राज्यात पावसाचा जोर रविवारपासून कमी होणार

दक्षिण गुजरातची किनारपट्टी व तेलंगणापर्यंत चक्रवाताची स्थिती असून ती मराठवाडा आणि उत्तर महाराष्ट्र या दरम्यान आहे.
राज्यात पावसाचा जोर रविवारपासून कमी होणार
राज्यात पावसाचा जोर रविवारपासून कमी होणार

पुणे ः दक्षिण गुजरातची किनारपट्टी व तेलंगणापर्यंत चक्रवाताची स्थिती असून ती मराठवाडा आणि उत्तर महाराष्ट्र या दरम्यान आहे. यामुळे कोकण, मध्य महाराष्ट्र, मराठवाड्यात तुरळक ठिकाणी हलका ते मध्यम स्वरूपाचा पाऊस पडत आहे. मात्र, रविवार (ता.२०) नंतर या भागातील पावसाचा जोर काहीसा कमी होणार असल्याचा अंदाज हवामान विभागाच्या सूत्रांनी वर्तविला.     अरबी समुद्राचा ईशान्य भाग व दक्षिण गुजरातची किनारपट्टी या दरम्यान चक्राकार वाऱ्याची स्थिती आहे. ही स्थिती पाकिस्तानच्या दक्षिण भागापर्यंत असून समुद्रसपाटीपासून ३.१ किलोमीटर उंचीवर आहे. तसेच उत्तर प्रदेशचा आग्नेय भाग व परिसर आणि राजस्थानच्या ईशान्य भाग व परिसरात चक्राकार वाऱ्याची स्थिती आहे. ही स्थिती समुद्रसपाटीपासून दीड किलोमीटर उंचीवर आहे. बंगालच्या उपसागराच्या पश्चिमेमध्ये आणि उत्तर आंध्र प्रदेशच्या भागात कमी दाबाचे क्षेत्र असून त्यांचे चक्राकार वाऱ्यांमध्ये रूपांतर होण्याची शक्यता आहे. त्यामुळे पुढील दोन ते तीन दिवस राज्यात काही अंशी ढगाळ हवामानाची स्थिती राहणार आहे. त्यामुळे राज्यात काही ठिकाणी आज (ता.१६) पावसाच्या मेघगर्नजेसह सरी पडतील.  उद्यापासून (ता.१७) विदर्भात अनेक ठिकाणी उघडीप राहणार असून तुरळक ठिकाणी पावसाचा शिडकावा होईल. मध्य महाराष्ट्र, कोकण, मराठवाड्यातील काही भागात दोन ते तीन दिवस हलका ते मध्यम स्वरूपाचा पाऊस पडण्याची शक्यता आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com