Agriculture news in marathi Rain with stormy winds in Kolhapur | Agrowon

कोल्हापुरात वादळी वाऱ्यासह पाऊस

टीम अॅग्रोवन
मंगळवार, 7 एप्रिल 2020

कोल्हापूर : जिल्ह्यात रविवारी (ता.५) सायंकाळी चारनंतर बहुतांशी ठिकाणी जोरदार पाऊस झाला. अनेक ठिकाणी गारपीटही झाली. इचलकरंजी, जयसिंगपूर, गडहिंग्लज, आजरा परिसरात प्रामुख्याने पावसाने हजेरी लावली.

कोल्हापूर : जिल्ह्यात रविवारी (ता.५) सायंकाळी चारनंतर बहुतांशी ठिकाणी जोरदार पाऊस झाला. अनेक ठिकाणी गारपीटही झाली. इचलकरंजी, जयसिंगपूर, गडहिंग्लज, आजरा परिसरात प्रामुख्याने पावसाने हजेरी लावली. कोंडिग्रे (ता. शिरोळ) येथील श्रीवर्धन बायोटेकचे सुमारे ५० लाख रुपयांचे नुकसान झाले. तर, काही ठिकाणी झाडे उन्मळून पडली. अनेक ठिकाणी ज्वारी, गव्हाच्या मळण्यांना या पावसाचा फटका बसला. काजू बागांनाही दणका बसला. अचानक आलेल्या पावसामुळे गवत गंजीसह जळणाचे साहित्य सुरक्षित ठेवण्यासाठी नागरिकांची धांदल उडाली. 

कोंडिग्रेसह जांभळी आणि यड्राव येथील शेतकऱ्यांच्या पिकांचे लाखो रूपयांचे नुकसान झाले. वादळी वाऱ्याने नारळ, बदाम, बाभळीची झाडेही उन्मळून पडली. रविवारी दुपारी सुमारे दीड तास सोसाट्याचा वारा आणि गारपीट सुरू झाली. वाऱ्याने मोठमोठी झाडे मार्गावर उन्मळून पडली. काही ठिकाणी रस्ते बंद झाले. शिरोळच्या दत्त साखर कारखान्याचे अध्यक्ष, उद्यानपंडित गणपतराव पाटील यांच्या श्रीवर्धन बायोटेकचे सुमारे ५० लाखांचे नुकसान झाले. 

अनेक घरांवरील पत्रेही उडून गेले. जनावरांच्या गोठ्याचेही नुकसान झाले. पिकांसह भाजीपाल्याचेही लाखो रुपयांचे नुकसान झाले. सुमारे दीड तास पाऊस बरसला. जयसिंगपूर शहरातही रविवारी दुपारी वादळी वाऱ्यासह पावसाच्या हलक्‍या सरी कोसळल्या. यामुळे रात्री उशिरापर्यंत वीजपुरवठा खंडित झाला. या पावसामुळे पिकांची हानी होण्याची शक्‍यता आहे. 

कलिंगड, आंब्याला धोका 

गडहिंग्लज आजरा तालुक्‍यात उशिरा पेरणी केलेले शाळू पीक आता कापणीला आले असून ते पावसात भिजले. पावसाने ज्वारी काळी पडणार आहे. यामुळे शेतकऱ्यांमध्ये चिंता व्यक्त होत आहे. अनेक ठिकाणी गारा पडल्याने कलिंगड, आंब्याच्या पिकांना धोका निर्माण झाला आहे. 


इतर ताज्या घडामोडी
बार्शी बाजार समितीत उडीद, मूग हमीभाव...सोलापूर : बार्शी कृषी उत्पन्न बाजार समितीमध्ये...
नाशिक जिल्ह्यात अतिवृष्टीमुळे दाणादाणनाशिक : पावसाळा सुरू झाल्यानंतर अनेक ठिकाणी...
पीक कर्जासाठी बँकेत मुक्कामाची वेळ येऊ...बुलडाणा ः खरीप हंगामातील पिकांच्या काढणीची वेळ...
पाथरूड परिसरातील प्रकल्प तुडुंबपाथरूड, जि. उस्मानाबाद : पाथरूडसह परिसरात...
सिंधुदुर्ग जिल्ह्यातील ९० टक्के...सिंधुदुर्ग ः जिल्ह्यातील ९० टक्के भातपिकांना...
परभणी, हिंगोलीत अतिवृष्टीमुळे पिकांवर...परभणी : खरीप हंगामातील सोयाबीन काढणीच्या, कापूस...
हिंगोली जिल्ह्यात सोयाबीनच्या शेंगांना...हिंगोली : गतवर्षी प्रमाणे यंदाही सोयाबीनचे पीक ऐन...
‘जायकवाडी’तील विसर्गात घटऔरंगाबाद : जिल्ह्यातील जायकवाडी प्रकल्पातून...
निम्न दुधनातून ७१९० क्युसेकने विसर्गपरभणी : सेलु तालुक्यातील ब्रम्हवाकडी येथील दुधना...
अनुदानाअभावी मर्यादित लाभार्थ्यांना...सिंधुदुर्ग ः कोरोनामुळे शासनाने जिल्हा परिषदेच्या...
ऊसतोडणीच्या तिढ्यावर आज चर्चापुणे : दहा लाख ऊस तोडणी कामगारांच्या मागण्यांबाबत...
यवतमाळ जिल्ह्यात सोयाबीन शेंगांना फुटले...यवतमाळ : खोडकीड, चक्रीभुंगा त्यानंतर आता परिपक्व...
संत्रा उत्पादकांना हेक्टरी लाखाची भरपाई...नागपूर : विदर्भात नैसर्गिक आपत्तीमुळे संत्रा,...
पुण्यात विशिष्ट ठिकाणीच लिंबे विक्रीला...पुणे ः गुलटेकडी येथील कृषी उत्पन्न बाजार समितीने...
गाय एका आठवड्यात दोनदा व्यायली नाशिक ः येथील डॉ. इरफान खान हे व्यवसायाने डॉक्टर...
हवामान बदलाचे सेंद्रिय कर्बावरील परिणामजागतिक हवामान बदल आणि जागतिक तापमान वाढ हे शब्द...
पुण्यात भाजीपाल्याच्या आवकेत घटपुणे : गुलटेकडी येथील पुणे कृषी उत्पन्न बाजार...
काही भागात पावसाच्या उघडिपीची शक्यता महाराष्ट्रावर बुधवार (ता.२३) पर्यंत  १००४...
राज्य द्राक्ष बागायतदार संघाची ...नाशिक: महाराष्ट्र राज्य द्राक्ष बागायतदार...
पांगरी परिसरात पिकांवर आस्मानी संकटपांगरी, जि. सोलापूर ः पांगरी (ता. बार्शी) परिसरात...