नांदेड, परभणी, हिंगोलीत पाऊस

नांदेड : नांदेड, परभणी, हिंगोली जिल्ह्यांतील २८ तालुक्यांतील ९३ मंडळांत शुक्रवारी (ता. १९) सकाळी आठ वाजेपर्यंतच्या २४ तासांत हलका ते जोरदार पाऊस झाला. नांदेड जिल्ह्यातील मुगट (८४ मिमी), लोहगाव (८० मिमी) मंडळामध्ये पावसाचा जोर अधिक राहिला.

अनेक दिवसांच्या खंडानंतर गुरूवारी (ता.१८) पावसाचे आगमन झाले. त्यामुळे येथील खरीप पिकांना जीवनदान मिळाले. परंतु, अजूनही सर्वदूर पाऊस नाही. त्यामुळे अनेक भागांतील खरीप पिके धोक्यात आहेत. दुबार पेरणीचे सावट कायम असल्याने शेतकरी चिंतेत आहेत. नांदेड जिल्ह्यातील १४ तालुक्यांतील मंडळांत हलका ते जोरदार पाऊस झाला. अनेक मंडळांमध्ये वादळी वाऱ्यासह पाऊस झाल्याने पिके आडवी पडली. मुदखेड, उमरी, बिलोली, नांदेड, कंधार, भोकर तालुक्यांतील अनेक तालुक्यांत पावसाचा जोर अधिक राहिला. 

परभणी जिल्ह्यातील ९ तालुक्यांतील २७ मंडळांत हलका ते मध्यम पाऊस झाला. सेलू, मानवत तालुक्यांतील काही मंडळांत अधिक  पाऊस झाला. वालूर (ता. सेलू) मंडळात सर्वाधिक ५८ मिलिमीटर पाऊस झाला.

हिंगोली जिल्ह्यातील ९ तालुक्यांतील १२ मंडळांत हलका ते मध्यम पाऊस झाला. सेनगाव, वसमत तालुक्यांतील काही मंडळांमध्ये पावसाचा जोर वाढल्याचे चित्र पाहायला मिळाले. 

मंडळनिहाय पाऊस (मिमी)