबल्या

नगर जिल्ह्यामध्ये अजूनही पाऊस सुरू झाला नाही. सध्या जिल्ह्यामधील महत्त्वाच्या असलेल्या मुळा धरणात साडे एकतीस टक्के म्हणजे आठ टीएमसी तर भंडारदऱ्यात ४७ टक्के म्हणजे पाच टीएमसी पाणीसाठा आहे.
नगरमध्ये पावसाची दडी;  पेरण्या खोळंबल्या Rain showers in the city; The sowing was sown
नगरमध्ये पावसाची दडी;  पेरण्या खोळंबल्या Rain showers in the city; The sowing was sown

पुणे नगर : नगर जिल्ह्यामध्ये अजूनही पाऊस सुरू झाला नाही. सध्या जिल्ह्यामधील महत्त्वाच्या असलेल्या मुळा धरणात साडे एकतीस टक्के म्हणजे आठ टीएमसी तर भंडारदऱ्यात ४७ टक्के म्हणजे पाच टीएमसी पाणीसाठा आहे. जिल्ह्यामध्ये केवळ अकोल्याच्या पश्चिम भागात मात्र पाऊस सुरू आहे. गेल्या वर्षीच्या जून महिन्यापेक्षा यंदा धरणात अधिक पाणीसाठा आहे.  नगर जिल्ह्यात यंदा पूर्वमोसमी पावसाने चांगली हजेरी लावली, मात्र मॉन्सूनचा पाऊस सुरू झाल्यानंतर पावसाने दडी मारली. पाऊस नसल्याने पेरणी करायची राहिली आहे. कापसाची लागवडही करता येईना. सध्या फक्त अकोले तालुक्याच्या पश्चिम भागातील आदिवासी पट्ट्यातच पाऊस चालू आहे. मात्र तेथेही नेहमीच्या तुलनेत पावसाचा जोर कमी आहे. आतापर्यंत पंधरा दिवसांत एकूण घाटघरला ३१६ मिलिमीटर, रतनवाडीला ३४६ मिलिमीटर, पांजरे येथे २९४ मिलिमीटर, भंडारदऱ्याला २४० मिलिमीटर, निळवंडे येथे १२२ मिलिमीटर, आढळा भागात ५० मिलिमीटर पाऊस झाला आहे.  जिल्ह्याच्या अन्य ठिकाणी यापेक्षा कमी पाऊस आहे. अकोल्याच्या पश्चिम भागात सुरू असलेल्या पावसाने हरिचंद्रगडाच्या जवळ असलेला आंबीत प्रकल्प भरला असून, कळसूबाई शिखर पट्ट्यातील पावसामुळे भंडारदऱ्यातही पाणी येऊ लागले आहे.  सध्या जिल्‍ह्यातील मुळा धरणात साडे एकतीस टक्के म्हणजे आठ टीएमसी तर भंडारदऱ्यात ४७ टक्के म्हणजे पाच टीएमसी, निळवंडेत सव्वा टीएमसी पाणीसाठा आहे. या शिवाय आढळा, भोजापूर, घाटशिळा, माणिकडोह, विसापूर, खैरी अन्य प्रकल्पात गेल्या वर्षीपेक्षा जास्त पाणी आहे. यंदा पाऊस जोरात नसल्याने तसेच अकोल्यातही पावसाचा जोर कमी असल्याने धरणात गतीने  पाणीसाठा होत नसल्याचे जलसंपदा विभागाचे सेवानिवृत्त अभियंता हरिचंद्र चकोर यांनी सांगितले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com