पावसाचा जोर कमी होणार 

पुणे : कोकण, कोल्हापूर, सातारा, सांगली, पुणे व विदर्भाच्या काही भागांत मुसळधार पाऊस पडत आहे. राज्यातील पावसाचा जोर कमी होणार आहे. आज (ता. २१) राज्यात तुरळक ठिकाणी हलक्या सरी पडतील. तर पुढील आठवड्यात (२५ जून ते १ जुलै) या काळात राज्यात पाऊस पुन्हा वाढण्याची शक्यता हवामान विभागाच्या सूत्रांनी वर्तविली. 

कोकण आणि पूर्व विदर्भाचा काही भाग वगळता उर्वरित राज्यात गुरुवारपर्यंत (ता. २४) पाऊस सरासरीपेक्षा कमी राहणार आहे. दक्षिण कोकणची किनारपट्टी ते उत्तर केरळ दरम्यान कमी दाबाच्या पट्ट्याची तीव्रता काहीशी कमी झाली आहे. यामुळे कोकणातील काही भागातील पाऊस कमी होऊ लागला आहे. आज राज्यातील काही भागांत ढगाळ वातावरण राहणार असून, अधूनमधून ऊन पडणार असल्याची शक्यता आहे. यामुळे उकाड्यातही काही प्रमाणात वाढ होईल. रविवारी (ता. २०) सकाळच्या आठ वाजेपर्यंत मध्य महाराष्ट्रातील मालेगाव येथे ३६.६ अंश सेल्सिअस कमाल तापमानाची नोंद झाली. 

राज्यातील पावसाचा प्रभाव कमी झाला असला, तरी सरासरीच्या तुलनेत सहा अंश सेल्सिअसपर्यंत घट झाली आहे. कोकणात कमाल तापमानात २८ ते ३२ अंश सेल्सिअसच्या दरम्यान होते. मध्य महाराष्ट्रातही १९ ते ३६ अंश सेल्सिअस, मराठवाड्यातही तापमान ३२ ते ३३ अंश सेल्सिअस, तर कोकणात २९ ते ३५ अंश सेल्सिअसच्या दरम्यान होते.  या जिल्ह्यांमध्ये होणार जोरदार पाऊस  बुधवार ः भंडारा, नागपूर, गडचिरोली, चंद्रपूर, गोंदिया  गुरुवार ः भंडारा, नागपूर, गडचिरोली, चंद्रपूर, गोंदिया  रविवारी (ता. २०) सकाळपर्यंतच्या २४ तासांत विविध शहरांतील कमाल तापमान (अंश सेल्सिअसमध्ये)