agriculture news in Marathi rain stopped in state Maharashtra | Page 2 ||| Agrowon

राज्यात पावसाचा जोर ओसरला 

टीम अॅग्रोवन
शनिवार, 8 ऑगस्ट 2020

कोकण, मध्य महाराष्ट्रात गेल्या चार ते पाच दिवसांपासून धुव्वाधार पाऊस बरसल्यानंतर काही प्रमाणात जोर ओसरला आहे.

पुणे ः कोकण, मध्य महाराष्ट्रात गेल्या चार ते पाच दिवसांपासून धुव्वाधार पाऊस बरसल्यानंतर काही प्रमाणात जोर ओसरला आहे. शुक्रवारी (ता.७) सकाळी आठ वाजेपर्यंत रायगडमधील माथेरान येथे सर्वाधिक १७८.४ मिलिमीटर पाऊस पडल्याची नोंद झाली. कोकणसह, मध्य महाराष्ट्र, मराठवाडा व विदर्भात अनेक ठिकाणी दिवसभर ऊन पडल्याची चित्र होती. 

कोकणातील ठाणे, रायगड, रत्नागिरी, सिंधुदुर्ग जिल्ह्यात पावसाचे प्रमाण कमी झाले असला तरी अधूनमधून पावसाच्या सरी कोसळत आहेत. मात्र काही प्रमाणात सोसाट्याचे वारे वाहत आहेत. पाऊस ओसरल्यामुळे सिंधुदुर्गामधील तिलारी नदी 
वगळता इतर नद्यांच्या पाणीपातळीत घट होत आहे. तिलारी नदीची पाणीपातळी अजुनही इशारा पातळीनजीक आहे. वादळीवाऱ्यांमुळे घरे, गोठ्यांच्या पडझडीत वाढ होताना दिसत आहे. रत्नागिरीत पुराचे पाणी भात खाचरात कायम राहिल्यामुळे 
नदीकिनारी भागात नुकसान झाल्याची शक्यता आहे. 

मध्य महाराष्ट्रातील कोल्हापूर, सातारा, पुणे, नाशिक जिल्ह्यातील बहुतांशी भागात जोरदार पाऊस पडला. त्यामुळे कोल्हापुरातील धरणांतून नदीपात्रात पाणी सोडण्यात आल्याने नद्यांचे पाणी अजूनही वाढत आहे. जिल्ह्यातील २३ गावांतील दोन हजार कुटुंबाचे स्थलांतर करण्यात आले होते. सांगली, साताऱ्यातील अनेक ठिकाणी संततधार पाऊस सुरू होता. महाबळेश्वर, जावली, पाटण, सातारा, कऱ्हाड, वाई या तालुक्यात जोर अधिक होता. पुणे जिल्ह्यातील मावळ, मुळशी, भोर, वेल्हा, खेड, जुन्नर, आंबेगावमध्ये बऱ्यापैकी पाऊस होता. खडकवासला, भाटघर, पवना, गुंजवणी, वीर या महत्वाच्या धरणातील पाणी साठ्यात झपाट्याने वाढ होत आहे. सोलापूर, नगर, नाशिक, खानदेशातील जळगाव, धुळे, नंदुरबार या भागातही तुरळक ठिकाणी हलका ते मध्यम स्वरूपाचा पाऊस आहे. 

गेल्या दोन ते तीन दिवस मराठवाड्यातील बहुतांशी भागात हलका ते मध्यम स्वरूपाचा पाऊस पडल्यानंतर शुक्रवारी पावसाने उघडीप दिली. विदर्भातील अकोला व गडचिरोलीमधील तुरळक ठिकाणी हलक्या स्वरूपाच्या सरी बरसल्या. 

१०० मिलिमीटरहून अधिक पावसाची ठिकाणे 
माथेरान १७८.४, वाडा १०५, भिरा १५७, महाड १४७, पोलादपूर १२६, रोहा ११८.२, तळा १०६,मंडणगड १४०, चंदगड ११८, गगणबावडा १२२, राधानगरी १४७, इगतपुरी १०८, लोणावळा कृषी १४४.४, महाबळेश्वर १५३.६, 

शुक्रवारी (ता.७) सकाळी आठ वाजेपर्यंत झालेला पाऊस (मिमीमध्ये) 
कोकण : सांताक्रुझ ७९.२, वसई ५७, विक्रमगड ७३, कर्जत ५१.२, खालापूर ४७, माणगाव ६८, म्हसळा ५८, मुरूड ६७, पेण ८०, सुधागडपाली ८८, चिपळूण ४४, गुहागर ७३.४, हर्णे ७३.४, खेड ४२, राजापूर ४५, संगमेश्वर ६३, दोडामार्ग ४०, 
सावंतवाडी ७०, वैभववाडी ४०, अंबरनाथ ९२, भिवंडी ५५, कल्याण ७६, शहापूर ४८, ठाणे ५९, उल्हासनगर ८८. 
मध्य महाराष्ट्र : आजरा ९७, पन्हाळा ९०, शाहूवाडी ६७, त्र्यंबकेश्वर ७०, पौड ६५, वेल्हे ९५. 
विदर्भ : अहेरी २४.२, एटापल्ली १७.३. 
 


इतर अॅग्रो विशेष
सोयापेंडेसाठी आयातदारांची अनेक देशांत...पुणे ः केंद्र सरकारने जनुकीय सुधारित...
फळगळ विषयक ‘त्या’ संदेशापासून राहा सावधनागपूर ः केंद्रीय लिंबूवर्गीय संशोधन संस्थेच्या...
प्रत्येक शाळेमध्ये उभारणार लोकसहभागातून...पुणे : वेगाने बदलत असलेल्या हवामानाची शाळेतील...
सेंद्रिय उत्पादनांचा ‘सात्त्विक कृषिधन...नाशिक जिल्ह्यातील दिंडोरीप्रणीत शेतकरी उत्पादक...
आंबा, काजू, फणसापासून चॉकलेट मोदकांची...सिंधुदुर्ग जिल्ह्यातील मोरे (वाडोस) येथील...
विमा कंपन्यांवर पूर्वसूचनांचा पाऊस !...पुणे : राज्याच्या विविध भागांत झालेल्या...
लाळ्या खुरकूत लसींची प्रतीक्षाच;...पुणे ः पावसाळा संपत आला तरी अद्याप राज्यातील दोन...
मॉन्सूनच्या परतीचा मुहूर्त लांबणारपुणे : नैॡत्य मोसमी वाऱ्यांच्या (मॉन्सून)...
राज्यात पावसाच्या उघडिपीची शक्यतापुणे : राज्याच्या अनेक भागांत पावसाने उघडीप दिली...
श्रमदानातून ‘चुंब’ गाव झाले जल...स्वच्छता, रस्ते, भूमिगत गटार आदी विविध पायाभूत...
राज्यात हलक्या पावसाची शक्यता पुणे : राज्यात पावसाचा जोर ओसरला आहे. आज (ता. १६...
सोयाबीनचा उच्चांकी दर मिळतोय अत्यल्प...अकोला ः सध्या बाजारात सोयाबीनला कुठे दहा हजार,...
...तर ‘त्या’ नेत्यास एकरभर जमीन बक्षीस...कोल्हापूर : केंद्र व राज्य सरकारकडून एकरकमी...
पाणलोट चळवळीचे आधारवड फादर हर्मन बाखर...नगर ः महाराष्ट्रातील दुष्काळी भागासाठी आयुष्‍य...
रब्बी हंगामात होणार ८४८३ शेतीशाळा पुणे ः रब्बी हंगामात राज्यातील शेतकऱ्यांना...
सोयाबीन उत्पादकांनी टार्गेट ठेवूनच...पुणे : मध्य प्रदेशात सोयाबीनची आवक हळूहळू वाढत...
खानदेशात केळी दर स्थिरजळगाव : खानदेशात कांदेबाग केळीची आवक दिवसागणिक...
घोटभर पाणी बेतले मायलेकीच्या जिवावरउंडवडी, जि. पुणे :  पिण्यासाठी पाणी काढताना...
हरभरा पीक करणार यंदाही रब्बीचे नेतृत्व पुणे ः राज्यात खरीप हंगामात मुख्य पीक म्हणून...
मोसंबी, शेडनेटसह सेंद्रिय पद्धतीने...पारंपरिक मोसंबी बागेतील लागवड अंतर व वाणातील बदल...