Agriculture news in marathi Rain with thunderstorms in Sindhudurg; Damage to nuts, mangoes | Page 2 ||| Agrowon

सिंधुदुर्गात वादळीवाऱ्यांसह  पाऊस; काजू, आंब्याचे नुकसान 

टीम अॅग्रोवन
शनिवार, 20 फेब्रुवारी 2021

सिंधुदुर्गनगरी जिल्ह्याच्या काही भागात गुरुवारी सायंकाळी उशिरा विजांचा कडकडाट, वादळी वारा आणि गारपिटीसह अवकाळी पाऊस झाला. या पावसामुळे हातातोंडाशी आलेल्या काजू पिकांचे पूर्णतः नुकसान झाले आहे.

सिंधुदुर्गनगरी : जिल्ह्याच्या काही भागात गुरुवारी सायंकाळी उशिरा विजांचा कडकडाट, वादळी वारा आणि गारपिटीसह अवकाळी पाऊस झाला. या पावसामुळे हातातोंडाशी आलेल्या काजू पिकांचे पूर्णतः नुकसान झाले आहे तर आंबा पिकाला देखील अवकाळीचा तडाखा बसला आहे.

सह्याद्री पट्ट्यातील गावातील शेतकऱ्यांचे मोठ्या प्रमाणात नुकसान झाले आहे. दरम्यान वादळाने अनेक मार्गावर झाडे कोसळल्यामुळे वाहतूक ठप्प झाली होती. वीजवाहिन्यावर झाडे कोसळल्यामुळे वीजपुरवठा देखील खंडित झाला होता. 

जिल्ह्यात गुरुवारी सायकांळी तीन वाजल्यापासून सोसाट्याच्या वाऱ्याला सुरवात झाली. त्यानंतर काही वेळातच विजांचा कडकडाटासह अवकाळी पावसाला सुरुवात झाली. त्यानंतर गारपिटीला सुरुवात झाली. पावसासोबत गारांचा खच जमिनीवर पडला होता. कणकवली, वैभववाडी तालुक्यातील सह्याद्री पट्ट्यात जोरदार वादळ झाले.

वैभववाडी तालुक्यातील कुर्ली, आर्चिणे, लोरे, खांबाळे, सडुरे, नावळे, सांगुळवाडी, नीम अरूळे, अरूळे, करूळ, कुंभवडे, भुईबावडा, ऐनारी या सह्याद्रीच्या पायथ्याशी असलेल्या गावातील शेकडो हेक्टरमधील काजू पीक पूर्णतः वाया गेले आहे. 

या शिवाय फोंडा, घोणसरी हरकुळ या गावातील काजू पिकाचे नुकसान झाले आहे. हिरवा काजू, काजुला आलेला मोहोर गळून पडला आहे. गारपिटीने काजूची पाने देखील फाटली आहेत. काजूच्या झाडांखाली हिरव्या काजूचा खच पडला आहे. हातातोंडाशी आलेले काजूचे पीक वाया गेल्यामुळे शेतकरी हवालदिल झाले आहेत.

वैभववाडी तालुक्यात हजारो हेक्टर काजू पीक आहे. या भागात गेल्या पाच दहा वर्षांत मोठ्या प्रमाणात काजू लागवड झाली आहे. मोठ्या प्रमाणात उत्पादनक्षम काजू या भागात आहेत. परंतु अवकाळीने सर्व पीकच हिरावून घेतले आहे. त्यामुळे शेतकऱ्यांमध्ये नैराश्याचे वातावरण आहे. 

आंबा पिकांचे देखील मोठे नुकसान झाले आहे. देवगड तालुक्यातील काही भागात तुरळक पाऊस झाला. परंतु वाऱ्यांचे प्रमाण अधिक होते. पावसामुळे जिल्ह्यात ढगाळ वातावरण होते. वादळी वाऱ्यामुळे अनेक झाडे रस्त्यावर उन्मळून पडली. त्यामुळे वैभववाडी तालुक्यातील उंबर्डे-फोंडा रस्त्यावरील वाहतूक ठप्प झाली. अनेक झाडे वीजवाहिन्यांवर कोसळल्यामुळे तालुक्यातील अधिकतर गावातील वीजपुरवठा खंडित झाला होता. 


इतर अॅग्रो विशेष
मध्य महाराष्ट्र, मराठवाड्यात गारांनी...पुणे : गेल्या चार ते पाच दिवसांपासून मध्य...
सोयाबीन बियाणे वाहतुकीसाठी अट पुणे : सोयाबीन बियाणे उत्पादक कंपन्यांनी वाहतूक...
काळ्या गव्हाच्या लागवडीची...नाशिक : काळ्या गव्हामध्ये पौष्टिकता, औषधी गुणधर्म...
सांगलीत बेदाण्याचे सौदे पंधरा दिवस बंदच सांगली ः कोरोनाच्या वाढत्या प्रादुर्भावाने सांगली...
विदर्भात आज पावसाची शक्यता पुणे : मागील आठ दिवसांपासून वादळी पावसाने अनेक...
आवारात गर्दी नियंत्रणासाठी प्रभावी...पुणे : ‘ब्रेक द चेन’ मोहिमेअंतर्गत कोरोना...
पुणे बाजार समिती शनिवार-रविवार बंद; इतर...पुणे : पुणे बाजार समिती सोमवार ते शुक्रवार...
मराठवाड्यात ‘पूर्वमोसमी’चे दणके सुरूचऔरंगाबाद : मराठवाड्यातील औरंगाबाद, जालना, बीड,...
विक्रीपूर्वी सोयाबीन चाचणीवर...अकोला ः राज्यात या हंगामात सोयाबीन बियाणे विक्री...
‘आत्मा’अंतर्गत शेतकरी समित्यांची...अकोला ः राज्यात कृषी विस्तारविषयक सुधारणांसाठी...
तासगाव पश्‍चिम भागात द्राक्ष खरड...सांगली ः जिल्ह्यातील द्राक्ष हंगाम अंतिम टप्प्यात...
खत उद्योगाचे सावध नियोजन पुणे  : गेल्या हंगामातील पहिल्या...
राज्यात पूर्वमोसमी, गारपिटीने पिकांचे...पुणे : मध्य महाराष्ट्र, कोकण, मराठवाड्यात तुरळक...
सांगलीत बेदाणा सौदे बंद सांगली ः लॉकडाउनमध्ये शेतीमालाची खरेदी-विक्री...
विदर्भात पूर्वमोसमीचा जोर राहणारपुणे : राज्यातील अनेक भागांत पूर्वमोसमी पावसाने...
उन्हाळा, रमजानमुळे टरबुजाला मागणीअकोला : उन्हाचा तडाखा वाढत चालला असल्याने...
व्यावसायिक दृष्टिकोनातून घडवली...नाशिक जिल्ह्यातील इगतपुरी तालुक्यातील भात उत्पादक...
गाजराने दिले उत्पन्नासह चाराहीनगर जिल्ह्यात अकोल तालुक्यातील गणोरे येथील...
‘गोल्डनबीन’ला झळाळीविदर्भातील अकोला, वाशीमसह मराठवाड्यातील लातूर...
बाबासाहेबांच्या सत्याग्रहाचे शास्त्रडॉ. बाबासाहेब आंबेडकरांनी दिलेला प्रत्येक लढा...