रिसोडमध्ये पावसाची उघडीप

वाशीम ः राज्यात बऱ्याच भागात पाऊस धुमाकूळ घालत असताना रिसोड तालुक्यातील बहुतांश गावे गेल्या १२ ते १५ दिवसांपासून पावसाविना आहेत.
 Rain stop in Risod
Rain stop in Risod

वाशीम  ः राज्यात बऱ्याच भागात पाऊस धुमाकूळ घालत असताना रिसोड तालुक्यातील बहुतांश गावे गेल्या १२ ते १५ दिवसांपासून पावसाविना आहेत. पावसात मोठा खंड पडल्याने शेतकरी आता त्याची चातकासारखी प्रतीक्षा करीत आहे. 

यंदाच्या हंगामात आतापर्यंत या तालुक्यात लहरीस्वरुपाचा पाऊस झाला आहे. तालुक्यात सर्वाधिक सोयाबीनची पेरणी झाली आहे. हे पीक फुलोरावस्थेत आहे. त्यासाठी पावसाची नितांत गरज आहे. यावर्षी पावसाळा लवकर सुरु झाला. सुरुवातीपासूनच चांगला पाऊस दिसत असला तरी काही शेतकऱ्यांवर निकृष्ट बियाण्यांमुळे दुबार, तिबार पेरणीचे संकट ओढवले होते. आता पावसाचा खंड पडल्याने शेतकऱ्यांची चिंता वाढली आहे. 

रिसोड, मालेगाव तालुक्यातील काही गावांमध्ये मागील दहा ते बारा दिवसांपासून पावसाने उघडीप दिली आहे. या दरम्यान जो पाऊस झाला, तो हलक्या स्वरुपाचा आहे. आता पाऊस नसल्याने पिकाची वाढ खुंटली आहे. दिवसभर तापमान वाढल्याने याचा पिकावर विपरीत परिणाम होण्याची चिन्हे आहेत. कडक ऊनही तापत आहे. पाऊस न आल्यास सोयाबीन पिकाला फटका बसणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com