agriculture news in Marathi rain stopped in state Maharashtra | Page 2 ||| Agrowon

राज्यात पावसाची उघडीप; शेतीकामांना वेग

टीम अॅग्रोवन
मंगळवार, 29 सप्टेंबर 2020

पावसाने उघडीप दिल्याने ओढ्या- नाल्याच्या व नदीच्या पाण्याच्या प्रवाहात घट होऊ लागली आहे. त्यामुळे धरणातून पाण्याचा विसर्ग कमी करण्यात आला आहे. 

पुणे ः पावसाने उघडीप दिल्याने ओढ्या- नाल्याच्या व नदीच्या पाण्याच्या प्रवाहात घट होऊ लागली आहे. त्यामुळे धरणातून पाण्याचा विसर्ग कमी करण्यात आला आहे. राज्यातील अनेक भागांत ऊन पडत असल्याने शेतीकामांना वेग आला आहे. अनेक ठिकाणी पिकांची काढणी सुरू झाल्याचे चित्र आहे.

कोकणात गेल्या काही दिवस दमदार हजेरी लावल्यानंतर पावसाचा जोर कमी झाला आहे. गेल्या दोन ते तीन दिवसांपासून ऊन पडत असल्याने खोळंबलेल्या भात काढणी वाफसा स्थितीत येण्याची शक्यता आहे. त्यामुळे येत्या काळात भात काढणीच्या कामाला वेग येण्याची शक्यता आहे. शेतकरीही बाहेर पडून शेती कामांना सुरूवात करू लागला आहे. पुणे, नाशिक, नगर, कोल्हापूर सह अनेक भागात सकाळपासून ऊन पडत आहे.

काही भागात ढगाळ वातावरण असले तरी पाऊस पडत नसल्याची स्थिती आहे. येत्या काळात पाऊस न झाल्यास पिकांची मळणी होऊन शेतकरी रब्बीच्या तयारीला लागण्याची शक्यता आहे. मात्र, खानदेशात अतिपावसात कापसाचे नुकसान झाले आहे. वेचणीनंतर साठा करून ठेवला जात आहे.

मराठवाड्यातही पावसाचा प्रभाव कमी झाला आहे. औरंगाबाद, बीड, जालना, हिंगोली, लातूर, उस्नानाबाद जिल्ह्यांत पाऊस नसल्याने पिकांना दिलासा मिळाला आहे. परभणी जिल्ह्यांत गेल्या काही दिवस झालेल्या पावसामुळे २७ हजार हेक्टरवरील पिके बाधित झाली असल्याचा प्राथमिक अंदाज आहे. सध्या पावसाने उघडीप दिल्याने सोयाबीन काढणीची कामे वेगाने सुरू झाली आहेत. नांदेडमध्येही सततच्या पावसामुळे शेतकरी दुहेरी संकटात सापडला आहे.

अतिवृष्टीपूर्वी अवर्षणामुळे हजारो हेक्टरवरील ज्वारीचे पिके भुईसपाट झाले आहे. उमरा (ता. लोहा) शिवारात अवर्षणामुळे ज्वारीच्या मुळांना उन्नीचा प्रादुर्भाव झाला. तसेच कणसाला अळ्या लागल्यामुळे दाणे भरले नाहीत. 

दरम्यान, सध्या सुरू असलेल्या अतिवृष्टीमुळे ज्वारीचे पिके उन्मळून भुईसपाट झाल्याची स्थिती आहे. विदर्भातही पाऊस नसल्याने बाजरी, सोयाबीन पिकांच्या काढणीला चांगलाच वेग आला आहे. पूर्व विदर्भात तुरळक ठिकाणी शिडकावा होत असल्याने भात पिकांना फायदा होत असल्याने पिके वाढीच्या अवस्थेत आहेत. तर काही ठिकाणी काढणीला आले आहेत.

सोमवारी (ता.२८) सकाळी आठ वाजेपर्यत झालेला पाऊस, मिलिमीटरमध्ये ः (स्त्रोत, हवामान विभाग)
कोकण : गुहागर २१, संगमेश्वर २७, दोडामार्ग १९, ठाणे १८.२,
मध्य महाराष्ट्र ः गगणबावडा १५, शिरोळ २५,
मराठवाडा : औंढा नागनाथ १२,
विदर्भ : पवनी ११.६, गडचिरोली १५.५.


इतर अॅग्रो विशेष
शाश्‍वत पर्यायी पीक ः बांबूनिसर्ग चक्र बदलत चालले आहे. आतापर्यंत आपण रेल्वे...
‘जीआय’चे अधिकृत ब्रॅंडींगकोविड महामारीनंतर जागतिक बाजारातही खूप उलटफेर...
अमळनेरच्या भाजी बाजारात शेतकऱ्यांकडून...अमळनेर, जि.जळगाव ः येथील मासळी बाजारानजीकच्या...
लाच घेताना कृषी विद्यापीठातील लिपिकाला...नगर : कोरोना पुणे सेवानिवृत्तीची कागदपत्रे...
राज्यात पीक नुकसान ५० लाख हेक्टरच्या...पुणे: राज्यात खरीप पीक नुकसानीची माहिती गोळा...
जुन्या निकषांनुसार कामाला विमा...जळगाव: जुन्या निकषानुसार केळी पिकासाठी काम...
शेती, जलसंधारण, सामाजिक कार्यात...पुण्यापासून हाकेच्या अंतरावर असलेल्या केंदूर (ता....
किती अन् काय सांगावं...हात टेकलेत आमचेजालना : कुणाला किती अन् काय सांगावं...सततच्या...
पावसामुळे शेतीकामात अडथळे पुणे ः परतीच्या पावसाचा दणका अजूनही सुरूच आहे....
तुरळक ठिकाणी पावसाचा अंदाज पुणे ः अरबी समुद्राच्या पश्चिम मध्य भागात चक्रीय...
बुडून गेलं रान देवा, वाहून गेलं शिवार...कोल्हापूर : उसवलं गणगोत सारं, आधार कुनाचा न्हाई...
पांढऱ्या कापसाचे काळे वास्तवदेशातील सूत गिरण्या आता ९५ टक्के कार्यक्षमतेने...
शेतकऱ्यांच्या कष्टाचे झाले निर्माल्यरिमझिम पाऊस, थेंब पाकळीवर पडला ओघळून जाताना...
अतिवृष्टीचा मराठवाड्यात २३ लाख हेक्टरला...औरंगाबाद : यंदा खरिपात अतिवृष्टी व सततच्या...
केळी पीक विम्याबाबत आज बैठकजळगाव ः हवामानावर आधारित फळपीक विमा योजनेत केळी...
राज्यात पावसाचा प्रभाव कमी झालापुणे ः राज्यात गेल्या काही दिवस जोरदार पाऊस...
राज्यात तुरळक ठिकाणी मुसळधार पाऊसपुणे ः राज्यातील काही भागात पावसाने उघडीप दिली...
पीक विमा तक्रार निवारणासाठी कोठे जाल?राज्यात यंदा खरीप हंगामात उत्तम पेरा झाला होता....
राज्यात पावसाचा कमीअधिक जोर राहणारपुणे ः राज्यातील अनेक भागात पावसाने काहीशी उघडीप...
पणन सुधारणा कायदे शेतकरी हिताचेच!शेतीमालाच्या मार्केटमध्ये दराच्या बाबतीत कधीही...