agriculture news in marathi, Rain in Sindhudurg with Miraj, Tasgaon | Page 2 ||| Agrowon

मिरज, तासगावसह सिंधुदुर्गात पाऊस

टीम अॅग्रोवन
गुरुवार, 23 मे 2019

सिंधुदुर्ग, सांगली : विजांच्या कडकडाटांसह सिंधुदुर्गातील काही तालुक्यांमध्ये मंगळवारी (ता. २१) मध्यरात्री अवकाळी पाऊस झाला. सह्याद्री पट्ट्यात तासभर मुसळधार, तर काही भागांत हलका पाऊस झाला. या पावसामुळे पूर्व पट्ट्यातील आंबा पिकांचे नुकसान होण्याची शक्यता आहे. दुसरीकडे सांगली जिल्ह्यातील मिरज, तासगावात वादळी वाऱ्यासह गारपिटीसह जोरदार पाऊस झाला.  त्यामुळे द्राक्ष बागांचे नुकसान झाले.

सिंधुदुर्ग, सांगली : विजांच्या कडकडाटांसह सिंधुदुर्गातील काही तालुक्यांमध्ये मंगळवारी (ता. २१) मध्यरात्री अवकाळी पाऊस झाला. सह्याद्री पट्ट्यात तासभर मुसळधार, तर काही भागांत हलका पाऊस झाला. या पावसामुळे पूर्व पट्ट्यातील आंबा पिकांचे नुकसान होण्याची शक्यता आहे. दुसरीकडे सांगली जिल्ह्यातील मिरज, तासगावात वादळी वाऱ्यासह गारपिटीसह जोरदार पाऊस झाला.  त्यामुळे द्राक्ष बागांचे नुकसान झाले.

गेल्या तीन-चार दिवसांपासून तापमानात प्रचंड वाढ झाली आहे. त्यामुळे नागरिक हैराण झाले आहेत. मंगळवारी सकाळपासून जिल्ह्यात ढगाळ वातावरण होते. त्यामुळे ऊन नसले तरी उष्मा जाणवत होता. दरम्यान, रात्री साडेबारा वाजण्याच्या सुमारास सह्याद्री पट्ट्यात विजांच्या कडकडाटांसह पावसाला सुरवात झाली. कणकवली तालुक्यातील फोंडा घाट, घोणसरी, वैभववाडी तालुक्यांतील कुर्ली, सडुरे, आर्चिणे लोरे, खांबाळे या भागांत सुमारे तासभर चांगला पाऊस झाला.

हा पाऊस पूर्व पट्ट्यातील आंबा हंगामाला नुकसानकारक ठरणार आहे. अजूनही मोठ्या प्रमाणात या भागात आंबा शिल्लक आहे. पाऊस अधूनमधून पडल्यास त्यावर कीड रोगांचा प्रादुर्भाव वाढण्याची शक्यता आहे. दरम्यान, बुधवारी (ता. २२) सकाळपासूनदेखील जिल्ह्यात ढगाळ वातावरण होते. वातावरणातील उष्माही वाढल्याचे चित्र राहिले.

मिरज, तासगावात, वादळ वारा, गारांसह जोरदार पाऊस 

मिरज पूर्व भागातील आरग, बेडग, शिंदेवाडी, लक्ष्मीवाडी, लिंगणूर, खटाव भागांत तर तासगाव तालुक्यात मंगळवारी (ता. २१) रात्री सातच्या सुमारास वादळी वाऱ्यासह गारपीट झाली. वादळी वाऱ्यामुळे अनेक ठिकाणी झाडे रस्त्यावर मोडून पडली. आरग भागात एका ठिकाणी वीज कोसळली. जोऱ्याच्या वाऱ्यासह काही ठिकाणी हलका मध्यम स्वरूपाचा पाऊस झाला. 
विजेच्या कडकडाटासह मिरज पूर्व भागातील गावात पाऊस झाला. वाऱ्याने अनेक ठिकाणी झाडे रस्त्यावर मोडून पडली. ग्रामीण भागातील विद्युत वीजपुरवठा खंडित झाला. 

द्राक्ष बागेचे नुकसान 
तासगाव तालुक्यात द्राक्ष बागांना गारपिटीचा जबर तडाखा बसला. तालुक्यातील सावळज परिसरासह सुमारे ३ हजार एकर द्राक्ष बागेचे मोठ्या प्रमाणात नुकसान झाले. खरड छाटणी झालेल्या वेलींना तयार काड्या झाल्या होत्या. त्यामुळे कोवळ्या पानांची पानझड झाली.


इतर ताज्या घडामोडी
अकोल्याचे अखर्चित कोट्यवधी रुपये परत...अकोला : कोरोनामुळे राज्याची आर्थिक घडी विस्कळीत...
उजनीतून आष्टी तलावामध्ये पाणी सोडा,...सोलापूर ः उजनी धरणातून सध्या कालवा आणि बोगद्यात...
सेंद्रिय शेती गटांसाठी वाशीममध्ये अर्ज...वाशीम : राष्ट्रीय शाश्वत शेती अभियानाअंतर्गत...
नागपूर : दीड लाख रुपयांचा एचटीबीटी साठा...नागपूर ः मौदा तालुक्‍यातील अरोली पोलिस...
कृषी सेवा केंद्रधारकांकडून होणारी...अमरावती ः लॉकडाऊनच्या परिस्थितीचा फायदा घेत कृषी...
सातारा जिल्ह्यात साडेसात हजार...सातारा  ः ‘कोरोना’च्या पार्श्वभूमीवर...
पुणे जिल्ह्यात खरिपासाठी १ लाख १९ हजार...पुणे  ः खरीप हंगामात शेतकऱ्यांना खतांचा...
नामंजूर वनहक्क दाव्यांसंदर्भात विभागीय...मुंबई  : राज्यपाल भगतसिंह कोश्यारी यांनी...
प्रत्यक्ष खर्चाचे आणि कर्जाचे पॅकेज...मुंबई : पात्र नसणाऱ्या आणि उचल न घेतलेल्या...
पुणे जिल्हा परिषदेच्या शाळांमध्ये १४...पुणे  : ‘कोरोना’चा प्रादुर्भाव झाल्यानंतर...
निशिगंध लागवडीचे नियोजनलागवड केल्यापासून निशिगंध पीक २ ते ३ वर्षे त्याच...
चिखलगावच्या जिनिंगमध्ये कापसाला भीषण आग...अकोला ः येथील पातूर मार्गावर चिखलगाव जवळ असलेल्या...
सांगा साहेब, खरीप कसा पेरू? शेतकऱ्याने...नाशिक : मागील खरिपाच्या हंगामात अतिवृष्टीची...
जैविक शेती मिशनद्वारे यूट्यूब चॅनलच्या...अमरावती ः कमी खर्चाच्या जैविक शेतीला प्रोत्साहन...
मका पिकाची हेक्टरी उत्पादकता वाढवा ः...बुलडाणा ः शासनाने यावर्षी पाऊस चांगला असताना...
समृद्धी महामार्गाच्या धुळीमुळे नुकसान...कारंजालाड, जि. वाशीम : समृद्धी महामार्गाच्या...
बुलडाण्यात पीकविमा बचत खात्यात जमा...बुलडाणा ः जिल्ह्यातील बऱ्याच शेतकऱ्यांचा पीकविमा...
म्हैसाळ योजनेतून तलाव भरून देण्याची...सांगली ः म्हैसाळ उपसा योजना सुरू होऊन महिन्याचा...
शेतकऱ्यांनो पीक कर्जासाठी ऑनलाइन मागणी...औरंगाबाद : ‘‘कोरोनाच्या पार्श्‍वभूमीवर होणाऱ्या...
जळगावात ज्वारी खरेदीसाठी स्वस्त धान्य...जळगाव : जिल्ह्यात भरडधान्याच्या साठवणुकीसाठी...